للـ تذكير ..
الماس : تعال سو لي سلسالي تعبت وانا احاول البسه
ضحك وقرب يمسك السلسال منها ، ابتسم وهو يبعد شعرها بيده ، يتأمل جمالها و جمال شعرها العسلي الي شد انتباهه ، قفل السلسال وقالت : حلو ولا اوخره ؟
جراح : لا تسأليني حلو او لا ! كلشي عليتس حلو
فزت تضمه و ارتعش قلبه وهو يشوفها بوسط احضانه ، رفع يده لـ ظهرها وحاوطها له ، مشاعر متلخبطه م يدرون وش هي هذي ! ، هل معقوله جراح حب الماس بعد م كان انسان ضد الحُب و كان يقول مستحيل احب ! ، هل معقوله الماس ارتاحت مع جراح و حبته صدق ؟ ابعدت من استوعبت الي صار وقالت : معليش تحمست شوي
ضحك وقال : تحمسي كلشوي ! والله ان حضنس راحه
جلست من احمر وجهها بخجل وقالت بينها و بين نفسها : اهه يربي والله اني تحمست مره وش ذا ي الماس ! ، نطقت تقول : دامنا فاضيين خل نطلع الحين ! ناخذ لنا جوله
لف عليها وقال : يلا طيب اجهزي
دخلت للـ غرفه اخذت لها بلوفر اسود مع بنطلون ابيض واسع ، و بوت اسود ، و شنطه صغيره لونها اسود وقفت قدام المرايه تلبس طرحتها و طلعت وقالت : مشينا ؟
ابتسم وقال : مشينا
اما عند جراح كان لابس عكسها بضبط ، بلوفر ابيض و بنطلون اسود و ساعته و غيرها الأشياء الرجاليه ، نزلوا من الفندق و أخذوا يتمشون فـ ارجاء تركيا مع برودة الجو و الهواء الي يضرب فيهم ، ناظرته وقالت : يوه والله زحمه مره م توقعت كذا
ضحك وقال : وش كنتي متوقعه
الماس : كل شي الا هالزحمه
جراح : بعدتس م شفتي شي انتي هذا بس تونا طالعين
مسكت على قلبها وهي تشوف الكلاب الي تمر من جمبها و أمامها ، شبكت يدينها بيدين جراح برعب ، فز يناظر يدينها الا شاده على يده و بقوه ، ابتسم وقال : وش فيس عادي م راح يسوون لس شي لا تخافين
الماس وهي تحاول تنكر ، ابعدت يدينها وقالت : ها من قال لا مو خايفه
لف عليها وحاول يخفي ضحكته وقال : اي زين يلا
زفرت بخوف وقالت : يوه تعال ندخل لأي مقهى
ضحك وقال : تعالي طيب شوفي ذا
الماس : اي زين يلا نبي نشرب شي
دخلوا و قعدت الماس جمبه ، ناظرته وقالت بتوتر : م تعودت اسافر تكفى التوتر لاعب فيني مدري من وش
حط يده فوق يدها يلاحظ توترها وقال : ليه ليه ذا كله انا معاتس ليه خايفه م راح يصير لتس شي ان شاء الله
ابتسمت تاخذ نفس من جت قهوتها ، عم الصمت لـ دقايق وقال : الا بسالس ! من متى وانتي تروحين الاسطبل ؟
الماس : يوه من زماااان نجم صار له عندي سنين
عقد حاجبه وقال : عجيب والله مع اني دايم هناك ولا اشوفس ؟
ضحكت وقالت : بس انا كنت اشوفك ! ، اول مره شفتك م كنت ادري انك انت جراح اخو وهج لين شفتك فـ بيتكم يوم كنت مع وهج و دانه
ابتسم وهو يشوفها تضحك و تسولف له و تشرح ، وقال وهو يتأملها بـ حُب : و بعدين ؟
الماس : وبس والله يعني جمعونا اهلي و اهلك و هذا حنا هنا ، الحين انت علمني نظام شغلك
نطق يقول : والله شوفي لازم تتعودين ! انا مو دايم فـ البيت يعني تلقيني ف الليل تقريبا و باقي الوقت بـ الشغل و احياناََ اضطر م ارجع البيت مرات أطول و مرات اقلها يوم يومين بس
الماس : طيب و يوم انجرح كتفك ؟ يقولون مو شي جديد كيف يعني
جراح : انا قد جاني الي يوجع اكثر من كتفي ! يعني لا تستبعدين ادخل عليس البيت كلي دم
غمضت عيونها بهدوء وفتحتها تقول : بس بس خلاص م عليك شي ان شاء الله
ابتسم وقال : ان شاء الله ..
