مالوّم قلبيِ يوم تولع في ههواكِ ، مَحّلاه وصّفِك يحرِك خافقي كُله

~ 10 ~

البارت الي قبل للتذكير ..
فـ ارجاء قصر ال حمد ، عند هياء الي بتدخل للصاله بعد م خلصت شغلها بتعب ، مشت متجهه للمطبخ تسوي لها لكل تأكله ، دخل وراءها سطّام بهدوء وهو يدري انها موجوده ، قرب يبوسها على خدها ، فزت بصدمه و لفت عليه : سطّـ..ام !!!
سطّام وهو يخفي ضحكته : ياعيونه
هياء : خير وين قاعدين ! تخيل احد يدخل وش بيقولون
سطّام : يلا زين خلاص أهم شي م خليتها في خاطري
ضربته على كتفه وقالت : اعقل
انسحب بضحك متجه لـ غرفته و هياء اتجهت لـ جناح امها و ابوها ، دخلت تبوس راس امها وقالت ام عقاب : يهلا يهلا
ابتسمت تقول : هلا فيتس يمه
ابو عقاب : ها شلون الشغل معاتس
هياء : ابد الحمد لله كلشي تمام
ابو عقاب : ايه الحمد لله
ام عقاب : طيب وش قلتي عن الخطبه ؟
اخذت نفس و قالت : يمه انا موافقه على سطّام
ابتسم ابو عقاب وقال : ابركها من ساعه
ابتسمت و نطقت امها : و ولد عمس رجال م شفنا منه الا كل خير ، و بكره بإذن الله نعطيهم العلم
هياء : ان شاء الله
-
اليوم الثاني تحديدا فـ ارجاء قصر آل حمد ..
نزل ابو عقاب متجه للصاله ، لمح ابو تركي الي قاعد يفرفر بـ جواله ، قعد جمبه وقال : اقولك ي عادل
فز ابو تركي وقال : اسلم ؟
ابو عقاب : ابشرك يخوي ، بنيتي موافقه على ولدك
ابتسم وقال : صدق ؟ بشرك الله بالجنة
ابو عقاب : ولد اخوي رجال م شفنا منه شي و الله يتمم لهم على خير
ابو تركي : اللهم امين ..
انسحب ابو عقاب متجه للـ شركه ، و رفع ابو تركي جواله يبشر سطّام ، دقايق يرد عليه وقال ابو تركي : السلام عليكم
رد سطّام وقال : عليكم السلام ، سم يبه
ابو تركي : عدوك يسم ، ابد جاي ابشرك
سطّام بتعجب : تبشرني ؟ اسلم
ابو تركي : هياء بنت عمك وافقت
سطّام بصدمه : بالله  !!!
ابو تركي : اي والله تو عمك جاي يعلمني
سطّام : ي يبه والله مدري وش اقول الحين !
ضحك ابو تركي وقال : يلا ي وليدي باقي علينا نجهز لكم عقد قران ، و بعدين تخططون متى تبون الزواج
ابتسم وقال : ابشر طال عمرك
-
عنـد جراح و الماس ، تحديدا بـ الفندق ..
فزت الماس على صوت رنين جوال جراح ، فتحت عيونها بهدوء  ، قطبت حواجبها بهدوء من لفت و م لقت جراح ، قامت من السرير و نطقت بنبره هاديه : جرا..ح
قاطعها خروجه من الحمام ( يُكرم القارئ ) و هو لاف المنشفه على خصره ، و ينثر شعره المتبلل ماء ، رفع راسه يناظرها وقال : متى صحيتي ؟
الماس : توني الحين
ضحك وهو يشوف بعدها دايخه وقال : فيتس نوم بعد ؟
الماس : تكفى والله م نمت زين اليوم
جراح : ارجعي نامي باقي فيه وقت الساعه 9 الصبح الحين !
الماس بهدوء : وانت ؟
قعد جمبها وقال : وانا بروح اخلص لي كم شغله و جاي
الماس بـ تعجب : و مطول ؟
جراح : لا ي امي بروح و بتركس هنا يعني ؟ مانيب مطول شويات و جاي
زفرت براحه وقالت : اي زين على م تجي يكون نمت لي شوي و بعدها نطلع
جراح : خلاص تم
-
فـ ارجاء شركة ال حمد ~ A.H.C ~
دخلوا نهى و عهد متجهين لـ مكتب ابو عقاب ، نطقت عهد : يبه ، نبي نعرف وين مكتب كل وحده فينا ؟
ابو عقاب : طيب بخلي السكرتيره تدلكم  ..
