تحت سيادة القانون

اني بحلم

طلع من الطبابة واني ما اعرف احدد مشاعري تجاه
خايفة عليه؟
هو ليش اخاف عليه واذا مريض ما كلنا نمرض
احس ان كاعد اقنع نفسي ان الي بداخلي مشاعر طبيعية و مابيها مباغته، بس اعرف بنفسي اني دا اكذب ع نفسي و اوهم نفسي ان هو مو هامني!
لا الموضوع اكبر من هذا الشي

-نور وين صافنه احجيلي شكال رشاد؟
باوعتلها بحيرة
-اسو اني ما اعرف شنو الي ديصير بيه!
لزمت ايدي وكالت
-اني وياج  مراح اعوفج.
_________
صار وقت الغداء رحت اني و البنات و وسام
للكافتريا
دخلت واني ادور بعيوني ع رشاد بس ما جان موجود
اختارينه الاكل وكعدنا ناكل سوا
بهاي الاثناء جا علينه جندي و كال
- اذا ممكن تجوون وياية الضابط رشاد فقد الوعي مرة ثانية وهو بالوحدة مالته .
عفت الاكل و كمت بسرعة جا وسام وياية
- تكدر تجيبه للطبابة؟
وسام سأل الجندي

- الضابط رشاد ما يقبل يروح قبل لا يفقد الوعي كتله اوديك كال لا ورفض للعلم هو صار يومين ما ماكل شي ما ادري شبي!

حسيت بالذنب من سمعت كلام الجندي
لان اني الي كتله روح ما جنت اعرف هو هالكد مريض جنت بس اريده يطلع من الطبابة ...