اول ذنب ينعشك

البارت46

﴿ وَاعلَموا أَنَّ اللَّهَ يَحولُ بَينَ المَرءِ وَقَلبِهِ وَأَنَّهُ إِلَيهِ تُحشَرونَ ﴾

///////////\\\\\\\\\//////////\\\\\\\\\\\

أول ذَنب يِنعَشگ

بقلم الكاتبه فبراير

مشاركة القصة والتصويت &
التعليق لطفاً

><><><><><><><><><><

سولفلي ليش اتغيـرت..
شنهو اليغث بحچايتي

وانتَ الوحـيد البگـلب..
من دون اهـل ولايتـي

**************************

ريحانه _ من رجعنا للبيت آدم اجا اتصال و مو على بعضه سالته نتر بوجهي ضليت اباوع له بعيون مليانه دموع

آدم _ ريحانتي باوعي من شوفيني  تعبان ومالي خلك لا تسأليني حته ما ازعلج
بالرد

ريحانه _ هزيت راسي اي شلت الأغراض ودخلت لغرفتي

آدم _ منو هذا وشيريد مني يله باجر. اروح له خل اشوف ريمه شنو محتاجه اجيبه منا اتصلت ماترد شبيها هاي الثانيه اتصلت على محمد

محمد _ الو هلا آدم

آدم _هلا ابو جاسم بس شوفلي ريمه ليش ما ترد

محمد _ مو هنا راحت للطبيب وبعده ما اجت

آدم _ وكفت على طولي ليش شبيها

محمد _ احتركت ايدها بالزيت

آدم _ شوكت شو ما ادري وهسه شلون صارت

محمد _ البارحه صارت احسن بس رجع أخذها خالو حته تجردها

آدم _ يله اخذ راحتك من تجي خل تخابرني.. ادري شلون حركت ايدها شنو مخلينها تطبخ الهم بس هاي العايزنيي

قمر _ خلال يومين صار حسابي الف متابع كل يوم انشر ستوري ثبتت طلبين كليجه أول شي خفت يلعبون عليه لان ما اعرفهم بس
تذكرت
مقولة الإمام علي بن أبي طالب رضي الله عنه

كُلّ متوقعٍ آتٍ، فتوقّع ما تتمنّى"  منتظر الفرح، سيحصل عليه. و صاحب اليقين، ستتحقق فكرته
توكلت على الله ورحت احضر المواد ناقصني مطيبات شلون ضروري اخلي منها تنطي طعم يجننن خل ادز خاله على المحل

مريم _ اني هم معتازه جم غرض شكد تردين

قمر _ جيبي لي علبتين عود من احتاج اشتري نوب