تحت سيادة القانون

خطوبة نور

-اني اسف تهورت.
باس ايدي و خله راسه ع جتفي لحد ما غفى
ضليت ع هاي الحالة ساعة هو نايم ع كتفي واني كاعدة
كعد فجأة وهو مستغرب

-ياا شنو نمت؟
عدل كعدته وباوعلي

-نمت ع كتفج سودة عليه غير تكعديني جدد ما حسيت ع روحي.
ابتسمت وكتله

-مو مشكلة ما حبيت ازعجك.
لزم ايدي وكال

-انتِ مسمحولج تزعجيني بكل وقت و زمان ومكان.

-يلا نرجع للسرية.
كمت من يمه بعد ما حاولت اتهرب من عيونه، لزم الفون وشاف الوقت

-لا ما نروح هسه بما انو تعبتج راح اسوي الغدا اني نتغدا و نرجع.

بأستغراب رديت
-تعرف تطبخ؟

كام و صار قريب مني
-اعرف كلشي اسوي.

همهمت وسألته
-شنو اكثر شي تحب تسوي؟

-برياني ابدع بي.

-تمام لعد سوي برياني.

-اي مو تدللين احلى برياني يلوك لهذا الحلك.
لبس ملابسه و راح ع المطبخ يسوي الغدا واني كاعدة بالصالة اباوع عليه ويبدو ان فعلاً يعرف يطبخ لان ما طلب مساعدتي ابد
يطبخ و يباوع عليه وهو مبتسم واحس الدنيا مو واسعته
كمل وجا يكعد بصفي