تحت سيادة القانون

السرية

رجعت على صديقتي واني حايرة شلون راح تمشي الامور
القلق و الخوف هو كل ما اشعر بي
- لتخافين نور اني وياج صحيح اني اول ما سمعت الخبر متت خوف بس كلت هي تجربة على ولعل تكون خير الي
رديت بحيرة
-خل نشوف شلون تصير الامور
ردت اسراء
- استاذ محمود كال باجر تاخذون انفكاكم و تباشرون بالمكان الجديد

- ابوج قبل تروحين؟
- اي قبل تعرفين ابوية هو هم عسكري و كال ما زال بخدمة الدولة اني وياج

- اسراء والله خايفة!
لزمت ايدي وهدئتني

- كل شي يختاره النه رب العالمين اكيد خير النه اني وياج ونبقى سوا لتخافين، يلا نروح نتريك بالمطعم .

رحنا نتمشى للمطعم
تريكنه و سولفنه وهي جانت كلش متحمسة للمرضوع لان هي تحب العسكرية وكذا
اما اني مدري حاسة ان حيصير شي و مشاعري متلخبطة كلها

باوعت عليه اسو و كالت
- صحيح زوجج راح تكوليله؟
باوعتلها بطرف عين
-ليش هو اني عندي زوج اشو هو عايش بمكان واني بمكان وتعرفين وضعنا شنو بعد شهر راح نبلش بأجراءات الانفصال

-اي صح بس لازم يكون عنده خبر .

- اي اكيد راح ابلغه.

بهاي الاثناء وصل مسج الي و اسراء
يبلغنا عن موقع العمل الجديد و الساعة