تحت سيادة القانون

ماضي

رديت بعصيبة
- لحظة اني ما اعتقد انو شايفتك قبل ولا اعرفك.

ضحك وكال
- اني ...

ما كمل كلامه و سمعت صوت رشاد ورانه!
رحت عليه وكأن دا احتمي بي واني الخوف ماليني
سألته بصوت مهزوز

-ليش كعدت انت بعدك مو زين؟

-ما عليج روحي نامي انتِ.
نظراته جانت نار يباوع على عيسى
رحت و عفتهم بس اني كلش زين سمعت الحوار بينهم

والي صدمني اكثر ان الضابط عيسى
يكله اني الي جبتها هنا حتى اعرف شلون اكسرك بيها
عبالك كلشي صار صدفة؟
اكيد لا اني الي سويت كل هذا
بس ما تحملت كل الي سمعته رجعت عليهم

-اسمعوا دير بالكم تلعبون بيه اني مو اي وحدة و انت يا عيسى اذا تخطيت حدودك مرة ثانية وياية مراح يصير شي حلو
كلشي سمعت و كلشي عرفت
ابد لا تحاول تستفزني برشاد اني ويا ما بيناتنه شي
كلشي ماضي و الماضي راح و مات

عفتهم ورحت للدار واني ابجي متت من البجي و الخوف ياربي شكاعد يصير وياية اني لازم اطلع من هذا المكان...

عفت كلشي و رحت نمت

كعدت الصبح بس اني ما الي واهسه اكوم من فراشي
انتبهت عليه اسراء وجتي يمي