اول ذنب ينعشك

البارت 37

أول ذَنب يِنعَشگ

بقلم الكاتبه فبراير

حساب الانستا @to_et23

طوينه ايام ماضينا
نسينا شلون چنه بشوك نفرح لو تلاكينا

عناد _ ضليت بقلق اتصل على الولد محد يرد حته امي مو عوايدهم

عمر _ شبيك عناد ليش ضايج

عناد _ ماكو شي بس اتصل على أهلي محد يرد

عمر _ لا تشغل بالك  يجوز مشغولين او طالعين

عناد _ تنهدت بحسره رغم هنا كلش مرتاح والولد كلهم زينين بس گلبي يم اهلي

سجاد _ يله يولد كومو تعشوا وين راح حسن

عمر _ راح ينيم جهاله صرعونا من الصياح

عناد _ ليش حسن ماعنده احد  هو مربي جهاله وشغل وتعب وين مرته

سجاد _  حسن ما عنده احد مرته توفت بكارونه و تزوج علمود غيث وليث وشاف معاملتها مو زينه وياهم ماكو شهرين وطلكه حالف هو يربيهم  و مايزوج تعرفنا على بعض قبل سنه جابهم وجا سكن يمنا

حسن _ شنو جاي تحشون بيه يا ويلكم من الله نوب كاعدين يتعشون ما يكولون خل نادي حسن  دافع وياكم نص الإيجار

عمر _ يا طلابة  الإيجار الما تخلص

سجاد _ عناد لا تنصدم تعود على هذه الوضع كل يوم هيج متعاركين

عناد _ عادي اصلاً متعود على اخواني

سجاد  _ ان شاء الله كلنا اخوان
عمر من تخلص عشا حته تهمز ضهري ميت تعب

عمر _ مخلفك وناسيك بيك دفره

حسن  _  مودي عليكم الزهره
نصو صوتكم هسه يكعدون جهال وما بيه حيل صياح كوه نيمتهم

عمر_ باجر لا  داوم اني اروح مكانك لمن يطيب ليث

سجاد _ جا داوم مكاني والله تعبان نفسياً وروحياً وجسدياً

حسن _ والله حيلك حيل الحمار منين جاك التعب اشوف من الشغل للبيت وأكثر وقتك نايم

سجاد _ تف تف عين الحسود بيها عود ليش مو مرات اضل يم جهالك وانت تولي ديح

حسن _ غصب عنك وانت ممنون لعد شكو مسوي روحك عم

عمر _ رح نغير الجدول بس يطيب ليث نخلي يوم على عناد

عناد _ شتخلي ولك شايفني مربيه لو عندي حضانه

سجاد _ يبووو انت تتعلم اني جنت هيج ماعرف اسوي شي هسه صرت اسوي ممه ومرات اسبحهم و ووكلهم

عمر _ تعشوا هسه الأحد أن شاء الله نغير الجدول

عناد _ فتحت التلفون هم ماكو رد يمكن مثل ما كال عمر مشغولين لو طالعين كملنا عشا سويت جاي وسجاد غسل الماعين وعمر لم السفره هيج متعاونين شكد روحهم حلوه
شوي واتصل سيف