اول ذنب ينعشك

البارت 34

للّٰهِ المُشتَكى مِنْ فانيَةٍ أَغرَّتنا بِمفَاتنِها الزَائفةِ!

****************************

أول ذَنب يِنعَشگ

بقلم الكاتبه فبراير

طبع بـينه الحـزن يبـدي مِـن الغـروب
ومِـن نبچـي عـليك
ندمـع گـلوب

اميره _ الليله اگضيها هنا باجر وين اروح اخاف ارجع لبيتنا والكا هناك منا هيبة ومنا مهيب وين أولي اباوع ما ضل شي ويصير الغروب اذا صار بيه شي
حته تلفون ماعدي ورطت روحي

محمد _ ريمه امشي خل نرجع لبيتنا كافي هنا يم الوادم

ريمه _ ليش هيبة كال؟

محمد _ لا بس عيب طولنا يمهم وهذا بيتنا قريب

ريمه _خل يرجع هيبة ونروح فد مره زين البيت مو انباع

محمد _ اي انباع بس نوب اسبوع حته نشيل منه فوتي للداخل هسه اجي

ريمه _ مادري شنو السبب يخلي يرجع للبيت رجعت حته اروح يم ريحانه اسمع خاله همسه متعاركه ويه آدم

همسه _ انت شبيك استخفيت شنو تجي تكعد هنا ماتستحي

آدم _ يمه شبيج ليش تحبين تغثيني

همسه _ شيل الفكرة من بالك
انك تأخذها وان قررت تأخذها تختار لو اني لو هي

ريحانه _ ماما ليش ما تحبيها شسوت لج ريمه حبابه بس انتي ماتردين احد شردتي اميره وهسه جيتي على ريمه

آدم _ كل هاي العركه بس لان جيت وكعدت

همسه _ من يوم الي اجت واني مو مرتاحه يا هسه تولي يا هسه تروح ماكو لزكت يمنا ماتستحي دكول عدهم ولد وعيب اضل طالعه على امها
منو يكول بعدين ما تطلع تصاحب عليك وتخونك

آدم _ استغفر الله ياربي حسره عليه تخليني اكعد مرتاح لازم تغثيني بشي خلصت عمري كله ما اكسر كلمتج بس بهذا تصرفج تخليني اكسرها واخذ ريمه حته لو مو راضيه عني
عفتها وطلعت لكيتها واكفه بصاله ودموعها تجري ريمه

ريمه _ حجيها گطع گلبي كل هذا حقد عليه بعدني ما صرت لادم وهيج ما اهتميت له من واكف
عفته وطلعت

آدم _ ريمه اصبري لا تاخذين بحجيها لان من تجيها الحاله ماتعرف شسولف

ريمه _ مارديت وصلت باب المطبخ اريد اطلع لزمني من زندي

آدم _ والله ما تطلعين الحكچ وين ما تروحين تعالي اكعدي نتفاهم

ريمه _ آدم وخر عني خليني اولي لو اموت لا تدخل بيه

آدم _ والله ماوخر شسوين سوي
حضنتها لصدري اريد تسكت شو زادت بالبجي تفلت بروحها مني

ريمه _ حاضني بكل قوه صرت اضرب بي ما يقبل يوخر ماحس الا اخذ شفتي بين شفته ابتعد عني حاضن وجهي بين اديه مسح دموعي بصابعه يحجي عيونه ذبلانه