اول ذنب ينعشك

البارت 28

أول ذَنب يِنعَشگ

بقلم الكاتبه فبراير

وآنا بروحّي
‏حِزن ديرة
‏ومَلامح خوف
‏وحَرب چذبة ، وحِلم تايه
‏ونَهر ثالث حُفر خَدي
‏غَريب بكاع مَتلمني
‏چم ليلة
‏اذب دموعي ع المامشَ
‏ولا ادري

قمر _ من نطيت التحليل لخاله مريم كامت تبجي ودك على صدره

مريم _ يارب لا اعتراض على حكمك يارب مالها ذنب مالها ذنب ليش

قمر _ شبيج خاله والله مابيه شي لا تبجين شويه دوخه وراحت

مريم _ نكسر ضهرك يا هاجد الله يجبرنا وياخذ حقها شالته خطيه بلا ذنب
اوف يمه عمت عيني عليج كون ربي يردها له بحيله وصحته

قمر _ أول مره شخص يقهر خاله وتدعي عليه بصحته
خاله شنو طلع بي هذا ليش تدعين

مريم _ شكلج شنو اجاوبج شلون اشفي غليلج واساعدج يمه لمنه كبر بطنج شگول للناس أبوج هاذا الي هد حيله التعب شكله أكبر من عمره صار خاطر يوصلج لامن سالني شحجي تصخمت عيني ولج يمه قمر

قمر _ كعدت على حيلي دموعي تنزل خاله شبيج شنو تحجين يكبر بطني مابيه شي والله.

مريم _ انتي حامل هذا شوفي أشر عندي تحليل منزلي وسبب دوختج من الحمل

قمر _ من حجت هيج انگطع الهوه اختنكت صرت اشهك صدري يرفع وينزل

مريم _ يمه دخيلك يبو فاضل يمه قمر ولج يمه لا تهدين حيلي أكثر من هيج كومي هاج مي اشربي

قمر _ جذب والله مابيه شي خاله شوفي بطني مابيه شي صرت اضرب بطني بكل قوه ملخت روحي احلف الها مابيها شي لزمت اديني تهدي بيه واني اصرخ وادعي على روحي

مريم _ كافي قمر اشش هسه ابوج يسمعج كافي باوعي اسمعيني بس يطلع اجيب لج أعشاب خلي ينزل كافي زلغتي وجهج مسحت دموعه وامسد على ضهره

قمر _ خليني اموت واخلص وخري عني جبت الكم العار نزلت راسكم جنتو مفتخرين بيه شكد تعبتوا على مودي جازيتكم بشي مو خوش

مريم _ اصبري يمه الله يجزاج على صبرج هذا اختبار ربج كال انما يوفى الصابرون أجرهم
كومي بردي جسمج مي بارد حته ترتاحين عود انه اصعد لج الغدا

قمر _ سويت مثل ما كالت لي بس فتحت الماي وكعدت مابيه حيل اسوي شي احس روحي بحلم وماكدر افتح عيوني اريد اكعد كافي

_____________________________

مهيب _ رجعنا للبيت محد له واهس يشاقي ويضحك لان عناد باجر يمشي حته يكمل الباقي بغداد

عناد _ اباوع للولد يجاملوني سيف صوته مخنوك كل شوي ينحنح
يمعودين شبيكم وجوه الأرامل هيج حزنانين وحق الله ابطل ماروح