عهد : احم يبه ، نبي انا و نهى مكاتبنا جمب بعض
ضحك وقال : يصير خير ان شاء الله
قاطعهم دخول السكرتيره وقال ابو عقاب : دليهم على مكاتبهم و خليهم جمب بعض
السكرتيره وعد : طيب
طلعوا عهد و نهى و الفرحه ماكلتهم ، فزوا على صوت قاعَد و لفوا كلهم عليه وقال : اووه شكلكم متحمسين من اليوم
ضحكت وعد وقالت : تشوف
ناظرتها عهد وقالت : احد كلمتس انتي ؟ ناس غريبه
ضحك قاعَد وقال : عهد اهجدي مشاكل من اول يوم ؟
عند : يصير خير
قاعَد : وعد خلاص انا بدلهم روحي كملي شغلتس
مشوا مع قاعَد يسولفون لين م وصلوا ل مكتبهم  ، و نطق : مع مين جيتوا؟
نهى : رهف اختي
ابتسم وقال : اها زين .. تفضلوا ابدوا شغلكم و لو سمحتي انتي و ياها بدون ازعاج
ضحكوا وقالوا بصوت واحد : طيب
عهد : نوني اسمعي بروح مكتب عقاب شوي انتظري بجيس لا تروحين مكان
نهى : ابد تم
مشت عهد متجهه لـ مكتبه عقاب ، فتحت الباب و قالت : سلااام عققييبب
ابتسم وقال : اووه عهدي ، عليكم السلام
قعدت وقالت : انت وينك ياخي م نشوفك ف البيت ! نايم فـ الشركه وش
ضحك وقال : ايه ، عاد والله انتي الي محد يشوفتس
عهد : انا ! ي الكذوب انا م اطلع قاعده ف البيت
قاطعهم دخول وهج الي دخلت بقوه وقالت : عق..اب
فزت عهد وقالت : وهج ؟
وهج : اووه انتي اخت نهى ؟
ضحكت وقالت : لا بنت عمها
وهج : اهاا معليش والله
عهد : شكله بينكم شغل خلني اطلع انا
طلعت عهد و قال عقاب : وهج 
تقدمت بهدوء توقف قدامه وقالت : سم ؟
عقاب : انا وش اسمي !
وهج : عقاب
عقاب بحده : انا وش اسمي !!
بلعت ريقها بخوف وقالت بهدوء : وش
عقاب : استاذ عقاب !
َوهج : ببـ..لغلط والله
ابتسم بخفه وقال : امريني وش بغيتي ؟
وهج انسحبت بهدوء تبي تطلع ، فزت من مسك يدها وقال : وش فيتس ؟ قولي لي وش كنتي تبين
وهج : نسيت خلاص سلامتك
عقاب : براحتس
طلعت و اتجهت لـ مكتبها ، مصدومه من الي صار ! معقوله هذا هو عقاب ؟ .. و اتجهت تكمل شغلها
-
بـ المستشفى و تحديدابـ مكتب هياء ..
نطقت عُلا وقالت : ها شفيكِ متوتره
هياء : قلت لأهلي امس اني موافقه على سطّام و للحين م شفت منه خبر !
ضحكت عُلا وقالت : تدرين قبل لا اجي مكتبك هو جاء
هياء : غريبه م جاء لهنا ولا ذا شكله م علموه اني وافقت
عُلا : والله م تدرين يمكن ، و يمكن انشغل مع المرضى و نسى
هياء : يمكن صح بعد
عُلا : المهم تجين مشينا ال كافتيريا
هياء : ايه يلا نصحصح شوي
-
فـ بيت ابو طارق تحديداََ
حور : عُلا شرايتس نطلع نشتري لنا ملابس و منها نغير جو ؟
عُلا : ابد تممم
حور : طيب بقول ل تميمووه عاد يارب يوافق
عُلا : خل ناخذ لنو معانا و نعلم جود إذا تبي
حور : طارق موجود ؟
عُلا : لا مداوم
حور : اجل بطلع اشوفها و اعلمها مره وحده
عُلا : اي زين
طلعت حور متجهه لغرفة الجود و طقت الباب الين م فتحت الجود ، نطقت حور : جووديي
الجود : هلا عييوني
حور : تعالي بقولس
الجود : قولي ؟
حور : بتطلعين معانا انا و عُلا بناخذ ملابس ونغير جو بالمره
الجود : يوه والله ودي بس مالي خلق متكسره
حور : بناخذ لين لو سمحتي
الجود : صدق ؟ خلاص طيب بجهزها و بخليها تنزل لكم
حور : اي زين
الجود : مع مين ؟
حور : تميم
الجود : اووه يويلكم بتسحب عليكم و بتروح عند تميم
ضحكت وقالت : ايه ادري حركاتها ، م بطول عليكم تبين
الجود : ابد سلامتس
-
عند جراح و الماس ..
