تحت سيادة القانون

ابني او ابنك!

"رشاد"

صرت ما احس بروحي وصار كلشي باهت بعيوني
طلعت اجيب جكاير من الكافتريا لان مخلص ولان الجكارة هي الي مصبرتني ع ضيمي
الساعة ب١٢ بالليل
وصلت للكافتريا بس قبل ما ادخل سمعت صوت مألوف
وعرفت صوتها
والي سمعته منها جان كفيل يخليني انهار

-ما اعرف كل الي اريده منك تطلعها منا شننتظر يرجع رشاد الها و يعوفني ترا اذا سمع هي جانت حامل منه ما راح يتركها ابد!

انتبهت اني موجود و سكتت كبل جان تحجي ويا عيسى.
سويت روحي ما سمعت شي ورحت اخذ جكارة..
كعدت يمهم وهم الارتباك يريد ياكلهم ان اذا سمعت شي او لا

- مو المفروض انتِ نايمة هسه؟
ابتسمت بتوتر
-جعت وجيت اخذ شي اكله وشفت الضابط عيسى كعدت اكلت ويا.

-يلا كومي اوصلج للدار.
كامت و مشت كدامي عكس كل مرة تلطش بيه بس مبين الخوف بعيونها خاف اسألها شي بس هي ما تحملت وكالت

-سمعت شنو جنا نحجي؟
-لا بسرعة طبيت وانتو سكتوا ليش شي مهم لو نميمة؟

ضحكت بتوتر
-اي جانت نميمة.

-بعد ما اريد اشوفج ويا احد لا ياسين ولا عيسى.
رجعت صارت يمي وكالت بدلع