اول ذنب ينعشك

البارت 15

أول ذَنب يِنعَشگ

بقلم فبراير

حساب الانستا @to_et23

حساب الواتباد الوحيد ngd_23

************************

‏شماته وليل غربـه وچلمه الياحيف
يلتمن دمع ويطيحن بخدي .

لــ فبراير

**************************

عناد _كعدت راسي مصدع اذن الفجر وانه كاعد.. حته سيف

حسيت بي ما نايم.. كمت على العكاز غسلت وطلعت وكفت

بشارع اباوع للشباك شيصير لو خذيتج يعني
اخذت بخاخ الصبغ ورحت اعكز

واتلفت لا أحد يشوفني هسه وكت ضهريه بعد كلمن بشغله.. رحت لسياج بيت ابو نايف كتبت..

(ياحِـُب عُـمِـري ، ياگُـلشي حِـلو)

رجعت البخاخ بجيبي ودخلت للبيت 

فرح _رجعت من المدرسه  وگلبي يسبق خطواتي مشتاقتله اريد بس

اوصل حته افتح الشباك واشوفه

صار يومين عنه قمر راحت لبيتهم وصلت للشارع

شفت  عمو ابو نايف واكف ويسب ويغلط.. انعل ابوك لابو الحب

والله بس الزمنك الا اطيح حضك رحت سلمت علي رجال كبير يمشي على العوجيه

فرح _الله يساعدك عموو..

ابو نايف _ هلا بنيتي شلونج عموو..

فرح _ بخير الحمد لله.

باوعت للكتابه واضحك خنگ.. احمم عموو هذا منو مخرب الحايط هيج مدمره

ابو نايف_ والله يا بنيتي ماعرف يا كلب ابن سطعش كلب مدمر الحايط نعلعله اهلك

عفته يسب ويغلط ودخلت للبيت
صعدت لغرفتي فتحت شباك ما شفته شكد بنفسي اسمع صوته

اطمن علي ما أكدر لان ما اريد ازعل اهلي مني رغم الكل يعرف عناد شنو

...............................................

اميره _مكتوب لي اتمرمر بحياتي مكتوبه عليه المصايب

جن ما تعرف بس اميره ااخخ يا وجع روحي شكد ثگل.. كعدت

أيدي على وجهي حته دموعي نشفت ما تنزل بعد احس عيوني

جمر گوه افتحهن غصة بلعومي ماتروح.. صفنت اذكر ايامنه

ام محمد .. هههه ولج يمه اميره وخري مسودنه انتي هههه

اميره _ لا ماما شبيج خل امشط لج اسوي تسريحه واكحلج

ام محمد _هههه يا يمه سويهن گصايب واهجدي..كملت شعرها

كحلتها وعطرتها بالمسج وطلعت غسلت ملابسه ورجعت نمت على رجله وتمسد على شعري