اول ذنب ينعشك

البارت 64

‏﴿وَٱصۡبِرۡ فَإِنَّ ٱللَّهَ لَا يُضِيعُ أَجۡرَ ٱلۡمُحۡسِنِينَ ﴾

اول ذنب ينعشك
بقلم الكاتبه نجد الدليم
مشاركة القصة والتصويت والتعليق لطفاً احبكم..

لـ وحرك دم وتعب واهات ودموع
وسلب راحه وسهر والنوم مسلوب
وكل موعد فرح وعياد
ويا وشوف الكون من يروح مكلوب
كل هذا وتكول  عوف ونساه
لا ايوب انه ولا انه يعكوب

ريم _تريكنا وكملنا راح لبس تيشيرت وبنطلون سود لبس عليهن كوت اسود.... شنو لبسك كله اسود ما تغير؟

شجاع _ بس تجين اغير يلا كملتي البسي الشال زين اليوم حيل بارده

ريم _ عدلته جايب لي ملابس جديده ماكدرت اسبح وضعي ما يسمح طلعنا للسياره بداخلي ميته خوف من مواجهة خوالي

قمر _كمت اصرخ عليه عيونه صعدن فوك ضل بس البياض  ولج يماااا

مريم _ اسم الله يمه مابي شي
أخذته كمت اطب على ضهره
مشمور اسم الله الرحمن

قمر _ اديه ترجف ما أكدر اسوي شي نزعته ملابسه خلته بالكاع
تمسح على صدره وتقرا ايات شهك بقوه كام يصرخ
من كعد وفتح عيونه حضنته ابوس بي كون بيه ولا بيك لو الله ما خذني قبل ذاك اليوم
ولا اتعذب وياك كلي شسوي
حسبي الله ونعم الوكيل عليكم

مريم _نهد حيلي ياربي دخيلك
كافي ياأمي عمت عيني عليك ادري موجوع قمر شوفي مابي شي  هذا مسخن يفور كومي جيبي كمادات خاف ينشمر نوب

قمر _ جبت له ما يقبل يسكت يصرخ بكل حيله أول مره اشوف هيج حاله كلت مات من صار ازرك لهسه الرجفه بيه

مريم _هذا  مي بارد نطيني دافي لا يتمرض قمر لا تعلين كلبي بغير شي همي بثكل الجبل كافي تبجين شوفي رجع طبيعي بس لازم تنتبهين له ابعدي الهيتر عني

قمر _ يمه ليش يرجف شبي

مريم _ كلها التمت عليه الطهور والسخونه وقلبه شلون ما يرجف
الوجع أكبر منه احنا الكبار ما نتحمل عود هذا عمره ايام

قمر _ اجا بابا من شاف ارسلان بدون ملابس ويشهك شمر مفتاح السياره

هاجد _ شبي ليش هيج مسوينه

قمر _ حجت له كلشي كام  يلوم بروحه لان ما عنده شي حته ياخذه للطبيب

اميره _ اسمع صوت دريد يحجي ويه علي يكله سويلي ريوك حته نطلع شكد عيب هسه يكول نايمات والرجال يسوي خرب وين ولت هاي ما تنزل تحضر رجلها اتصل مغلق