بعد ما وصل الشيخ و وقعوا كلهم و تمموا عقد قرانهم ، تبسم الخال مساعد ينطق : يلا الله يتمم لهم على خير ان شاء الله
نطقوا كلهم بصوت واحد : ان شاء الله
-
صباح يوم جديد ، فز الجد علي ينطق : للحين م قاموا ؟
الجده ساره : بيقومون لا اله الا الله شفيك من صباح الله تصارخ
نزل تركي و خلفه سطّام و عقاب تركي ، نطق تركي : السلام عليكم
ردوا بصوت واحد : عليكم السلام
نطق ابو عقاب : يبه شصاير ؟ ليه ذا الهواش
نطقت الجده ساره : م عليك من ابوك انتوا افطروا بسرعه وراكم دوام
عقاب : قاعَد بتجي معاي ؟
قاعَد : ايه اجل لين متى بقعد بالبيت خلاص عاد
ضحك تركي و نطق : تشوف يحسبونك بزر
سطّام : وهو بزر
ناظر قاعَد ل سطّام و نطق : طيب طيب بنشوف من البزر بعدين
نطق الجد : كلكم بزران
انفجر تركي يضحك و نطق : انشهد
لف عليه يقول : وانت معاهم
ضحك عقاب وقال : القمم
نطق تركي : افا ي جدي افا
عقاب : اقول قاعَد مشينا بس الوقت
وقف قاعَد و طلعوا اثنينهم لل برا ، نطق قاعَد : ها اجي معاك ولا اروح ب سيارتي ؟
عقاب : يبوي امش معاي نسولف ب الطريق
قاعَد : قدام اجل
مشوا يركبون للسياره و اتجهوا طيران للـ شركه ، نطق قاعَد : الحين وش بتكون ردة فعلهم الي بالشركه لو يدرون انك خطبت ، و وهج بعد
عقاب : وانت وش عليك ب الناس
قاعَد : والله صدقني مدري
ومع السوالف و الحوارات وصلوا للـ شركة ، نزل قاعَد الي سبق عقاب الي كان بعده بالسياره ، مشى يتجه لـ مكتبه و تصادمت فيه حور الي كانت تمشي مع ميار و وهج ، لفت عليه تنطق بـ عصبيه : يمال الوجع
فز قاعَد بصدمه ونطق : هذي لـ من ؟
حور : لك اجل ل من ! أعمى ماتشوف
قاعَد : اعتذر منس بس انتي الي جايتني
حور : يبوي رح شغلك بس
ضحك يصد عنها ، و لفت حور على ميار و وهج الي كانوا متجمدين بـ مكانهم مصدومين ، نطقت حور : شفيكم ؟
وهج : انتي شسوووويتيي !!!
ضحكت ميار تقول : حبيبتي من الضحكه الي ضحكها بكره بنلقى حور برا الشركه
حور : وي ليش بسم الله علي
وهج : ياغبيه تدرين من ذا ؟
حور : من
وهج : ذا قاعَد ! اخو المدير عقاب ، وانتي ماقصرتي
فتحت عيونها بصدمه وقالت : وشششهههههووووووو
انفجروا يضحكون كلهم و نطقت : يمه والله مادريت وانتم مجانين م تعلمونييي
وهج : وانا شدراني انه بيجي
ميار : تبون الصدق والله ي انه عجبني
ضربتها وهج على كتفها وقالت : اقول روحي جهزي قهوة عقاب بس لا يصيدس هنا
ميار : عقاب اجل ، تمونين انتي بعد هههههههههههههه
سكتت بـ احراج و نطقت : يليل مايصير انسي ؟
حور : انا بروح ل مكتب قاعَد ذا بعتذر منه
ضحكت ميار تقول : الله يقويتس
-
فـ بيت ابو جراح تحديداََ ، ام جراح بصوت عالي : الماس ي بنتي وينس
نزلت الماس من الدرج و نطقت : موجوده هذاني
ام جراح : جراحوه وين ! م عنده دوام ؟
الماس : الا توه بينزل ليه صار شي؟
ام جراح : لا لا ابيه يفطر
الماس : اها تمام
الدانه : لموسي تعالي افطري
تبسمت تقرب تقعد و نطقت : يلا جيت
و قعدوا كلهم حول الطاوله يفطرون ، مع السوالف و غيرها
-
بـ المستشفى ، دخلوا هياء و سطّام الي كانوا يسولفون ، نطقت هياء : سطّام والله جينا متأخر !
