اول ذنب ينعشك

البارت 58

‏﴿ لَاتَدْرِي لَعَلَّ ﷲ يُحْدِثُ بَعْدَ ذَلِكَ أمرًا ﴾

اول ذنب ينعشك
بقلم فبراير
مشاركة القصة والتصويت والتعليق لطفاً

شكد صعبه اذا راح التريده
وبعيونه قصه حب جديده
اهنا تحس بعصره الموت

لو شفت غيرك لزم ايده
تضحك وكلبك يشتعل نار
وتحس حلالك مو الك صار

اصعب وكت مر عشرتي وياك
من وادعتني وتطلب انساك
ولو ميت كبالك ولا اشوف
يتطشر كبالي التعب ذاك

******************

اميره _ما كدرت انام من صوت الرعد والمطر على شباك حييل قوي ام دريد كاعده بالفراش تسبح وتستغفر ريحانه هم كاعده بس مسويه روحها نايمه من صار رعد قوي طفت الكهربا

ريحانه _ يمه اميره وينج شغلي ضو

اميره _ يمج لا تخافين وين تلفوني من شغلته رجعت نامت

ام عزام _ كومن اكلن شي ما تعشيتن

اميره _ مو مشتهيه ريحانه تردين اسوي لج

ريحانه _ لااا

اميره _ سحبت فراشي يمها حته أكدر. أحجي وياها همس بعدج زعلانه

ريحانه _ گوه ارفع عيوني احس الجفن مورم يوجعني كتله خلينا نروح منا ما اريد اضل بعد

اميره _ حضنتها ماضل شي ونروح لبيتنا يجي هيبة ياخذنا هسه ما نكدر وحدنا نخاف

ريحانه _ ما اريد اضل يم هذا

اميره _ لا تطلعين ولا لج شغل بي هو الخسران وانتي هم بعدج مو حگ مسؤليه وزواج لا تزعلين
اريدج قويه ريحانه باوعي بعيوني من اسالج جاوبي
انتي تحبين دريد

ريحانه _ ما رديت غطيت راسي وصديت عنها ما احبه ولا أريد احبه جذاب عيشني بوهم

اميره _ يربييي تحبه هاي شلون وياها والله اذا سمع هيبة لا يتخبل بغير شي يدز حجي ويه همام ما اخلي ريحانه يمه ولا يحجي وياها وخلي يطلكه
تالي حبته وخلاها تلفوني طفا مابي شحن ضليت اتگلب بفراشي

دريد _ احس روحي ضايع منها شي ما انسى من طلكتها شلون تباوع لي كرهت اليوم الي تزوجت بي هذا الي يفضل غيره على نفسه هيج يتعذب ويعاني
زينب من الصار ما حجيت وياها كلمن نايم بمكان رغم كل السوته نزلت نفسها اليه تريد تتقرب مني باي طريقه ما تنتظر اني ارضيها ما يمر ساعه على زعلنا تجي تركض ما احب هيج نوع سهل باوعت الساعه صارت ب 11 واني النوم مجافيني