-
و عند البنات بـ سيارة رهف ، مشغلين الاغاني و يغنون كلهم مع بعض ، مستانسين و اخيرا طلعوا بعد الطفش الي لعب فيهم ، خففت عهد صوت الاغاني وقالت : تكفون تكفون يناس خل نطلع هيون
رهف : مستحيل والله م تطلع وراها شغل كنسلي
زفرت وقالت : يوه نبيها ياخي
ضحكت نهى وقالت : عهدي ! الشركه
نطت عهد وقالت : مري على الشركه بسرعه
ضحكت وقالت : يلا تم اشوف شعندكم
نهى : بنروح نسولف مع عمي سهم شوي
رهف : يلا زين هذي هي الشركه ماهيب بعيده
و كملوا سوالف و ضحك سوا ، وصلوا و صفت رهف سيارتها و دخلوا ثلاثتهم مع بعض ، السكرتيره وعد : اووه شرفوا بنات آل حمد ؟
عهد بـ استفزاز : اي نعم عندس شي ؟
رهف : عهد تكفين امشي ونتي ساكته ! وانتي كملي شغلس بس عاد
نهى : وع قسم بالله
تقدموا يمشون كلهم إلى مكتب عقاب ، دخلوا و وراء بعض ، ناظرهم عقاب بصدمه وقال : باقي من بعد ؟ عسى خير ان شاء الله احد صار له شي ؟
عهد : لا لا محد صار له شي ، وين ابوي ؟
رفع يده يناظر الساعه وقال : تلقين توه طالع من اجتماع و فـ مكتبه
رهف : حلوو اجل حنا رايحين لعنده طيب
عهد : طيب اسبقوني انتم انا شويات و اجيكم بس بقول ل عقاب شي
وقفت رهف وقالت : اقول امشي لا كف والله م اروح لحالي
ضحكت عهد وقالت : بعدين بقولك
طلعوا و مشوا مع بعض لـ مكتب ابو عقاب ، دخلت نهى اولهم وقالت : هلا والله عميي
ابتسم ابو عقاب وقال : يهلا بـ بنياتي
عهد : هلابك يبه ، جينا بنقولك شي انا ونهى
ابو عقاب : ايوا امريني ؟
نهى : اقولك ي عمي بنقولك شي
ابو عقاب : طيب وش مسويين شي انتم ؟!
رهف : لا لا ، عهد و نوني يبون يتوظفون بـ الشركه
ابو عقاب بذهول : صدق !!
نهى : ايي عاد طفشنا لا شغل ولا مشغله
ابو عقاب : ابركها من ساعه والله
عهد : يعني تم ؟
ابو عقاب : اي تم خلاص فـ البيت بعلمكم كلشي ..
ضحكت رهف وهي تشوف فرحتهم وقالت : خلصتوا يلا مشينا
عهد : طب يبه نبي ناخذ فره بـ الشركه
ضحك وقال : طيب لا تسوون ازعاج
طلعوا سوا وقالت رهف : نهاوي عاد انا برجع للسياره
سحبتها نهى وقالت : اقعدي ياخي شوي بس
رهف : طيب بروح تحت بنتظركم عاد مالي خلق امشي
نهى : طيب روحي خذي لس قهوه انتظرينا
رهف : كنسل خلاص مابي خفت اروح لحالي
قاطعهم صوت قاعَد وقال : اووه عهد ؟ شتسووون هنا
عهد : جينا نكلم ابوي ! و بعدين ثانيا انا و نهى بنشتغل هنا خلاص يعني لا تسال وش تسوون
ضحك وقال : في ذمتس
عهد : اي والله
قاعَد : مبروك مبروك الله يوفقكم
عهد و نهى : امين امين
قاعَد : و رهف ؟ منتي معاهم
رهف : للحين م افكر الصراحه اصير معاهم
ابتسم وقال : اي زين ، وش بتسوون الحين؟
عهد : انا و نهى بنروح ناخذ لنا فره عاد تكفى خذ رهف معاك تحت خوافه ذي
ضحك وقال : اما عاد رهف خوافه !
