اول ذنب ينعشك

البارت 56

{"وتَحسبونه هُيناً وَهو عِند اللهِ عَظيِم"}

ذب حزنك بروحي ونام
نام وخلي اللوليك

ذب شما ثڪل حزنك
احبك وابقى اغنيلك

اول ذنب ينعشك
بقلم نجد الدليم
مشاركة القصة والتصويت والتعليق لطفاً

''''''''''''''''''''''''''''''''''''

اميره _ سوت الغدا علينا عزا
عاط بيها دريد وراحت لغرفتها دردم

ام عزام _ كون لا جيتي ما خلته يتهنى بغداه هاي منو كاله ترجع ليش ما ضلت يم امها

رشا _ انسدت نفسي من شفت دريد عاف الاكل وطلع  ما كملت حته البنات كامن من السفره شكد جنا مرتاحين اني ليش ردت اروح ادري بيها تسوي مشاكل ما نسمع بس صوت تكسر وضرب على الباب مسترجله حته دريد ما يسوي هيج

اميره _ حيل خفت على ريحانه لا تسوي بيها شي كل نظراته عليها وهاي فطيره ما تعرف شي كمت الم بسفره ويه رشا رجعنا الاكل بثلاجه بس لين والحجيه تغدن شوي واجا دريد

دريد _ خويه اميره تعالي اكعدي احجي وياج عوفي رشا تكمل

اميره _ رحت كعدت بصف الحجيه اديه بحضني حيل استحي منه

دريد _ خلي بالج وتاكدي كلنا نطلع وانتن ضلن بالبيت ما اريد تشيلين بخاطرج منها او تسمعج كلام طنشي خليها تولي اعتبري انتي ام البيت وشتردين سوين سوي محد يكلج ليش

اميره _ يابه مو انسان دره مال الله حجيه جبر امدا ريحانه اذا فرطت بيك لو غير واحد جان سمع مرته لو زعل على زعلها
حته من يحاجيني ما يباوع

دريد _ وانتي يا ويلج اسمع بيج رايحه لبيتج لمن ينزل همام اني اوديج فهمتي

رشا _ فهمت دكتورنا الغالي
لا تشيل هم ما نطلع نضل لازكين يمكم بعد كم شهر نصير خمس نفرات غمزت لاميره

دريد _ ان شاء الله تصيرون عشرين اهم شي اشوفكم بخير وحولي

ام عزام _ الله يحفظك يمه
كوم روح لمريتك خاف اخذت بخاطرها من زنيبه

دريد _ صعدت اتصنع الابتسامة والقوه كدام اهلي واني من جوا تعبت مليت من حياتي كل يوم مشاكل وصياح تخلق مشاكل من أسباب تافه من جوا الگاع بس اني اعرف شلون اتصرف وياج منا ورايح رحت يم ريحانه لكيتها تفل بالاجباس ولجج شجاي سوين

ريحانه _ اريد ابدل وما أكدر بسبب هذا

دريد _ ما عندج شي ردانه عريض