اول ذنب ينعشك

البارت 40

- إذا أجْرى اللهُ على لسانكَ كثرة الصلاة والسلام على النبي ﷺ، فقد جُبِرت، ونُصِرت، وكُفيتَ همَّك، و غُفِر ذنبك

*****************************

أول ذَنب يِنعَشگ

بقلم الكاتبه فبراير

عكب ذاك الامان وياك ارد لوحدي مو سهله يتيم وفززو من حلم بي اهله

عناد _ سجاد اخذ جهال وراح ما خله لعبه كلهن صعدهم بيهن متونس وياهم حسن يصور بيهم ويصيح علي الزمهم زين

سجاد _ رح اشمرهم لك من فوك شلك بيهم بس التعب

حسن _ ولك الزم غيث لا يطيح واموتك

عمر _ كل عقلك توصي سجاد هذا اذا دكله اشمر روحك وخلي ليث وغيث يسويها صح لسانه زفر بس ماكو احن منه شوفه مونس روحه يتحجج بجهال

عناد _ والله نچر عايش حياته مثل مايريد

حسن _ لا تغرك ضحكته سجاد شايل هم بس الله يعلم بي

عناد _ ليش شبي تدري مخلص وقتي كله شغل ما متعرف عليكم حيل

حسن _ سجاد امه وابو منفصلين وكل واحد عايش بلد امه تزوجت وابو هم تمر سنين  حته يشوفهم يجون سفرات للعراق وصدفه يلتقون محد سال عنه يعني مو مهتمين بي
عنده 3 خوات من ابو بس ما يقبل يروح الهن

عناد _ هذا الاختيار الغلط ما يگع بيها غير الأطفال كم سنه ينفصلون كلمن يلتهي بحياته  تضل خلفتهم محد يربيها  لو يتشردون لو تلكاهم بالتقاطع والدرابين

عمر _ اي والله اهم شي بالزواج الاختيار الصح لان رح  يكون الأساس مثل هذا البناء، اذا أساسه مظبوط تشوفه عدل ويتحمل سنين ما تأثر عليه الظروف  بس اذا جان الأساس رچيج وبي خلل ما يطول البناء، بأبسط شي كلشي يتفلش

حسن _ من شوكت صاير تحجي حكم واني مدري بس حبيتها

عمر _ طبعاً ماتدري من النوم
كوم على هذا الخبل خل يجي حته نتعشى

عناد _ راح حسن جاب غيث ورا سجاد شايل ليث على كتوفه ويركض كعدنا نتعشى حسن ما اكل بس  يخلي بحلك جهاله اخذت منه غيث وليث يم سجاد
نعشيهم

ام عزام _ ولك يمه دريد كون الوجع يندار بيه

شجاع _ خاله ما يصير تدخلين يمه ماعندج مناعه بسرعه تنعدين البسي كمامه وتعالي

ام عزام _ يمه خليني انعدي منه حته احس بوجعه عمت عيني عليك

دريد _ ماكدر احجي البخاخ على حلكي كوه مفتح عيوني رفعت أيدي بثگل أشرت الهم روحوا
شجاع طلع امي ورجع كعد يمي

شجاع _ ان شاء الله فتره وتعدي بس التزم بالعلاج من تختنكك حط البخاخ ولا تخلي اهلك يجون هنا سمعت دكتور شكال الفايروس كلش قوي بجسمك