Cambridge Fallen (zhanyi)

Chapter 11

"ශෙනාල් G014 සැටලයිට් එකට කනෙක්ට් වෙන්න ඕනෙ."
"ඇයි අපි සැටලයිට් වලට කනෙක්ට් වෙන්නෙ. අනික එහෙම කනෙක්ට් වෙන්න පුළුවන් ද?"
"ෆීල්ඩ් එකේ ජියොලොජිකල් ෆීච'ස් බලන්න. G014 කියන්නෙ FBI එකේ සීක්‍රට් ප්‍රොජෙක්ට් එකක් ශරවන්. අපිට ඒකෙ ඩේට වලට කනෙක්ට් වෙන්න ලීගලි ඇක්සස් දෙන්නෙ නෑ."
"FBI..... එතකොට අපි එයාලගෙ ඩේට බේස් හැක් කරනවද?. එතකොට එයාල ඒක දැනගන් නැද්ද? එයාලගෙ සෙකියුරිටි සිස්ටම් ගොඩක් ස්ට්‍රෝන්ග් නේ.."

"පොඩි එකා පොඩ්ඩක් හුස්ම අරන් කියවපං. මම ප්‍රෝග්‍රෑම් කරපු ව'චුඅල් Ai බොට් කෙනෙක් ඉන්නව. බොට්ට පුලුවන් ඕනම සෙකියුරිටි සිස්ටම් එකක් කඩල තත්පර භාගක් ඇතුලත මුලු ඩේට බේස් එකම රීඩ් කරල අපිට ඕන ෆයිල් ටික එවන්න." ශෙනාල් ඒක කිව්වෙ හෙන ගැම්මෙන්...
"හ්ම්ම්.. ශෙනාල්ගෙ බොට්ට ඕනම සෙකියුරිටි සිස්ටම් එකකට හොරෙන් ඇක්සස් වෙලා ඒවගෙ ඩේටගන්න පුළුවන්... එයාලට නොතේරෙන්න.."
"ඒ බොට් හැදුවෙ මේ ශෙනාල් ද?"
"ඇයි උඹට මෙතන තව ශෙනාල්ල පේනවද? ඩේට ටික ඇවිත් වරුන්.."
"මොනවද තියෙන්නෙ බං?"
"හිටපන් කන්වර්ට් කරන ගමන්.."
"ඉතින් බොට් ඕක සෙන්ඩ් කරනකොටවත් කොහෙන්වත් ලීක් වෙන් නැද්ද?"
"බොට් අපිට මේ ෆයිල් එවන්නෙ encrypt කරල cryptographic code එකක් විදියට. ෆයිල්ස් ආවට පස්සෙ අපිට තියෙන්නෙ ඒක decrypt කරගන්න."
"ඒකත් හරි කියමුකො.. බැරිවෙලාවත් ෆයිල් සෙන්ඩ් උන device වල IP ඇඩ්රස් ට්‍රැක් කරල හොයාගත්තොත් එහෙම."

"අපි vpn එකකුත් පාවිච්චි කරනව ඊට අමතරව බොට් මේ කෝඩ් එක devices සියගානකට සෙන්ඩ් කරනව ශරවන්. ඒත් මේක decrypt කරන්න හරිම key එක තියෙන්නෙ අපි ගාව විතරක් නිසා වෙන කිසිම කෙනෙකුට ඕක කියවන්න බෑ."
"නියමයි..... ඒත් ඔහොම කරාම ඔයාල හොරු වෙනවනෙ." මං එහෙම කිව්වමනං දෙන්නටම කට උත්තර නැතිවුණ...

