STILL YOURS

KABANATA VII

Nang ipagkaloob niya ang kanyang sarili kay Krenan, alam niyang mahihirapan na siyang layuan ito. Bukod sa lumalim ang kanyang nararamdaman para dito, hindi rin niya maitatanggi ang atraksiyon sa pagitan nilang dalawa. At habang nakikilala niya ang binata sa pagdaan ng mga araw, napatunayan niyang may pagka-possessive nga ito. Wala pa mang label ang kung anumang relasyon na meron sila pero ramdam niya ang pagiging possessive nito.

          "Good morning, baby!" Napaigtad siya nang may biglang humalik sa kanyang pisngi. Abala siya sa pagso-sort out ng schedule ni Ma'am Natasha nang bigla na lang sumulpot si Krenan mula sa kanyang likuran.

She hissed at him. "Baka may makakita sa atin!" saway niya rito.

Napataas ang kilay nito. "And so?"

          "Nakakahiya! Nandito ako para sa trabaho, okey? Baka sabihin nila, oras ng trabaho ay nakikipaglandian ako, tapos sa anak pa ng boss ko!" asik niya rito. Hindi niya mapigilang tumingin sa paligid upang tingnan kung may nakakita ba sa ginawa nitong paghalk sa kanya.

Naging seryoso ang mukha nito. "Don't you want anyone to know what we have, huh?"

Siya naman ang naguluhan sa sinabi nito. Halata kasi ang sarkasamo sa tinig nito. "Bakit, ano bang meron sa ating dalawa, ha?"

Hindi niya maiwasang mainis dito dahil sa parte niya, ang hirap bigyan ng kahulugan ang nangyari sa pagitan nilang dalawa. Yes, naulit pa ang nangyari noon sa condo niya, minsan ay sa condo pa ng binata pero ni minsan ay wala itong nabanggit kung ano ba ang relasyon nilang dalawa. Mahirap mag-assume kaya inakala niyang katulad lang din siya sa mga babaeng nauugnay dito. Just for pure pleasure, no feelings attached.

No label.

No commitment.

          "We'll talk later," bulong nito. Pagkatapos ay yumuko ito at mabilis na sinakop ang kanyang mga labi. "I miss you by the way," pahabol nitong sambit bago tuluyang umalis.

Naging abala kasi ito sa ojt nito bilang pulis kaya may tatlong araw din silang hindi nagkita. And she misses him, too. A small smile form on her lips just the thought of seeing him later. Ngunit ang ngiti niya ay agad na napalis nang tawagin siya ni Ma'am Natasha sa opisina nito.

          "Yes, Ma'am?" sambit niya pagkapasok sa opisina nito. Hindi niya mapigilang hindi kabahan. Kung dahil ba seryoso ang mukha nito o kung may nagawa ba siyang mali sa kanyang trabaho, 'yon ang hindi niya alam.

Subalit nang mag-angat ito ng tingin mula sa binabasa nitong file at nakita niyang may munting ngiti sa mga labi nito, kahit paano ay nabawasan ang kanyang kaba.

          "I just wanna ask," panimula nito. "What's with you and my son?"

Sunod-sunod ang naging paglunok niya. Hindi niya mahanap ang tamang salita para sagutin ang tanong nito. At hindi niya rin sure kung kaya ba niyang isatinig ang tumatakbo sa kanyang isipan. Ngunit bago pa man siya makasagot ay nagsalita itong muli.

          "Don't get me wrong Amber, okay? Kung anuman ang meron sa pagitan niyo ng anak ko, I'm fine with that." Medyo nakahinga siya nang maluwag dahil sa sinabi nito. "I won't meddle with your relationship. Pero ikaw ang inaalala ko dahil kilala ko ang anak ko. May pagka-adventurous 'yon. Women would jump on his bed just to get him. At ayokong masaktan ka niya..."

Nanikip ang dibdib niya dahil sa sinabi nito. Naiintindihan niya ang pinanggagalingan nito. And she appreciate that.

Ngumiti siya rito. "Naiintindihan ko po, Ma'am. Sa totoo lang po, hindi rin ako sigurado kung ano ba ang meron sa pagitan naming dalawa. Ang alam ko lang po, once na pumasok ka sa isang relasyon, may tendency na mabigo ka...at masaktan. Pero kung saan man po kami dalhin ng aming nararamdaman, bahala na po si Lord. Siya lang naman po ang nakakaalam ng mga mangyayari sa hinaharap! Pero nagdadasal po ako na sana, tama ng tao ang tinayaan ko ngayon."