تحت سيادة القانون

ياسين

طلعنا من الطبابة تمشينا بالجو الي هو جونا هوا بارد شوية و غيوم شوية و نجوم واضحة

وصلني للدار ومن افترقنا حسيت ان هاي اخر لحظة فرح تجمعني اني ويا...

راح واني كعدت برا ما دخلت للدار احس بعدني محتاجة استوعب الي صار

تذكرت كل الي صار و فراشات احس ببطني
ريحته بعدها بيه
—————

رشاد

احس بروحي طايرة ما اعرف شلون اوصف احساسي
هيج روحي روح طفل فرحانة، كلشي بيه ما فاركها
ولأول مرة احس انو اني عايش اني عندي كلب ينبض
لو افتح كلبي هسه اكيد راح الكه نور بي
الي صار حلم جنت اتمنى يتحقق و تحقق
بس وعدت نفسي واني بين ايدها ان لو اموت مراح اخلي بشر غيري يلمسها ولا راح المس بشر غيرها
اني فعلاً احبها بكل روح بيه واحبها بكل رغبة واحبها بكل نفس بيه
احبها وراح ابقى احبها لحد ما استشهد

اخذت جكارة واخذت اول نفس بيها
بديت افكر شلون احل كل هالمشاكل بدون ما تتأذي هي
فكرت هواية و ما لكيت شي مناسب يخليني اخطي اول خطوة
عقلي يكلي شي وكلبي يكلي شي واتي واكع بينهم