تحت سيادة القانون

بدون وداع

رشاد

سديت الفون منه واني اقسم بالله عقد ما ضل براسي، طلعت بسرعة من الوحدة ورحت للمكتب، شفتها لازمه بيدها اوراق وقبل لا اسألها اي شي سحبت منها الاوراق
واني مستغرب من الي ديصير وياية

- دا تشوف نور لشنو راح توصلك للحضيض!

ضحكت وصفكت الها

-والله وعفية عليج عرفتي تلعبيها صح هو اني اكول الشيطان ما يتوالم بس ويا اخو عشتي مبروك عليج الانتصار، بس ها خليها بالج الي يحب ما يأذي وانتِ يوم عن يوم تثبيتلي صحة كلامي، وخاف عبالج انو راح اخلي هالشي يعدي وحق هاي الشوارب ما راح اخلي اي شي يعدي

تهديدج انتِ وياسين الي بنور هذا ما راح افوته مرور الكرام لا ابد والله بس انطيني مجال.

اخذت الاوراق وشككتهم
جان عبارة عن صور و اشياء تخص الشغل تودي الواحد بالف داهيه

كلشي بكف و ان نور ويا ياسين هسه بكف
ما اعرف شنو اسوي لا اكدر اتحرك ولا اكدر اسوي شي بس عندي طريقة وحدة انو التجأ ال عيسى

اتصلت بي ع السريع لان ماعندي وقت اضيعه ابد
رد عليه

- عيسى محتاجك تعال للوحدة بسرعة.