تحت سيادة القانون

روحي

- ليش شبي برودي؟

- ترا انتِ جليد الله يساعده لرشاد شلون بقى وياج و يحبج ع هذا البرود البيج.

- انجبي لا يحبني ولا شي ماضي وراح.
حاولت اسكتها حتى ما تتمادى و تطلب مني احجيلها اكثر و اكثر لان اعرفها فضولية و ما تكتفي بالقليل

- امشي نروح نتعشه ترا جعت، البنات كلهم راحوا يتعشون.

رحنا للكافتريا والا اشوفلكم المنظر الي خله قلبي يشتعل بنار
ربا و رشاد كاعدين سوا ياكلون وهي كاعدة تتنعوص و تسوي حركات مستفزة

- خلص نسدت نفسي.
طلعت ورجعني الضابط عيسى شافني دا اطلع وهو صاح عليه

الصراحة جتني فكرة ان اسويها وحدة بوحدة

- ليش طلعتي ارجعي اكلي.
باوعتله بنظرة و ابتسمت
صح اني ليش طالعة و اعوفه ع راحته خل يحترك هسه

رجعت اخذت صحن و خليت بي الاكل، اسراء لحكتني بس اشرتلها حتى تفهم والحمد لله فهمت و ما جابت العيد

كعدت ويا الضابط عيسى و بلشنا ناكل وجنت قريبة من طاولة رشاد اشوفه شلون يباوعلي و عيونه نار واني سوالف ويا عيسى و مطنشة الوضعية
ما تحمل اخذ صينيته و جا كعد بصفي