طلعت من البيت، بيني و بين اهلي ١٠ دقايق طريق
واني دا امشي بالسيارة اكو شخص بالسيارة جان يمشي وراية بس شوية و سبقني و صد عليه بقيت مصدومة وكوه سيطرت ع السيارة نزلن من السيارة وعرفت منو هو "النقيب ياسين"
فتح باب السيارة و طلع مسدسه بوجهي واني بقيت مصدومة من الي ديصير
لحظات حتى سمعت صوت الطلقة....
فتحت عيني برعب وجسمي كله ينتفض
ما اتذكر شنو الي صار لكيت روحي بالمستشفى
وحدي
دورت ع فوني ما لكيته والف فكرة براسي، دخلت عليه ممرضة
بسرعة ذبيت الكانيولا وكمت دا اطلع بس وكفتني الممرضة لان ايدي كامت تنزف، بعدتها عني واخذت قطن و خليته ع مكان النزف
- اعتذر، اني هم ممرضة بس اريد اعرف شنو الي صار وليش مدا اذكر شي.
هدئتني واني مستمرة بالبجي و قلبي نار بهاي الاثناء دخل عليه الطبيب
- الف الحمد لله ع السلامة، تخيلي لو صاير بيج شي جان تخبل زوجج.
بأستغراب كلت
-زوجي شجابه هنا؟
اقترب الطبيب وبلش يفحص عيوني
رديت سألته واني بحيرة
-دكتور مدا اذكر الي صار؟
ابتسم وكال
أنت تقرأ
تحت سيادة القانون
Misterio / Suspensoعندما يعود الماضي ليدخل في حياة الحاضر تكون النتيجة مبهرة رواية ماضيها حقيقي رشاد /ضابط عسكري مجنون نور/ ممرضة تخوض الصعوبات
