اول ذنب ينعشك

البارت 61

وَمَا تَفْعَلُواْ مِنْ خَيْرٍ فَإِنَّ اللَّهَ كَانَ بِهِ عَلِيمًا

ما تجين
وانتِ تدرين بعشگنا
وحَسب تَقليد الضلوع…الشبگه دّين
وحَيل مؤمن كلمن توضى بحبيبه
وكافر ألمّا عنده دّين
كَل شبر بيناتنه يدردم حنين
هاا تَجين…؟
بية وَاهس سندباد
وذاك چتفة المّا تَعب من ياسمين…..

اول ذنب ينعشك
بقلم نجد الدليم
مشاركة القصة والتصويت والتعليق لطفاً

'''''''''''''''''''''''''''''''

اميره _ رشا راحت ضلت بس ام دريد يمي حيل تعبت ما تقبل تروح للبيت تلفت اعصابي مدري لكوها لا رح يصير الليل
والجو بارد خفت يطلعون معتدين عليها ياربي دخيلك
من افكر هيج حته راسي يكوم يوجعني

ام عزام _ ريحي ضهرج لا ضلين كاعده هيج

اميره _ لعبت نفسي من ريحة المستشفى والغرفه ضيگه تخنگ
بس صوت الاجهزه عالي عدا البرد والقلق

رشا _ بشر ما سمعتوا عنها شي

همام _ مخطوفه شفنا الكاميرات أخذنا رقم السياره راح دريد وعلي يبلغون حته يلزمونه

رشا _ معقوله يطلعون عرف زين ما شفتوا وجهم منو.

همام _ ملثمين ما مبين منهم شي

رشا _ خطيه اميره من عرفت حيل تعبت هسه شصار بحالها
وهي تخاف

همام _ ان شاء الله ماكو شي يله انزلي خل الحگهم على كيفج.

ريم _ اجا الجندي صاح علينا طلعنا ما خلونا كلنا نفوت ياخذون منا التفاصيل وليش رحنا يمهم وهواي شغلات
طلعت الحجيه وراها الجهال خلوني اخر وحده من الارتباك كمت ارجف شوي ونادوني رحت

_ اكعجي ارتاحي شسمج

ريم _ ريم

_ شكد صار لج من عايشه ويه العصابه

ريم _ ما عشت وياهم بس يوم واحد

_ لعد شلون الج. ست أشهر من شارده من بيت اهلج

ريم _ صفنت هذا شعرفه بكل هاي  تفاصيل.... اي صح ضليت يم شخص عساس يحميني بس طلع انكس منهم... حجيت له كلشي من يوم الشردت بي لحد هاي اللحظه حته هاي المره ضربوها

_ منو هذا الشخص شسمه

ريم _ اسمه شجاع بس من جابوني هنا يصيحون له ابو غضب من كلت هيج ضحك