دخل جراح بهدوء ، تقدم للغرفه و ابتسم من لمحها وهي نايمه ، يتأمل برائتها و جمالها الي اخذ عقله ، تقدم وقال : الماس
لاحظ عدم ردها وقال : المااس
فزت وقالت : وش
جراح : الوقت عيوني لين متى
قعدت بهدوء وقالت : قمت خلاص
جراح : تجهزي و خلصي بطلب لنا شي ناكله و بعدها نطلع
الماس : خلاص تم
مشت متجهه لل حمام ( يُكرم القارئ ) اخذت لها شور سريع ، و طلعت اخذت لها بلوفر ابيض مع بنطلون رصاصي و شنطه خفيفه لونها ابيض ، مع ميكب خفيف تقدمت تعدل طرحتها وقالت : جراح انا خلصت
ابتسم وقال : مشينا
ناظرتها و ابتسمت تقول : مشينا
-
فـ بيت ابو عباس
صفاء : يمه
ام عباس : ها
صفاء : متى بتسوين الي قلتي لنا عنه ؟
ام عباس : وشهو
صفاء : يمهه ! جراح و الماس
ضحكت وقالت : اهاا !! ي بنتي خلهم يرجعون و يقعدون سوا شوي و ان شاء الله يصير خير
صفاء : اكيد؟
ام عباس : اكيد
دخل عباس وقال : خطه بدوني ؟ عسى ما شررر
ام عباس بخبث : حبيبي انت الفرد الأساسي ف الخطه !
عباس بحماس : أووفف دام كذا ازهلوني بس
-
و فـ بيت ابو جراح
نايف : يمه والله البيت صاير هدوء بعد جراح و وهج
ام جراح : الله يحفظهم
ضحكت الدانه وقالت : والله صادق ، شرايك نطلع انا وانت و امي
نايف : ها شرايتس يمه
ام جراح : احد يطلع الحين ي عيالي
الدانه : يمه تكفين
نايف : يمه تغيرين جو بدال البيت
الدانه : اييه والله صادق
ام جراح : طيب طيب ، نجهز و نجيك
نايف : ابد تم انتظركم
-
و عند حور و عُلا ، بـ السياره مع تميم
نطق تميم وقال : ها خلصنا نمشي البيت؟
لين : لاا لاا
ضحكوا حور و عُلا وقالت حور : وهي صادقه لا م نبي نرجع بناخذ فره بعد
لين : صح صح عمو بلييز
ابتسم وقال : عشان ليني بس !
نطت لين بـ فرحه و نطقت عُلا : ياخي تميمووه والله انك كفوو
ناظرها وقال : الحين كفو هاه الحين
ضحكوا كلهم وقالت حور : بس بس عاد ، وقف خذ لنا قهوه
تميم : طيب طيب
لين : وانا بعد ابي وس ذا
تميم بحنيه : وس ذا ! ي دنياي ذا مب زين عشانس انتي باخذ لس شي ثاني من البقاله شرايس
لين : اوكيه
ابتسمت عُلا وقالت : امووتت ع الي يسمعون الكلام
-
يُتبع
-
( اهلا اهلا ، كل عام وانتم بخير يـ احباب قلبي ، اعتذر ع القطعه والله انشغلت جدا مع اهلي و اتمنى البارت عجبكم اعذروني ع القصور هذا الي قدرت عليه و سكب لل أخطاء الاملائيه ، بعوضكم ببارت أطول و أجمل بأذن الله شدوا دعمكم 🤍🤍)