[လူတစ္ေယာက္မွာ စည္းဆိုတာ ရွိသင့္တယ္]
ထြန္းညို ႐ုံးခန္းထဲမွ အျပင္ဘက္သို႔ ေငးစိုက္ၾကည့္ေနမိ၏။ ႐ုံးခန္း၏ အကာကို ဖန္ျဖင့္ ျပဳလုပ္ဖန္တီးထားသည့္အတြက္ အျပင္ဘက္သို႔ ရွင္းလင္းစြာ ျမင္ေနရသည္။ အေပၚမွ အုပ္မိုးကာ အားလုံးကို ျမင္ေတြ႕ေနရသည္။ လူသြားလူလာ ရႈပ္ယွက္ခတ္ေနသည့္ လမ္းကေလးသည္ ယခင္ေန႕မ်ားကဲ့သို႔ပင္ ျဖစ္ေနေသာ္လည္း၊ လူအမ်ားဟာ ယခင္ေန႕မ်ားကဲ့သို႔ ျပဳမူလႈပ္ရွားေနေသာ္လည္း သူ႕အတြက္ ပုံမွန္ျဖစ္မေနခဲ့ပါ။
ေရာင္နီ႕ကို ေတြ႕ခ်င္သည့္စိတ္အစဥ္ကို ခ်ဳပ္တည္းေနရသည္။ သူ႕ေဘးတြင္ သူ၏ခ်စ္သူတစ္ေယာက္လုံး ရွိေနျခင္းသည္ သူ႕ကို ေရွ႕ဆက္တိုးဖို႔ မျဖစ္နိုင္မွန္း သူ၏ႏႈတ္မွ မဖြင့္ဟလာသည့္တိုင္ မိမိဘက္မွ နားလည္နိုင္သြားရသည္။ မိမိခ်စ္ျမတ္နိုးလွပါေသာသူသည္ တစ္ခါမွ သူ႕အခ်စ္ကို မဖြင့္ဟဖူးပါလ်က္ သူ႕ေဘးနားကလူကိုေတာ့ ခ်စ္ပါသည္ဟု ေျပာဖူးလိမ့္မည္။ ဤအေၾကာင္းကို ေတြးမိသည္ႏွင့္ ထြန္းညို မ်က္ရည္ကေလး ဝဲလာရသည္။ အႏွစ္ႏွစ္အလလ ႀကိဳးစားတည္ေဆာက္ခဲ့ေသာ္ျငား အရာမထင္ခဲ့သည့္ သူ႕အျဖစ္ကို ဝမ္းနည္းမိ၏။
ေရာင္နီရာ ဘာေၾကာင့္မ်ား တိုက္ေပၚက ခုန္ခ်လိဳက္ရတာလဲ။ ကိုယ္ခ်စ္တဲ့သူတစ္ေယာက္လုံး ေဘးမွာ ရွိေနပါလ်က္နဲ႕ ဘာေတြကမ်ား သတ္ေသေစနိုင္ေလာက္တဲ့အထိ ျဖစ္သြားရတာလဲ။ မင္းသာ ေသသြားမယ္ဆိုရင္ ကိုယ္ ဘယ္လိုေနရေတာ့မလဲ။ ကိုယ့္ကို မခ်စ္ပါဘူးလို႔ ျငင္းပယ္ထားတဲ့သူကို မုန္းတယ္ဆိုၿပီး လိမ္ညာေနရတာလည္း ေမာေနၿပီ။ ကိုယ္ ဘာဆက္လုပ္သင့္သလဲ။
ထြန္းညို ေကာင္းကင္ေပၚသို႔ အၾကည့္ပို႔လိုက္လွ်င္ပဲ ေကာင္းကင္တစ္ခြင္ဟာ ညိုေမာင္းလာရေတာ့သည္ကို သတိျပဳမိရေတာ့၏။ မိုး႐ြာေတာ့မယ္ထင္တယ္။ ေကာင္းကင္သည္ ပိုပို၍ ေမွာင္လာခဲ့သည္။ မိုးစက္မ်ားလည္း တေျဖးေျဖးႏွင့္ တစ္စက္ခ်င္း က်ဆင္းလာေတာ့သည္။ ပထမေတာ့ မိုးဟာ မသိမသာ ႐ြာဆင္းလို႔ ေန၏။ ေနာက္ေတာ့ မိုးဟာ အၿငိဳးႀကီးစြာျဖင့္ ႐ြာသြန္းေလေတာ့သည္။
မိုးရာသီေတာင္ ဝင္ခဲ့ၿပီပဲ။ မိုး႐ြာလွ်င္ တစ္စုံတစ္ေယာက္ကို ပို၍ လြမ္းလာတတ္သည္က လူသားမ်ား၏ ဗီဇျဖစ္မလား။ မိုးဟာ အလြမ္းဓါတ္ခံကို ပင့္တင္ေပးသည္ဟု ထင္၏။ မိုးဟာ မ်က္ရည္ကိုလည္း က်ေစသည္ထင္၏။ မိုးႏွင့္အတူ ထြန္းညို၏ မ်က္ရည္ၾကည္မ်ား ပါးထက္သို႔ စီးဆင္းလာခဲ့ပါေတာ့သည္။
YOU ARE READING
ကြွေ (Complete)
General Fictionတိုက်ပေါ်က ခုန်ချသတ်သေသွားတဲ့ကောင်လေးတစ်ယောက်အကြောင်းဖြစ်ပါတယ်။ ကိုမာဝင်သွားတဲ့ ကောင်လေးတစ်ယောက်အကြောင်းပေါ့။ အဲ့ဒီကောင်လေးရဲ့ အချစ်ရေးကတော့ အဓိကပေါ့ ဘာကြောင့် သတ်သေရလောက်တဲ့အထိ ဖြစ်သွားရတာများလဲ နောက်တစ်ယောက်ကတော့ ရည်းစားတွေ...