"සර්ව සාධාරණ විදියට වැඩ කරන්න ගියොත් අපිට මේක කරගන්න වෙන් නෑ පොඩි එකෝ."
"මං පොඩි එකෙක් නෙවෙයි. කොහොම හරි ඕක අහු වුනොත් එහෙම හිරේ යන්නත් වෙයි."
මං එහෙම කිව්වම ගෝත ශෙනාල් බඩ අල්ලන් හිනා වුනා.
"අපිව නං FBI එකෙන් කුදලන් යන්නෑ කියල ෂුවර්. හැබැයි උඹ ගැන නං කියන්න බෑ කොල්ලො.."
"කටවහන් ඉඳපං ශෙනාල්.... එහෙම මොකුත් වෙන් නෑ ශරවන්."
"ඇයි මං ඔයාල කියන දේවල් විශ්වාස කරන්නෙ. ඇත්තටම ඔයාල ඕකට මාව අහු කරොත්.."
"ශරවන්ට මාව විශ්වාස නැද්ද?" දිග හුස්මක් අරගත්ත වරුන් සර් මගෙන් එහෙම අහද්දි විනාඩි ගානකට මට කියන්න දෙයක් නැතුව ගියා. මොනව උනත් ඇයි මට වරුන් සර් විශ්වාස කරන්න හිතෙන්නෙ...
"ඔය සැටලයිට් වලින් එයාල කරන්නෙ එක එක රටවල් ගැන රහසිගතව ඔත්තු බලන එක ශරවන්. එක example එකක් කිව්වොත් ඉන්දියා පාකිස්තාන් යුද්ධයක් තියෙනව කියල මුලු ලෝකෙම දන්නවනෙ. මේ මිනිස්සුන්ට පුළුවන් සැටලයිට් වලින් මේ ඩීටේල්ස් අරන් මේ පිහිටීමට ගැලපෙන ලේසියෙන් පාවිච්චි කරන්න පුළුවන් වැඩි විනාශකාරී අලුත් වෙපන්ස් හදල ඒව මේ රටවල් වලට විකුණන්න එහෙම. ඕක එක සුලු දෙයක් විතරයි. තව ගොඩක් දේවල් එයාල කරනව."
"FBI සීක්‍රට් ප්‍රොජෙක්ට් ගැන සර් දන්නෙ කොහොමද?"  වරුන් සර් ඒ ප්‍රශ්නෙ ඇහුවම නං ටිකක් කලබල වුනා වගේ පෙනුන. ප්‍රශ්නෙ මගඅරින්න වගේ එකපාරට ශෙනාලුත් කතාව වෙනස් කරා..
"වරුන් ඩීටේල්ස් ටික හරි.. ඇවිත් බලන්නකො..."
මේ සැටලයිට් ඩේට වල අපේ රිසච් ඒරියා එකේ හැම ඩීටේල් එකක්ම වගේ තිබ්බ. ඒ පැත්තෙ මුහුදු පතුලෙ ස්වභාවය, මුහුදු පතුලේ ඉඳල කිලෝමීටර් දෙකක පොළව අභ්‍යන්තර පිහිටීම, අභ්‍යන්තර උෂ්ණත්ව, අභ්‍යන්තර විකිරණශීලීතාව, අභ්‍යන්තර පස් ස්ථ‍ර වල සංයුතිය, මතුපිට පසේ සංයුතිය, තව ඒ හරියෙ මුහුදු ජලයෙ ලවණතාවෙ සංයුතිය ගැන එහෙම විස්තර ගොඩක් තිබ්බ.
ඊටපස්සෙ අපි බෝට්ටුවක අපේ රිසච් ඒරියා එකට ආව. කිලෝ දහයකට වඩා බර හැඩ්‍රියම් පෙට්ටිය සර් උස්සගන ආවෙ රොබෝ ආම් එකක් දාගන. එතකොට බර දැනෙන් නැති නිසා.
"ශරවන්... බැරිවෙලාවත් හදිස්සියක් වුනොත් ඔයා කෙලින්ම බෝට්ටුවට එන්න."
"හරි සර්.."
ඊටපස්සෙ අපි හැඩ්‍රියම් එක අරන් මුහුදු පතුලේ අපි මාක් කරපු ඒරියා එකට ඇවිත් එතන පොලොවට හැඩ්‍රියම් පෙට්ටිය සෙට්  කරා. අපේ ඩ්‍ර්‍රයිවර් අන්කල් බෝට්ටුවේ ඉන්නකොට අපි තුන්දෙනා තමයි ඩයිව් කරන්න ආවෙ. සර් පිටින් ආය කිසිම කෙනෙක් ගෙනාවෙත් නෑ. පැයකට විතර පස්සෙ අපේ වැඩේ අන්තිම හරිය යනකොට ශෙනාල් මිසින්. ඒත් වරුන් සර්ට නං ඒ ගැන ගානක් තිබ්බෙ නෑ. හැබැයි වරුන් සර් හිටියෙ මං එක්කමයි. අපි බෝට්ටුවටත් ඇවිත් පැය භාගයක් විතර ගියාට පස්සෙ තමයි ශෙනාල් ආවෙ.
"ශෙනාල් කොහෙද ගියේ..."
"ගිලිච්ච නැවක් බලන්න ගියා ශරවන්..." ඇයි මූ හැම තිස්සෙම ආච්චිට රයිස් ගරන වැඩම කරන්නෙ...
"ඒ හරියෙ ගිලිච්ච නැවක් තිබ්බෙ නෑනෙ. අපේ රේඩාර් වලවත් ඩ්‍රෝන් ෆුටේජස් වල වත් ගිලිච්ච නැවක කිසිම සාක්ෂියක් තිබ්බෙ නෑනෙ. මං ඒව හොඳටම චෙක් කරා."
"හරි හරි ශරවන් මං විහිළුවක් කරේ. මං කොරල් බලන්න ගියා."
