تحت سيادة القانون

طعن شرف

رجعت للوحدة مالتي ولكيت عيسى موجود، اخذت غراضي وكأن ما شايفه دا اطلع من المكتب جان يصيح عليه

بس قبل ما يبلش يحجي اني سكته

- عيسى كلشي بينه منتهي.
وكف يمي و نظراته خجل و مرتبك

- رشاد اني اسف كلش خجلان منك، ضميري ديأنبني ولازم اكولك ع الحقيقة.

رفعت حاجبي بأستفهام

-حقيقة شنو؟

تبلعم ووجه مخطوف طلع فونه من جيبه و طلع محادثة اله و للضابط ياسين الي هو مسؤول الكبير علينه

اخذت فونه وبلشت اقرأ
والي قريته جان صدمة بالنسبة الي

المسؤول ياسين يحجي عن نور وكأن يعرفها حق المعرفة وكلام كله +١٨
وعلى اساس انو نايم وياها و كلامممم اني بعمررري ما جنت متخيل اشوفه،
لا لا مستحيل اكيد اكو غلط نوررر شريفة و ما تسوووي هيج هاي بنتي اني اعرفهاااا ما تنطي نفسها بسهولة

شمرت الفون والدمعة بطرف عيني

- رشاد اني هم شلت همك من شفت المحادثات شوف اني اندفعت من ياسين لان ترا يعرف بيك تحبها وهو الي اختارها تجي هنا حتى يستغلك و ....