ناظرتهم وهم يضحكون ، مشت لحالها تنزل رغم خوفها بما انها لأول مره تجي للشركه م تعرف أي شي فيها ، مشى قاعَد وراءها مسرع وقال : ابك رهففف
صدت بعدم رد و كملت طريقها لين ما صدمت خالد
( الله يسلمكم عاد خالد ذا خبل ) ، فزت بـ ألم ، صدمها بقوه على يدها الي كانت توجعها لفت وقالت : اهه يدي
ركض قاعَد وقال : الله يهديس ي رهف صار لي ساعه اناديس ! تصدين ليه
قاطعهم خالد وقال : معليش يحلوه م شفتك
فتح قاعَد عيونه بصدمه وقال : جعل عيونك العمى ! اذلف من وجهي الحين
رهف وهي تحاول تخفي الالم الي تحس فيه : قاعَد بس خلاص رح كمل شغلك برجع سيارتي انا
قاعَد : والله م اخليتس لحالتس ! كتفس يوجعس ؟
رهف : لا لا
مشت تكمل طريقها لـ سيارتها و ركبت بهدوء ، زفرت تمسك دموعها وهي تحس بـ الم فـ يدها ، صدمها بـ يدها الي جاها كسر ، حطت يدينها على وجهها تمسح على وجهها ، وصلوا نهى و عهد و معاهم قاعَد ، فزوا كلهم من شافوا وجهها الأحمر ، واضح عليها انها بكت ، ناظرها قاعَد و دخل للـ شركه وقال بينه و بين نفسه وهو يدخل إلى مكتب عقاب : الله ياخذك ي خالد ! تطيح دموعها بسبتك جعلك ال مانيب قايل
عقاب : هوب هوب شصاير !
قاعَد : ياخي خالد ذا ي عقاب ودي امسكه و اذبحه
ضحك وقال : لحظه مو عساس انا طردته !
قاعَد : للحين موجود
عقاب : وش سوا لك بعد ؟
قاعَد : مو رهف بنت عمي عادل قريب جاها كسر فـ يدها وهي من شوي جات للشركه مع البنات تبي تنزل لـ تحت و يصدمها على يدها يارجال شفت دموع البنت
عقاب : لا اله الا الله والله ذا الولد مشكله
قاعَد : و يقول معليش يحلوه شف البرود
انفجر يضحك وقال : مريض قسم بالله
قاعَد : عقاب ؟ وش يضحك
ناظره عقاب و سكت لثواني و نطق : انت ليه معصب ؟ غرت ولا وش !
فز وقال : لا شدخل ، مو قلت لك يعني صدمها و فوقها يقول حلوه يعني وش ردة فعلي بتكون مثلا
عقاب : انت شكلك صدق بديت تحبها ! اصح على نفسك يولد
زفر وقال : ياليل ذا بعد
-
فـ بيت ابو طارق ، نزلت الجود وهي ماسكه لين من يدينها وقالت لين وهي تركض لـ عند حور : عمممه
ابتسمت حور وقالت : يهلا لينوو شهالزين
ابتسمت تدور بـ فستانها وقالت : حلو صح ؟
حور : يجنن مررره يعيونيي
الجود : ي ماما روحي اقعدي هناك على ايبادس
جلست وقالت : ي الله ي ماما والله ايبادي طفست منه
ضحكت حور وقالت : وش تبين انتي امري بس
لين : تميم وين
الجود بحده : يالين عمو !
لين : اوكيه وين عمو تميم
حور رفعت جوالها تدق عليه ، م طول دقايق و رد يقول : حوري ؟ لبيه
حور : لباك ، لين تسأل عنك
ابتسم وقال بحنيه : هلا لينيي
لين : عموو وينك
تميم : والله مشغول ي امي انتي
لين : متى ترجع بقولك سي
ضحك وقال : شوي و ارجع انتظريني
لين بحماس : اوكيييه
ابتسم وقال : الحين عطيني عمه حور يلا
مدت حور يدها تاخذ الجوال وقال تميم : اتمنى ارجع و يكون الغداء جاهز
ضحكت وقالت : ان شاء الله
نزل طارق وقال : حور امسكي لين عندس بنطلع انا و الجود شوي
حور : ابد م طلبت شي
-
فـ بيت ابو عباس ..
