اول ذنب ينعشك

البارت 24

اللهم صل على محمد وآل محمد

......................................................

أول ذَنب يِنعَشگ

بقلم فبراير

حساب الانستا@to_et23

_________________________

وكلت مايحجي سري وشاوريت الناي
حجة جروحي وفضحني وسولف اهاتي

هيبة _ أخذنا بيبي ودفناها اباوع خالي هسه ياله حس عنده ام يصيح مثل المره عليها يشيل تراب ويشمر على روحه

حسين _ ولج يمممه سامحيني حيل تعبتج مادريت تروحين مني بهسرعه ليش كلكم رحتوا ليش

ابو عبدالله _ گوم يابه ادعيلها بالرحمه والمغفره البجي يعذبها

حسين _ خلوها سامحني كلولها ترجع والله ما اصيح عليها ولا ارفع صوتي هيبة هي تسمع كلامك كلها ارجعي بس اشمها اخر مره

هيبة _ گوم ياله كل هالسنين راميه بالغرفه لو تموت ما دريت عنها هسه من راحت جايني تبجي

حسين _ ماكدر اروح يمها اختنگ البيت كله يخنگني ماريد عوفوني هنا يمها

محمد _ ياله يابه ما يصير نطول هنا لازم نرجع البيت هسه الناس تجينا ماكو احد

علاء _ ابو احمد امك راحت يم ربها هو ارحم بيها گوم كافي خل نرجع حته تسوي الها فاتحه

هيبة _ طلعت كدامهم حته انصب جادر واحضر
همومي منا اهل آدم ومنا اميره وهسه مصيبة جده يارب اريد تنطيني الصبر

ريم _ مالحكت عليها اخذوها ولج يمه بيبي راحت راحت امي

هيام_ كومي تلحكين على البجي لمي فراشه وخلي ورا البيت خابرني علاء الوادم رح تجي ماتريد مكان نضيف تكعد بي

ريم _ احس شگت صدري من كالت هيج احجي وعيوني تجري دموع

انتي شنو من گلب عندج بعد
مارجعوا من النجف وتريد تشمرين فراشه فكري لامن كبرتي هم يصير بيج هيج

هيام _ اكوم اشگ حلگج گلبه علمتج على طولة السان لا تحسبيني بدريه واخليچ على مايچ تفض الفاتحه ويصير خير

ريم _ رحت بغرفتها لميت فراشه حيل صعبه امي هاي اشم فراشه واشهك يردون مكان نضيف.

وگلوبهم وسخه رجعته مكانه غفلة الغرفه وأخذت المفتاح خليته

بصدري بدت الناس تجي نسوان جوارينه ماكو احد بس انه ماعرف شي نسيت شنو اضيف شنو اگول

____________________________

آدم _ خلصت الليل ادعي يارب تنجح عمليته وطيب بس هسه

تأجلت ليورا الفاتحه حيل نقهرت على هيبة لان ادري رح يعوف البيت ويروح يسكن بشقه
باوعت امي كاعده كتله شو مارحتي