مالوّم قلبيِ يوم تولع في ههواكِ ، مَحّلاه وصّفِك يحرِك خافقي كُله

~ 14 ~

اليوم الثاني ، تحديدا عند الماس و جراح بـ الفندق ..
فزت الماس على رنين جوالها ، فتحت عيونها بهدوء تبسمت من شافت انها بوسط أحضان جراح ، نطقت بهدوء : جراح
لاحظت عدم رده و قامت توقف قدام المرايه تلم شعرها الي كان متناثر على وجهها ، زفرت وقالت : جراحح
لفت تناظره و قالت : جراحي قم
فتح عينه و ضحك يقول : اووه جراحي ؟ جديده هذي
ضحكت بـ احراج وقالت : و لقينا طريقه نقومك فيها
ابتسم و زفر يقول : كم الساعه ؟
الماس : قم قم لا تسال عن الساعه
جراح : يعني تبين نروح لهم بدري ولا بعدين ؟
الماس : خلنا نفطر و نصحصح و بعدها نروح
جراح : ابد تم
الماس : زين انت اطلب الفطور وانا باخذ لي شور سريع و اجيك
جراح : طيب
-
فـ ارجاء قصر آل حمد ، فـ جناح سطّام تحديداََ
فز على ضوء الشمس الي توسط عينه ، اخذ جواله و انصدم من الوقت وانه تأخر على الدوام ، دق على هياء و دقايق قليله ردت عليه وقال : هيون
هياء بـ عصبيه : وش هيون سطّام ! شايف الوقت انت
ضحك بخفه وقال : والله راحت علي نومه
هياء : اجل ارجع كمل نومك و تعال برر لل مدير لانه معصب عليك ، ذي مب اول مره تسويها
سطّام : يليل ذا بعد
هياء : ايه ايه يلا اذلف
ضحك من قفلت ف وجهه وقال : وش ذا العصبيه شسويت الحين
صحى مسرع و تقدم يدخل للحمام ( يُكرم القارئ ) اخذ له شور سريع و طلع لبس له بلوفر لونه سُكري مع بنطلون ابيض ، رش له عطره و لبس ساعته وغيرها من الأشياء الخاصه فيه ، نزل من غرفته متجه للصاله ، شاف الكل متجمع وقال : السلام عليكم
ردوا بصوت واحد : عليكم السلام
رهف : اما عاد انت هنا !! م عندك دوام ؟
سطّام : راحت علي نومه
رهف : منجدك انت دايم كذا ؟ م غير تسهر و بعدين تقول راحت علي نومه
سطّام بملل : يليل جت الثانيه ، دوامي يبوي خلاص م عليتس فيني أدبر نفسي انا
ام تركي : و رايح كذا ؟
سطّام : لا ي يمه لا مانيب رايح شايفه الوقت انتي
ام تركي : الله يصبرني عليك بس
قاطعهم صوت قاعَد الي كذلك نازل يسلم ، ردوا السلام وقالت ام عقاب بصدمه : وانتت بعد !
قاعَد : شسالفه وش انا بعد
ام عقاب : الدوام ؟ ليه بعدك هنا
زفر وقال : م يحتاج اقول صح
ضحك سطّام وقال : تعال يبوي مشينا للمجلس بس
دخل عليهم الجد علي وقال بنبره حاده : وش مجلسه ؟ انت وراك شركه وانت وراك مستشفى و مرضى ! بزران انتم بنقعد نعلمكم حنا الصح من الغلط ؟ غيركم يتمنى شغل وانتم م همكم م غير اسهر للصبح و اقول راحت علي نومه !
سطّام : يا ج..د
قاطعه وقال : اذلفوا من وجهي الحين
قاعَد : يجدي شبلاك معصب ، الموضوع ..
الجد بحده : وشهو الموضوع ؟ انا اقول اذلف من قدامي
سطّام : قاعَد امش ونت ساكت
زفر و مشوا الاثنين للـ مجلس ، دخلت عليهم رهف وقالت : تبون شاي ؟ فطور شي ؟
سطّام : اي بالله جيبي شاي
رهف : طيب
اخذ سطّام جواله يدق على هياء ، سرعان م ردت عليه وقال : اسمعي عيوني مانيب جاي ترا
هياء : لا تجي طيب
طلع سطّام من المجلس لأجل يكلمها وقال : انتي من حادتس علي اليوم ؟
هياء : لاجيت البيت اتفاهم معاك تفهم .
