تحت سيادة القانون

ما اريد اكرهك

عفتها ومشيت وحسيت انو كلبي يريد يطلع من مكانه
لان كل كلامها جان صدمة الي واسلوبها هذا الي تحجي بي ويايه
لو من كالت ابن ياسين!
كلشي احسه جذب وعندي احساس هالطفل ابني
واني فعلاً ما راح اسامحها اذا طلع طفلي الي راح.

رجعت للوحدة اخذ غراضي لان عندي واجب يبلش بعد نص ساعة
وبهاي النص ساعة قررت اروح اتريك قبل لا اطلع
اتصلت بيه ربا قبل لا اوصل للكافتريا

- رشاد انت وين؟
-عندي واجب رايح للكافتريا اخذ كم شغلة واطلع.
- تمام اني بالكافتريا انتظرك.

دخلت ولكيتها كاعدة ويا عيسى و ياسين
استغربت كعدتهم وصلت يمهم وكلت

-السلام عليكم الله يجمعكم بالخير ولو هو الخير ما يطلع منكم.

سحبت ايدها وكومتها من مكانها
-روحي للطبابة اشوف هاي الكعدة الحلوة واجي قبل لا اروح.
راحت وكعدت يمهم

-الله بالخير، امر خدمة.

هو ما اعرف ليش هالصمت بعد ما كعدت يمهم!

- شوف رشاد احنه هنا حتى نهدي الامور بينكم!
اشوف نظرات ياسين الحاقدة
ف اني هنا كلت لازم اوج النار بي

- شسمه سمعت ردت تصير اب؟
انثنيهم مصدونين من الي ححيته!