اول ذنب ينعشك

البارت 60

{وَمَنْ يَعْمَلْ سُوءًا أَوْ يَظْلِمْ نَفْسَهُ ثُمَّ
يَسْتَغْفِرِ اللَّهَ يَجِدِ اللَّهَ غَفُورًا رَحِيمًا }

اول ذنب ينعشك
بقلم نجد الدليم
مشاركة القصة والتصويت والتعليق لطفاً احبكم

أثاري أنتَ صلاة غروب
تمسح كل ذَنب بيه
وأثاري الحيل من الگاك
يرجع للصِغر بيه
♡

أميره _ الدكتوره خلت لي مغذي
شوي حسيت براحه ام دريد حسستني انها امي حيل خايفه عليه تكصص فواكه وتنطيني
ما قبلت تروح للبيت ضلت يمي لمن اطلع

ام عزام _ اكلي حته يصير بيج حيل وجهج اصفر سودا عليه انتي و وليدج تعبانه

اميره _ الحمد لله على كل حال
يارب عوضني عن كل هذا التعب اباوع لبطني بارزه اتخيلت اجيبه ويكبر ويصير لي اخ واب وكلشي شلون أكدر اتقبل ابوك خايفه ما نكمل مع بعض وتروح الضحيه انت لازم اصبر واتحمل علمودك

قمر _ رجعنا للبيت افكر بكلام الدكتوره معقوله الي  بيه سامه ورح اموت اكيد رب العالمين عاقبني لاني حملت بشي يغضبه بس ما سويت شيء والله غصب عني
يارب انت تعلم اني شنو مو ذنبي هذا خطيتي بركبة الي اذوني
صراخ ارسلان ما اهتميت له رحت لغرفتي تغطيت حته ابجي على راحتي بدون محد يشوفني او يشفق على حالي طابت نفسي من كلشي بدنيا حته الجامعه ما اريدها

مهيب _ ابوي حيل تعب نايم  بالفراش الضغط معلك عنده
نطيته حبوب وماكو يابه كوم خل اخذك بس يون ناديت سيف حته يكوده وياي نوصله للسياره

سيف _ اذا صار بي شي أجرم بحنين والخلفها لزم أيدي بقوه گوه يمشي رفعتها بسته اسف سامحني اني السبب

مهيب _ مو وكت هذا الكلام
طلعنا امي وصلتنا للسياره هم تعبانه بس متصنعه القوه... يمه عينج على درع لا تخلينه ينزع نظاره ولا يركض

اسيل _ ان شاء الله يمه عود طمني على ابوك

سيف _ بطريق تصادفنا ويه ابو فرح ضل يباوع لأبويه شكد حته سلام ما يسلم اشوى ابوي مغمض ولا جان تعاركوا

مهيب _ حيل متغير جان هو يبادر بالصلح ويضل يسال عن أبويه وعنا شو هسه نضراته كلها حقد لو بس اعرف شنو بينهم ووصلوا لهيج مرحله

ريم _ وجع رجليه وصل احد رگبي كلنا تعبنا فحطنا يلا وصلنا مكان كله جنود وجيش
وين احنا ليش جينا هنا طلعنا من عصابات وجينا يم معسكر
أشر اكعدوا مديت رجليه بتراب  الرجال ضل رافع تلفونه حصل لمن  شبكه اتصل يحجي ويسكت من التعب