اول ذنب ينعشك

البارت 42

‏﴿ وَلَسَوْفَ يُعْطِيكَ رَبُّكَ فَتَرْضَىٰ ﴾

****************************
.
أول ذَنب يِنعَشگ

بقلم الكاتبه فبراير

حساب الانستا @to_et23

فرح _ مر اسبوع من احلا ايام العمر رسول رجع سافر علمود يتعالج وعمر جاب لي الهديه اسواره ذهب باسمي

شكراً كلش حلوه

عمر _ تستاهلين أكثر وعندي الج بعد مفاجأة

فرح _ كل هاي علمود رسيله ام الكمل لو ادري هيج بشارتي
اني حاجيت خالو

عمر _ ترحين فدوا لكملات رسيله

رسل _ عمررر شنو رسيله لا تعلمك فرح ام الوسخ كول رسل

فرح _ يلا اشوف لمنو تفزع بيك خير وافزع الها اذا ما طيحت حضكم

عمر _ يابه مسترجله أكثر مني انتي بس كليلي الي ياخذج شنو يلكي بيج لا انوثه لا كلام حلو لا شي عمي تعلمي من رسل

رسل _ والله حبيبي لو شوفها من تركض وراي عبالك عمو سلمان

فرح _ قحط وانتو مفكرين اعامل رجلي مثلكم لا عيني هذا الروح والريه اعامله برقه ودلع
واصلاً بكل حالاتي يموت
يموت عليه هيج يخرب

عمر _ اي عيني ومنو هذا الميت عليج حته اروح ادفنه

فرح _ اسم الله بعيد الشر

امل _ ولجج يعني صدك تحبين احد سمعتوها كالت بعيد الشر

رسل _ اي والله ما دام خفتي عليه هيج يعني عندج وحييد

فرح _ ارتبكت ماريد احسسهم بشي اي علاقه يعرف بيها الناس تخرب وما اريد علاقتي بعناد تفشل او احد يدخل بيها احب اقضي حاجتي بالكتمان لمن تقع عود الناس تعرف بيها

عمر _ شو سكتي ما جاوبين

فرح _ شبيكم اكلتوني بگشوري تحسبون كلها مثلكم تحب وتعشك عمي احنا ناس گلوبنا ثگيله ما عدنا هيج سوالف يععع

رسل _ عود اذكرج بيها هاي اليععع

عمر _ يله حبيبي تأخرت انتبهي على نفسج

فرح _ عود لا تشربين مي هواي خاف تغصين ومن تنزلين الدرج شوي شوي لا تتعورين لان اخوانا ابو راس خايف عليج
يابه شكد لوتي ما توصيني انتبه على روحي

عمر _ انتي ما يصير بيج شي مسترجله بس رسل رقيقه اخاف عليها من كلشي ابتعدي عنها لا تطخينها

فرح _ ضربتها على كتفها ورحت ركض وكفت باب الغرفه غميتهم

عمر _ ههههه ما عليج تغار يلا فوتي يمها تونسن