හැඩ්‍රියම් මුහුදු පතුලේ හයි කරල පැය විසිහතරක් විතර ඉන්වෙස්ටිගේෂන් එක යනව. ඒ ඒරියා එකේ හයි කරල තියෙන sensors වලයි කැමරායි ඔක්කොම සර්ගෙ ලැප් එකට කනෙක්ට් කරල තියෙන්නෙ. Sensor data නං පැයෙන් පැය අප්ඩේට් වෙනව. අපි ආපහු රිසෝට් එකට ඇවිත් රෑට කාල එහෙම ආපහු මගේ රූම් එකට යන්න හදනකොට සර් මට කතා කරා..
"ශරවන්...."
"සර්.."
"ෆිල්ම් එකක් බලමුද?.."
"හා..."
"ශරවන් මොනවද බලන්න කැමති ෆිල්ම්ස්?"
"Horr ෆිල්ම්ස්..." බලන්න කැමතිනං කවි බණ තමයි. ඒ වුනාට සර්ට කටක් ඇරල ඕව කියන්න පුළුවනෑ.. ඔන්න හොස්ටල්වත් හිටියනං රූමො සෙට් එක එක්ක බලන්න තිබ්බ...
"Horr ෆිල්ම්ස්... ෂුවර්ද?"
"සර් horr බලන්න බයද? එහෙනං අපි රොමෑන්ටික් එකක් වගේ බලමු.."
"නෑ horr ෆිල්ම් එකක් බලමු එහෙනං.."
"සර් බය නෑ කියල ෂුවර්ද?..."
"මට ඕන එකක් අවුලක් නෑ..."
"හරි එහෙනං කන්ජුරීන් බලමු...."
"හ්ම්ම්.. හරි.."
සර් ඒක කිව්වෙ මං දිහා බලල උරහිස් එහෙම ගස්සල. කස් එක ඉස්සරහ ගැම්මෙන් ඉන්න ඕන....
පණ්ඩිතය වගේ දාගත්තට මේ මගුල බලන්න ගද්දිනෙ ටොපී සෙට් වෙන්නෙ. වරුන් සර් නං ගානක්වත් නැතුව ඒක බලනව. ටික වෙලාවක් ෆිල්ම් එක බලද්දිනං මගෙ ඉවසීම ලෙප්ට්... ආත්ම ගරුත්වය පැත්තකට දාල මං හයියෙන් කෑගහන්න ගත්ත.
"කෑගන්න එපා ශරවන්.. අනිත් මිනිස්සු හිතයි මං මිනී මරණව කියල.."
සර් එහෙම කිව්වෙ එයාගෙ අත් දෙකෙන්ම මගෙ කට වහල. වෙලාවට ශෙනාල් ඩ්‍ර්‍රයිවර් අන්කල් එක්ක කොළඹ ගිහින් එයාල එන්නෙ හෙට උදේ.. නැත්තං අදත් මං ඉවරයි..
"හරි හරි ශරවන් දැන් ගිහින් නිදාගන්න.."
සර් මට වතුර එකකුත් පොවල ටීවි එකත් ඕෆ් කරල මාව මගෙ රූම් එකට දාල ආපහු ගියා.. කොහොමහරි මං මගෙ හිත හදාගෙන නිදාගන්න ගියත් රූම් එකේ බිත්තියේ එල්ල තියෙන යක්ෂ රූප වලට  එහෙමත් පණ ඇවිත් මගේ දිහා බලන් ඉන්නව වගේ දැනෙනවනෙ... දැන් නං මේ මගුලෙ කොහොමටත් මට තනියම ඉන්න බෑ...
මං කොට්ට මෙට්ට අරගෙන ගිහින් ආපහු සර්ගෙ රූම් එකේ දොරට තට්ටු කරාම සර් ඇවිත් දොර ඇරිය...
"මං අදට විතරක් අර සෙටී එකේ නිදාගන්නද?" මං පට්ට අසරණ මූනක් පෙන්නල කිව්වම සර්ට එපා කියන්න බෑනෙ..
"හ්ම්ම්... එන්න..."
"තැන්කිව්..."
මං නිදාගන හිටියෙ සර්ගෙ රූම් එකේ තිබ්බ පොඩි සෙටී එකක. සර් එයාගෙ ඇඳ උඩ ඉඳගන ලැප් එකේ වැඩක හිටියෙ. මං එයාට නොදැනෙන්න නිදාගන වගේ ඉඳගන එයා දිහා බලාගන හිටියෙ. අනේ මේ මනුස්සයගෙ ලස්සන...
"ශරවන්ට ඔතන නින්ද යන්නෙ නැද්ද?"
"ආ.... නෑ.... තාම.. නින්ද ආවෙ නෑනෙ..."
මේ යකා වැඩ කරනව වගේ මං දිහා බලන් ඉඳලද...
"සර් වැඩකද?"
"හ්ම්ම්..."
"මොකද්ද?"
"හැඩ්‍රියම් එකේ අවුලක් තියෙනවා ශරවන්"
"ඒ මොකක්ද?"
"මට තේරෙන්නෑ.. ඒක ටික ටික අඩුවෙනව."
එවලෙ මාත් සර් ලඟට ගියා. කැමරා ෆුටේජස් බලන්න. අපි ඒක ගෙනියන කොට තිබ්බ ප්‍රමාණයට වඩා අඩුවෙලා තමයි. ඒත් එක්කම හැඩ්‍රියම් නිල් පාටට දිලිසෙන්න වගේ පටන් අරන් තිබ්බ.
"මොකක් හරි ගෑස් එකක් වත් රිලීස් වෙනවද?"
"එහෙම නෑ.."

                      *****************