اول ذنب ينعشك

البارت 36

أول ذَنب يِنعَشگ

بقلم الكاتبه فبراير

حساب الانستا @to_et23

الروايه ماتطلع بالبحث فقط رابط

شكد صعبه اذا راح التريده
وبعيونه قصه حب جديده
اهنا تحس بعصره الموت

لو شفت غيرك لزم ايده
تضحك وكلبك يشتعل نار
وتحس حلالك مو الك صار

اصعب وكت مر عشرتي وياك 
من وادعتني وتطلب انساك
ولو ميت كبالك ولا اشوف
يتطشر كبالي التعب ذاك.

مهيب _ وصلنا البيت العصر  نزل  سيف  واني فريت سياره وطلعت ماريد احد يشوف بعيوني  كسرتي

سيف _ مالحكت اسأله وين رايح شبي هذا من رحنا مابي شي
دخلت ماكو احد بس جده وامي سلمت عليهم

بدريه _ هلا بالغالي

اسيل _ هلا يمه زياره مقبوله 
وين أخيك

سيف _ ها طلع بشغل هسه يرجع رحت تمددت نفسيتي مرتاحه

ريمه _ من رجعنا من المدرسه اجا علينا آدم أخذنا وصلنا للبيت
كاعد ينتظر هيبة كل شوي يخابره دك جرس البيت راح فتحه

آدم _ ادري جاي من الخارج حته  هيج طولت

هيبة _ مستعجل الارعن وخر منا شعدك لاحكني

آدم _ غير مشتاقلك عزيز روحي انت

هيبة _ وروح امي جذاب جاي تلوگ يمي تنعم دروب

اميره _ دخلت وراهم واحد يسب ثاني شافتني ريمه اجت حضنتني

ريمه _ الحمد لله على السلامة
وين رحتي ضل بالي عليج

اميره _ رحت زياره وهياتني جيت شعجب جاين هنا بعده الشقه مو كامله

ريمه _ حجيت الها كل السالفه حته من سمعت آدم يريد يخطبني مو قابله
وهذا كل الي صار واجينا هنا

اميره _ يابه شكد حقيره هاي المره عدها وجهين عوذا منها
بس تدرين ليش سوي هيج ضامه شي ماتريدنه نعرفه وطردتنا احس شي يخص هيبة كل مره اسمعها تحجي ويه امج بي

ريمه _ شلون يعني يخص هيبة اصلاً امي تكره من هو طفل

اميره _ مادري الموضوع غامض بس لازم نعرفه تدرين امج تعرف امي سمعتهن يحجن انو امي ماتت اندفن السر وياها خايفات مني ليش ماعرف

ريمه _ معقوله شعرفهن بامج وانتي اول مره تجين هنا

اميره _ اندري شنو سالفه شنو اليوم خدودج حمر الحب هنا غمزت الها

ريمه _ ها لا ولج يا حب والله ما احبه مثل ما تفكرين بس وافقت عليه ماعرف ليش

اميره _ بالعكس آدم رجال ونعم منه مو ناقصه شي ليش ترفضين
واضح يحبج واجه بنفسه يخطبج  رغم امه مو راضيه كسر كلامه
ورا الزواج كلشي يتغير صدكي رح تتقبلج وكل هذا الحجي يصير ماضي
وانتي تحبينه ويصير احلا شخص بعيونج عود  اذكرج