اول ذنب ينعشك

البارت 53

{ إِنَّ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَهُمۡ أَجۡرٌ غَيۡرُ مَمۡنُونِِ }

________________________

شكال عناد ويه يروحه
^
^
عاودت من السفر رديت لحبابي
وما ادري خان الوكت وندار بغيابي
طبيت رأس الفرع وسمعت دك طبول
كلت الف الف مبرووك للعرسان
سألت العروس منين كالولي بت فلان
انهد حيلي والتمت علي النسوان
تلكتني بلهفه يا يمه البنيه غصبوها غصب
البنيه الها اعذار
واني صفالي الوكت واني اصبحت خطار
كتبت هل القصيده خل تسمع الاجيال لا تحبون
حكم  الأهل غدار

''''''''''''''''''''''''''
رواية اول ذنب ينعشك
بقلم الكاتبه فبراير
حساب الانستا@to_et23
حساب الواتباد الوحيد ngd_23
مشاركة القصة والتصويت والتعليق لطفاً

************************

ريم_ ما اشوف شي ضلام حسيت احد. يمشي قريب مني زحفت لغير جهه اتلمس بالكاع حجر
غمضت عيوني بخوف ياربي احفظني مالي غيرك نذر عليه بس ارجع يم خوالي اقبل بكلشي يسونه بيه ولا اشرد لو يموتوني ما اكول ليش اشتغل ضو خفيف  على عيوني ما فتحت تخيلته جني لو شبح مثل ما حجالي ابو وشم خطواته قربت مني صوت نفسه بوجهي من  سد حلكي فتحت ادافر برجليه اريد اشرد

شجاع _ ججج اسكتي هذا آنه لا تخافين

ريم _ من الخوف حضنت ايده
وابجي رجليه يرجفن بقوه همس

شجاع _ كومي وياي ولا طلعين صوت امشي على أطراف اصابعج

ريم _ نمشي حيييل بهدوء يتلفت ويرجع يختل حافظ الطريق دخلنا بفرع ريحة المجاري تخنك اسمع صوت بس ما أميز لشنو وصلنا يم بيت فتحه دخلنا شغل ضو خفيف ضلينا نمشي لحد ما وكف يم غرفه هم فتحها

شجاع _ ادخلي صرتي بأمان هنا لا تخافين

ريم _ لا تروح عفيه خليك هنا

شجاع _ ماروح اكعدي ارتاحي

ريم _ كعدت بالكاع وعيني عليه سند ضهره على الحايط يمسح بوجهه ثنينا ساكتين

شجاع _ اباوع عليها حته اذا رجعتها لخوالها رح يلحگونها الچلاب منطيني حبايه ومخليني اعترف بيها يمي وشسمها ومن وين لازم اخذ حذر منهم منا وهيج يعني كل هاي السنين ما شردتي الا من ردت انفذ وامحيهم طلعتي بوجهي راح تعب ثلث سنوات بلحظة غباء

ريم _ مدري شبي خازرني يكول اني ذابحه واحد من اهله خل اكسر الصمت الي بينا كتله شنو هذن الطلقات