تحت سيادة القانون

البدايات

-تسكتين لا ادفنج هناا حسابج بعدين مو هسه.
سكتت واني مو راضية عن نفسي سكتت واني احس بالضلم ياكلني اكل سكتت واني بصدمة مستحيل جنت اتخيل بيوم اتعرضلها

وصلني للطبابة وخلاني ع السدية وجتي اسراء مخروعة عليه تبجي واني ابجي وياها

- اسووو عوفي البجي هسه  شوفيها واحجي وياها اني حنتظر برا لما تكملون.

طلعت برا ورثت الجكارة و اني سارح بخيالي لحد ما انتهت ع نفسي ان اني مخلص باكيت جكارة كاملة ب ثلث ساعة
صاحتني اسراء ودخلت لكيتها نايمة
سحبت كرسي وكعدت يمهاا و سألت نفسي

- ياربي شنو ردة فعلي لو ياسين مسوي بيها شي!
والله جان تخبلت و قتلته بيدي
ما اعرف شلون سيطرت ع نفسي و ما خلصت عليّ ..

مدت ايدها اسراء ونطتني جاكيت حتى البسه واني ولا منتبه لنفسي ان اني ما لابس قميص او اي شي

اخذته منها و كتلها
- شكراً، اسراء اني حبقى يمها ارجعي للدار انتِ.

جانت مترددة تروح بس احترمت مشاعري و راحت

رحت وراها سديت باب الطبابة وخليت المفتاح يمي
رجعت كعدت يمها وهي نايمة و مو دارية بيه و بلي ديصير بيه