اول ذنب ينعشك

البارت 33

اللَّهُمّ دبر لِي فَإِنّي لَا أَحْسَنَ التَّدْبِير.

*****************************

أول ذَنب يِنعَشگ

بقلم الكاتبه فبراير

عَلى عيونَك ،
كتِبت شگد قصايد
ردتَك بَس إليَّ
وكُلشي ما رايد

عناد _ كملت مقابله وتدريب ان شاء الله باجر اباشر العمل بس بالي  مو يمي يمها هيج گلبي طاگ عليها ما صار ايام وهيج اشتاگيت يارب انطيني الصبر اتصلت على سيف ما يرد شوي واتصل مهيب

مهيب _ هلا عناد شلونك

عناد _ بخير الحمد لله انتوا  شلونكم

مهيب _على الله شلون الشغل لكيت شقه لا

عناد _ زين باجر اباشر
بس الشقه جزع گلبي حته لكيته وياي 4 شباب  هم بنفس المصرف يشتغلون

مهيب _ خوش حته ماضوج وحدك

عناد _ احس رد مهيب بارد صوته ماعجبني كتله امي وابوي سيف شلونهم

مهيب _ الكل بخير الحمد لله
ديربالك على نفسك

عناد _ مهيب صاير شي احسك مرتبك امي بيها شي

مهيب _ اذا يسمع بسيف غير يعوف الشغل ويرجع كتله ماكو شي بس جاي اسوق رايح لكربلاء
زياره اني وسيف

عناد _ مقبوله أن شاء الله
يله اخذ راحتك وانتبه لطريق ادعيلي

مهيب _ ان شاء الله سد الخط باوعت لسيف بس صافن مايحجي ولا سال عن عناد
سيف عناد يسلم عليك

سيف _ اسمع بس ماكدر احجي احس لساني ربط اكو شي خانگني مدري بسبب هذا ذنب لو غير شي كلما اغمض تجي وتصيح حرام عليك والله ماعرفك

مهيب _ دخيلك يبو فاضل لازم الحگ على شيخ يقرأ عليه

اميره _ نعست بطريق وخفت انام اباوع للرجال كل شوي يلتفت على شارع

_ بويه احس احد لاحگنه شو سياره وين ما امشي تمشي

اميره _ خفت يطلعون عصابه لو متورطين بشي ولاحكتهم شرطه اباوع للبنات ما يحجن ساكتات اكيد خاطفهن مو بناته من كمت ارجف ياربي ساعدني ماعدي غيرك

ريم _طلعت من الامتحان لكيت محمد ينتظرني اباوع ماله خلگ

محمد _ ها ريمه شلون الامتحان

ريم _ الحمد لله جاوبت وانت

محمد _ والله يعني خوش هم جاوبت

ريم _ شبيك حمودي ليش ضايج

محمد _ خابرني خالي يريد يجي ياخذنه نعيش يمه ماقبلت