زفرت صفاء بقهر وقالت : يمه للحين م سويتي شي !
ام عباس : غبيه انتي !! خلهم شوي توهم متزوجين
عباس : اسمعي الكلام ي صفاء امي و تدري وش تسوي
صفاء : اف طيب
قاطعهم ابو عباس وقال : قسم بالله ان جيتوا صوب ولد اخوي او اهله م تشوفون خير ! حركات البزران ذي مابيها تفهمون !
ام عباس : يصير خير بس
-
فـ ارجاء قصر آل حمد
دخلوا البنات و اتجهوا للـ صاله بهدوء ، نطقت رهف وهي تقول بصوت متذبذب : اهه ي بنات بغى يكسر يدي
عهد : لو شفته بس !
نهى : تبين شي تشربينه ؟
رهف بألم : ابقوم بنفسي اجلسي انتي
تركي : وش صار !
نهى : ها م صار شي ابد
تركي : و رهف شفيها وجهها مقلوب ؟
عم الصمت بينهم و مشى تركي للـ مطبخ يشوف رهف وقال : رهف ؟ شفيس ي امي وش جاس
رهف : م فيني شي لا تخاف بس الم بسيط ف يدي
تركي : ذا كله و بسيط ؟ تبين نروح المستشفى ؟
رهف : لا لا م يحتاج لاصار شي بعلمك
تركي : اي زين
طلع تركي و عند البنات الي كانوا قاعدين ، عهد : تصدقين الحماس لاعب فيني لعب مو مصدقه
ضحكت نهى وقالت : ولا انا
قاطعهم دخول قاعَد و عقاب ، عهد : وي انتوا شجابكم ؟
عقاب : والله عاد خلصنا اجتماع و قلنا نطلع دامنا فاضيين ، و نعلمكم عن الشركه
عهد : تمم
انسحب قاعَد مُتجه للمطبخ ، ارتخى يوقف عند الباب من لمح رهف الي كانت تعدل شعرها البُني ، الطويل ، ابتسم يتأمل أصغر التفاصيل فيها ، يقول بينه و بين نفسه : اهخ ي بنت عمي وش سويتي فيني ! ، صحى على نفسه ، فز يغض بصره عنها و طلع منسحب لـ غرفته ، دخل يقعد على الكرسي ضحك وقال : معقوله حبيتها ي قاعَد ! انت و رهف مستحيييل يولد مستحيل
-
عنـد الماس و جراح بـ ارجاء تركيا ، اخر الليل ..
طلعوا من المقهى بعد سوالف ، ضحك بخفه وهو يشوف توترها من الزحمه الي صايره ، شبك يدينه بـ يدينها وقال : تعالي تعالي م بيصير لس شي لا تخافين
ابتسمت وقالت : دامك معاي اخاف من وش ؟
ابتسم وقال : يابعد عيني والله
عم الصمت بينهم وهم يتأملون المكان حولهم ، هادئ و جمييل ، زفرت وقالت : جراح نرجع ؟
جراح : اي زين مشينا ..
كملوا طريقهم متجهين للـ فندق الي م كان بعيد ، دقايق و وصلوا له ، طلعوا و دخلوا الشقه الخاصه فيهم ، قعد جراح بـ الكرسي بتعب بما انهم م ناموا شي ابدا ، دخلت الماس لـ غرفتها ، جلست قدام المرايه تمسح مكياجها ، اخذت لها بجامه خفيفه لونها سُكري ، مع شورت ، فردت شعرها الحرير ، طلعت و اتجهت للـ سرير ، ناظرها جراح وقال : والله م بيطير النوم الا منتس !
ضحكت وقربت تنسدح جمبه وقالت : خل عنك بس و نم يلا ورانا طلعه بكره م راح اخليك
ضحك وقال : انتي امريني بس !