م عطته فرصه يرد عليها ، قفلت الخط ف وجهه و دخل سطّام للمجلس ، نطق قاعَد : ها شصار
ضحك سطّام وقال : والله اختك مصيبه كبيره
ضحك قاعَد وقال : ليه ؟ هي بعد تحاسبك ع النومه
سطّام : اي بالله
قاعَد : يلا الشكوى لله
-
فـ المستشفى تحديدا ، دخلت عُلا لعند هياء وقال : هياء خلصتي ؟
هياء بتعب : اييه ابي اريح راسي مصدعه مره
ضحكت وقالت : تبين قهوه ؟
هياء : م اقول لا
قاطعهم دخول الاء الي دخلت فجأه وقالت : ااء بسالكم احد شاف الدكتور سطّام ؟
عقدت هياء حاجبها وقالت : شتبين فيه ؟
الاء : شفتيه !
هياء : قلت شتبين فيه ؟
الاء زفرت وقالت : خلاص ولا شي
نطقت هياء بحده وقالت : اسمعي انتي ! ان شفتس حول سطّام والله والذي نفسي بيده ، ان تشوفين شي م راح يعجبتس ابد
الاء بضحكه : أحلفي ؟ ليه حضرتس مين ؟
ابتسمت هياء ترفع يدها توريها الخاتم وقالت : خطيبته ، او بالاصح زوجته يعني
فتحت الاء عيونها بصدمه : هاا !
ضحكت عُلا وقالت : الله لا يبلانا بس ، فشلتي نفستس ي الاء روحي ركزي ب شغلتس انتي
طلعت الاء و هي مصدومه و قالت عُلا : وائل يركض وراتس و ذي تركض ورا سطّام ، والله ذول مصيبه
ضحكت هياء وقالت : ضروري نزوجهم
انفجرت عُلا ضحك وقالت : تخيلي بس مستحيييل
هياء : م علينا منهم
عُلا : الا ع طاري سطّام ، صدق غريبه محد شافه
اخذت هياء نفس وقالت : م تشوفين المدير معصب عليه ! قاعد يستعبط ذا الرجال م غير تروح عليه نومه و بكل برود يقول ماني جاي ترا
ضحكت وقالت : الله يعينس بس
هياء : اي والله ، المهم مشينا تحت نمشي سوا
عُلا : مشينا
-
عند جراح و الماس ، دخل جراح للغرفه و ابتسم من شاف الماس بكامل كشختها ، ابتسم يجي من وراها ، قرب باسها على خدها و قال : وش ذا الزين ؟
ابتسمت بخجل وقالت : جراح ! اعقل
ضحك وقال : وشو ؟ هو انتي تخلين فيني عقل بعد !
ابتسمت تقرب منه ، باسته على خده و ضحكت تقول : رجعت لك ياها
ارتخى جراح وقال : لا انتي صدق ب تاخذين عقلي
ابتسمت وقالت : قم قم يلا خلاص بنمشي
ابتسم وقال : يلا زين مشينا
تقدم يعدل شماغه وقال : يلا
نزلوا و حطوا الشنط و غيرها و ركبوا للسياره وقالت الماس : اهلي ولا اهلك ؟
جراح : من تبين اول
ناظرته وقالت : م يحتاج اقولك
ضحك وقال : يلا زين انزلتس عند اهلتس و انا برجع انزل الشنط للبيت
الماس : تمام
بعد م دارت السوالف بينهم ، وصلوا لعند بيت ابو نياف
نطق جراح وقال : وصلي سلامي لهم ، وان بغيتي ترجعين دقي
ابتسمت وقالت : ابشر
-
فـ بيت ابو طارق تحديدا بـ الصاله متجمعين كلهم ..
نطقت عُلا تقول : يمه ! انا قررت اني بشتغل
ضحك تميم وقال : منهو انتي ؟؟
طارق : شبلاك تضحك خلها تشتغل ليش لا ، وين تبين انتي ؟
عُلا : ابي فـ ذيك الشركه شركة ال حمد معروفه عاد
شرقت حور بالشاي وقالت : ي بنت صادقه انتي ؟ ذول لو تموتين م يقبلونس
عُلا : وليه ان شاء الله ؟ اعرف لس وهج ال جراح ! قدمت للشركه و قبلوها
طارق : م عليتس منهم قدمي قدمي عليها و عسى خير ان شاء الله
عُلا : ياخي تعلموا من طروق بس تعلموا
ضحك وقال : انفداس ياعين طروق
تميم : اقول وين لنو
طارق : راحت مع امها عند خالتها
تميم : م شفتها اليوم ! يومي م يكتمل الا بها
ضحكت ام طارق وقالت : كانت تسأل عنك و م لقتك
تميم : يلا عوافي
-
فـ شركة ~ A.H.C ~ تحديداََ ، طلع عقاب من مكتبه ياخذ له نفس ، يتمشى وسط ارجاء الشركه و لمح مكتب وهج الي هاليومين فاضي ، مشى ينزل لتحت و قال للـ سكرتيره وجدان : اسمعي انا بطلع وراي كم شغله و جاي
وجدان : تمام  ..
