《 အချစ်၏ တစ်ဖက်ခြမ်းတွင် မည်သည့်ပုံစံရှိမည်နည်း။ 》
လောကတွင် ဖုံးကွယ်လို့မရသည့်အရာသည် အမှန်တရားတစ်ခုသာ ဖြစ်ပါသည်။ ယခုလည်း ဖုံးကွယ်ထားတာမဟုတ်သော်လည်း ရောင်နီသွေး၏ သတင်းကို မည်သူကမျှ ထုတ်ဖော်ခြင်း မပြုခဲ့ကြသည်မှာ တစ်စုံတစ်ယောက်၏ လက်ချက်ကြောင့် အင်တာနက်တွင် ပျံ့နှံ့သွားခဲ့ရပါသည်။
ထိုပျံ့နှံ့မှုသည် ကမ္ဘာတစ်ဝှမ်းသို့ ဟိုးလေးတကြော် ဖြစ်သွားခဲ့ပါသည်။ ဘာကြောင့်ဆိုသည့် အကြောင်းပြချက်ကိုတော့ ရေရေရာရာ မရေးသားထားပဲ ကျန်မာရေးချို့ယွင်းချက်ကြောင့် ကိုမာဝင်သွားသည်ဟုသာ မီဒီယာတစ်ခွင်တွင် နာမည်ကြီးဆောင်းပါးအနေဖြင့် ရပ်တည်နေခဲ့ပါသည်။
" အချစ်၊ မောင် လွမ်းလှပြီ။ မောင် အချစ်ကို မခွဲနိုင်ဘူးနော်။ မောင် တောင်းပန်ပါတယ်။ မောင့်အမှားကို မောင် သိပြီ။ ဒါကြောင့် မောင့်တောင်းပန်စကားကို နားထောင်ပါဦးလားကွာ။ ထပါ အချစ်ရာ။ ထစမ်းပါ။ မောင့်ကို တစ်ခုခုသာ လုပ်ပစ်စမ်းပါ။ "
အကြိမ်ပေါင်းမနည်း ရေတွက်၍ပင်မရတော့သည့် ငိုကြွေးခြင်းများသည် သည်တစ်ခေါက်လည်း အရာမထင်ခဲ့ပါချေ။
ကိုထွန်းညိုတို့ ရုံးရှေ့တွင်တော့ မီဒီယာများအဖွဲ့မှ ရုံးရုံးစုစု ဖြစ်နေကြပြီဖြစ်ပါသည်။ ကိုထွန်းညိုက ဤသတင်းအတွက် သတင်းစာရှင်းလင်းပွဲ ပြုလုပ်ခြင်းကြောင့် ဖြစ်ပါသည်။ အကြောင်းအရာကို သေချာတပ်အပ်သိချင်နေကြသော သတင်းထောက်လှမ်းသူများကတော့ ပွဲမစခင်ပင် စုရုံးစွာ တည်ရှိနေကြပါ၏။
ရှင်းလင်းထုတ်ပြန်ပွဲကို ရုံး၏ အောက်ဆုံးထပ်ဖြစ်သော ကော်ဖီစင်တာ၌ ပြုလုပ်၏။ မီဒီယာများကတော့ သူတို့တွင် ပါလာသော ကင်မရာများ၊ လပ်တော့များဖြင့် အလုပ်ရှုပ်နေကြ၏။ သတင်းရေးမည့်သူကလည်း မျက်စိကို ရှင်ရှင်ထားနေ၏။
ကိုထွန်းညို ထွက်လာသည့်အခါ အားလုံးသော သတင်းထောက်များသည် ကိုထွန်းညိုဘက်သို့ ဦးတည်သွားကြ၏။
YOU ARE READING
ကြွေ (Complete)
General Fictionတိုက်ပေါ်က ခုန်ချသတ်သေသွားတဲ့ကောင်လေးတစ်ယောက်အကြောင်းဖြစ်ပါတယ်။ ကိုမာဝင်သွားတဲ့ ကောင်လေးတစ်ယောက်အကြောင်းပေါ့။ အဲ့ဒီကောင်လေးရဲ့ အချစ်ရေးကတော့ အဓိကပေါ့ ဘာကြောင့် သတ်သေရလောက်တဲ့အထိ ဖြစ်သွားရတာများလဲ နောက်တစ်ယောက်ကတော့ ရည်းစားတွေ...