اول ذنب ينعشك

البارت 44

‏﴿ وَلَسَوْفَ يُعْطِيكَ رَبُّكَ فَتَرْضَىٰ ﴾

''''''''''''''''''''''''''''''''''
''''''''''''''''''''''''''''''''''

أول ذَنب يِنعَشگ

بقلم فبراير 🦋💜

مشاركة القصة والتصويت & التعليق لطفاً

'' '' '' '' '' '' '' '' '' '' '' '' '' '' '' '' '' ''

منو اليفهمني انه انسان

انــســان !!  
محتاج لحنان الله

اريد انسان مثل امي 

عمت عيني امن اطيح يگول واسم الله

"" "" "" "" "" "" "" "" "" "" ""

قمر _من التعب غفيت  والتلفون بأيدي حسيت على خاله اجت غطتني وعدلت مخدتي

مريم _ نامي زين عدلي ضهرج
نوب نايمه بالشال ما تسمع الكلام الورديه ام خدود

قمر _ ابتسمت على حجيها حته من ترزلني احسها تمدح بيه ما اصدك احد حنين مثلها ولا يوم حسيت روحي يتيمه
طفت الضو وراحت احلا نومه من حييل تنعس وتصير عيونك تغمض شوي شوي

اميره _ مر وقت طويل واحنا على هذا الوضع من اتحرك يثبتني أكثر لو يضمني لصدره حيل... هيبةة

هيبة _ ها يا وطن روحي

اميره _ ليش حاضني بقوه خايف اطير يعني؟
دعوفني انتفس شوي مو سحبت كل الهوا

هيبة _ انتي جنج رحمة الله بس لابسه هدوم هيج اريد اشمج من غميجچ

اميره _ كوم سويلي اكل جوعانه عوف الغزل هسه
من حجيت هيج رفع راسه يباوع لي بنص عين.. رفعت له حاجبي

هيبة _ضروري يعني  جعصتي ام الرومانسيه انتي
جنت بغير عالم عايش اللحظه

اميره _ابتعد عني كعدت تربعت بصفه  وهو نايم  لا تصير روميو زمانك من تسوي لي  الاكل هم يعتبر غزل احسن من الكلام الرومانسي

هيبة _ اكوم بس بشرط

اميره _ اي شنو أشر على خده سويت روحي مو فاهمه

هيبة _بوسيني واكوم اطبخلج

اميره _مااا ماريد اني اكوم اسوي لروحي عفته ورحت للمطبخ ادور مالكيت شي  رجعت له كوم اشتريلي

هيبة _ ماعندي فلوس

اميره _ جذاب انطيني المحفظه اشوفها

هيبة _ تعالي يمي واشوفها لج

اميره _ انت مو امان واني اخاف على روحي

هيبة _ لعد ضلي جوعانه اني رح انام

اميره _عيب عليك تنام و تخلي مرتك جوعانه وين حقوق المرأة وين حقوق الزوجه