طلع عقاب و ركب سيارته ، بعد م قرر يروح يزورها ، احتلت تفكيره ، استوطنت أعماق قلبه مو قادر يبعدها عن تفكيره ابداا ، 15 دقيقه بالكثير و وصل لعند بيتها ، طق الباب بهدوء و سرعان م فتحت له العامله وقال : السلام عليكم ، وهج هنا ؟
نطقت العامله : وهج مافي هنا
قطب حاجبه وقال : وينهي ؟
العامله : مستشفى
فز وقال : ابو سهم وانا ابوه
اخذ يرفع جواله يدق عليها و م كان فيه استجابة رد ، ركب سيارته و اول مستشفى طرت فـ باله المشفى الي يشتغلون فيها هياء و سطّام ، اتجه مسرع يبي يوصل لها و وصل بسرعه بحكم انها قريبه كانت ، دخل للمستشفى مسرع بخطواته تقدم وقال : ممكن مكتب الدكتوره هياء بنت سهم ؟
الممرضه : امشي معاي
مشى عقاب وراءها لين م وصلوا لـ مكتبها و فتحت الممرضه الباب وقالت : دكتوره هياء فيه احد يبي يكلمك
هياء : طيب دخليه
دخل عقاب و وقفت هياء بـ تعجب وقالت : عقااب ! يمه صار شي ؟
عقاب : لا لا م صار شي ، بس بسالتس فيه احد من المرضى جاكم هنا اسمها وهج ال جراح ؟
هياء : ايوا شفيها
فتح عيونه بصدمه وقال : فيها شي !
ضحكت هياء وقالت : لا بسم الله عليها جايه عشان امها تعبانه ، شفيك انت متوتر
زفر وقال : مب متوتر بس هالفتره مب مداومه ب الشركه هي قلنا نمر نشوف الأوضاع
هياء : زين سويت ، موجودين بالغرفه الي على يمينك بس عاد نفسية البنت تعبانه مره و تقول انها تنتظر اخوها اليوم رجع من السفر
عقاب : طيب تجين معاي تشوفين إذا موجوده ولا ؟
هياء : مشينا
طلعوا اثنينهم و اتجهت هياء صوب الغرفه الخاصه فيهم و فتحت الباب بهدوء تناظر و قطبت حاجبها تقول : غريبه مب هنا
عقاب : اجل
هياء : يمكن بـ الحديقه الخارجيه رح شف
عقاب : طيب
مشى بهدوء يتجه صوب الحديقه ، وصل للخارج و بدأ يلف بعيونه لين م لمحها ، كانت قاعده على الكرسي حاطه يدينها على وجهها ، تغطي عيونها الي ذبلت من كثر البكاء ، جاهله بقدوم اي احد غير اخوانها و خواتها ، قعد عقاب جمبها بهدوء وقال : وهج
فزت بصدمه من ميزت صوته و عرفت انه عقاب ، وخرت يدينها تناظر فيه وقالت : استاذ ع..قاب ؟
بلع ريقه من شاف عيونها الي مليانه دموع ، مليانه كلام ، نطق : استاذ عقاب بـ الشركه مب هنا
ناظرته وقالت : مو المفروض انت لحين بالشركه
عقاب : جيت اتطمن على خالتي شخبارها ؟
رفعت راسها للسماء تحاول تمتلك دموعها وقالت : مافيه شي جديد
عقاب : طيب يابوي ليه كل ذا الصياح ؟ بتصير بخير ان شاء الله خليتس متفائله بالخير
طاحت دموعها وقالت بصوت متذبذب : م اقدر والله ، يقولون لازم نكون جاهزين لـ اي شي خلاص
عقاب : مافيه علاج طيب ! مستحيل
وهج : الا فيه بس مبلغه كبيرر
عقاب : خلاص اجل م يحتاج تبتسين
قام عقاب و اتجه لـ مكتب هياء و دخل يقول : هيون اسمعي ، عالجوا امها و ان كان وشهو المبلغ انا الي بتكلف فيه طيب !
هياء : عقاب منجدك انت ! ذا مو اي مبلغ
عقاب بحده : ايه منجدي سوي الي قلت لس عليه ونا بدفع المبلغ كامل و الباقي على الله
هياء : طيب ابشر
-
يُتبع
-
( اهلا اهلا ، اعذروني ع القصور و الأخطاء الإملائية ، اضغطوا ع النجمه لأجل نكمل سوا و اشكركم على دخولنا للـ 1k قارئ ، قراءه ممتعه ❤️)