كعدت وانتبهت ان احنا واصلين من زمان نزلت بدون اي كلمة بدون اي وداع ولا حتى نظرة منها!
نزلت وعرفت انو نور بعد ما ترجع الي راحت وراحت فرحتي وياها
شلون راح انام واني عرفت ان خسرت اغلى شي بحياتي
شلون خسرتها بعد ما لكيتها
شلون وشلون راح اقنع نفسي
ياربي الموت اهون عليه من الي دا اعيشه هسه.
شلون هيج بلحظة يتغير كلشي
شلون راح انسى حضنها
شلون راح انسى عطرها
شلون راح اصبر نفسي وهي كبالي
شلون ما اكدر المس ايدها
شلون ما اكدر اباوع بعيونها
نور يا نور شسويتي بيه
نور مو جنتي ذابلة بكلبي ليش رجعتِ
مو نصدمت بيج صدمة عمري من رحتي لغيري و كرهتج ليش رجعتي لكلبي مو كلت اني نسيتج و كذبت ع روحي
ليش كلشي رجعلي!
ليش كلشي بيه جان يريدج وما كدرت اطلعج من حياتي رغم انتِ جنتِ عايشة حياتج ويا غيري
ليش ضليت فضولي بيج
ليش والف ليش وياهم
وهسه بعد كل الي صار شلون اقنع نفسي
واني احبج موت واتمنى بحياتي كلها ما تفاركيني ولا تروحين عن عيني
ياربي الك حكمة بكل الي صار بس ياربي حن على كلبي
ما اكدر اعوفها اني مدمن نور
______________
"نور"
أنت تقرأ
تحت سيادة القانون
Misteri / Thrillerعندما يعود الماضي ليدخل في حياة الحاضر تكون النتيجة مبهرة رواية ماضيها حقيقي رشاد /ضابط عسكري مجنون نور/ ممرضة تخوض الصعوبات