ابتسمت وقالت : م يأمر عليك عدو
-
فـ بيت ابو طارق تحديدا عند الجود و طارق ، الجود : لين ي ماما نامي !! خلاص الوقت متأخر
دخلت لين غرفتها وهي تأفأف و ضحكت الجود بصدمه : و تأفأفين بعد ! لا اله الا الله
طلعت من الصاله و اتجهت لـ غرفتها ، انسدحت على السرير تتمدد بهدوء ، فزت من حاوطها طارق ، ابتسم وقال : م بغينا اخيرا جيتي ؟
الجود : شسوي ف بنتك اتعبتني م تبي تنام
طارق : و نامت ؟
الجود : ايه راحت غرفتها عاد تلقاها بعد شوي طابه علينا هنا
ابتسم بهدوء و فتحت الجود عيونها من حاوطها طارق من كل الجهات وقالت : طاررقق !
غمضت عيونها يقاطعها من باسها على ثغرها ، فزت تبعد من سمعت صوت الباب ، ضحك وقال : وش فيتس !
ابعدت من احمر وجهها وقالت : مو قلت لك بتطب علينا بنتك
دخلت لين وقالت : ماما خفت انام لحالي
طارق : اهه يالين وش سويتي انتي
ضحكت الجود وقالت : طارق بس عاد
لين يتعجب : وس سويت
ضحك يفتح حضنه لها وقال : تعالي تعالي ي بابا
ابتسمت تنط فـ حضنه ، ناظرتهم الجود وقالت : خير ان شاء الله وانا وين ؟
ضحك يقول : المره الجايه
ابتسمت وقالت : ليني ي ماما ليه تخافين لازم تتعودين تنامين ف غرفتس يعيوني
لين : ماما مابي خفت
طارق وهو يلعب بشـعر لين : تخافين من وش وحنا معاتس ي ابوي
زفرت و قامت من السرير تنزل متجهه صوب الباب وقالت : خلاص بروح غرفتي م تبوني انتم
انفجروا يضحكون وقال طارق : افا ي اللين افا بابا م يبيتس ؟
لين : ايه و ماما بعد
الجود : ماما حبيبي الوقت يلا ي تنامين عندنا ولا روحي غرفتس
صدعت تطلع و قفلت الباب بقوه بـ عصبيه ، ضحك طارق وقال : والله ذي كبرت عليها حركات !
الجود ضحكت تقول : تشوف حسافة تربيتي فيها بس
زفر وقال : الحين تعالي بصفي حسابي معاتس !
..
-
فـ ارجاء قصر ال حمد ، عند هياء الي بتدخل للصاله بعد م خلصت شغلها بتعب ، مشت متجهه للمطبخ تسوي لها لكل تأكله ، دخل وراءها سطّام بهدوء وهو يدري انها موجوده ، قرب يبوسها على خدها ، فزت بصدمه و لفت عليه : سطّـ..ام !!!
سطّام وهو يخفي ضحكته : ياعيونه
هياء : خير وين قاعدين ! تخيل احد يدخل وش بيقولون
سطّام : يلا زين خلاص أهم شي م خليتها في خاطري
ضربته على كتفه وقالت : اعقل
انسحب بضحك متجه لـ غرفته و هياء اتجهت لـ جناح امها و ابوها ، دخلت تبوس راس امها وقالت ام عقاب : يهلا يهلا
ابتسمت تقول : هلا فيتس يمه
ابو عقاب : ها شلون الشغل معاتس
هياء : ابد الحمد لله كلشي تمام
ابو عقاب : ايه الحمد لله
ام عقاب : طيب وش قلتي عن الخطبه ؟
اخذت نفس و قالت : يمه انا موافقه على سطّام
ابتسم ابو عقاب وقال : ابركها من ساعه
ابتسمت و نطقت امها : و ولد عمس رجال م شفنا منه الا كل خير ، و بكره بإذن الله نعطيهم العلم
هياء : ان شاء الله
-
يُتبع
-
( اهلا اهلا بـ الشيووخ ، اتمنى البارت عجبكم و السموحه إذا فيه اخطاء املائيه ، اضغطوا على النجمه لأجل نكمل سوا ، و اعذروني ع القصور 💙💙.)
أنت تقرأ
مالوّم قلبيِ يوم تولع في ههواكِ ، مَحّلاه وصّفِك يحرِك خافقي كُله
Romanceرِواية : مالوّم قلبيِ يوم تولع في ههواكِ مَحّلاه وصّفِك يحرِك خافقي كُله - ثالِث رواية لي قريبا بإذن الله تعالى 🤩!! كَاتِبتكُم الجميلة : رهف القحطاني ✍🏻.