ضحك يقول : مره بعد
هياء : يلا اركض ل شغلك
تبسم ينطق : يلا اجل نتقابل بعد شوي
اتجهت هياء لـ مكتب عُلا و دخلت تبتسم و تقول : سلااااممم
تبسمت عُلا تقول : يامرحبا مليون
هياء : تأخرت ؟
عُلا : يعني تقريبا ايه
هياء : تكفين عاد صرت انام كثير و اسحب ع الدوام
عُلا : بدينا يعني ها
ضحكت وقالت : شكله كذا
و كملوا سوالفهم لين كل وحده اتجهت لـ مكتبها ..
-
بالشركه تحديداََ ، طلع عقاب من مكتبه متجه لـ مكتب قاعَد ، دخل و نطق : اقول قاعَد
فز قاعَد الي كان منشغل بالاوراق ، ونطق : اسلم
عقاب : يبوي سدت نفسي من الشغل امش خل نطلع
ضحك قاعَد بصدمه يقول : اوف اوف معقوله ؟
عقاب : يبوي امش ولا بروح اخذ سطّام
قاعَد : شبلاك انت
عقاب : م ادري امش خلنا نطلع ناخذ لنا قهوه و نفر فره و نرجع
قاعَد : تم
عقاب : ايه انت ماتصدق احد يقولك كذا اصلا
طلع قاعَد وهو يضحك و خلفه عقاب ، صادفوا ميار الي كانت تمشي و نطق قاعَد : انتي ماعندس شغل ؟
نطق عقاب : وانت وش عليك بالبنت ، كملي شغلتس
نطقت ميار : معليش بس شفتك مب فالمكتب قلت بشم لي هواء
عقاب : ابد م عليس حصل خير
مشى عقاب و سحب قاعَد على جمب و نطق قاعَد : احلف بس ؟ وانا لو تشوفني اتمشى بالشركه كذا عطيتني محاضره طول و عرض
ضحك عقاب وقال : يبوي خل البنيه شتبي فيها المساعده حقتي وانا الي اقولها الي ابيه انت لا تتدخل
قاعَد : انا اوريك ي عقابوه
انفجر يضحك و صادف وهج الي دخلت و بيدها قهوتها ، تبسم عقاب و صد ينطق : اخلص علي امش ضحك قاعَد يقول : ايه ايه انتبه بس لا تضرب راسك بالجدار وانت تطالعها
ضربه عقاب على كتفه بقوه ونطق : ايا قليل الادب
ضحك يقول : شفيك شفيك لا تجحد
عقاب : اي مسوي طالع منها انت ؟ خلني ساكت
نطق قاعَد : انا الي بسوق
عقاب : يلا اجل يكون منك فايده
قاعَد : شقصدك ها
ضحك يقول : ابد ابد ولاشي
-
و فـ بيت ابو طارق ، نزل طارق و معاه لين ، تقدموا يدخلون الصاله و نطق طارق : اما عاد تميم هنا
تميم : اي عسى ماشر
طارق : م وراك دوام انت ؟
تميم : الا
طارق : اجل ورا م رحت
تميم : راسي مصدع كنت ناوي اروح و كنسلت
طارق : الله يهداك ي تميم هذي من بدايتها بتقعد تلف و تدور حنا م صدقنا نلقى لك شغل و يقبلونك
تميم : يليل طارق رح دوامك بس
ضحكت ام طارق تقول : مايفيد معه الكلام رح شغلك ياوليدي
تبسمت لين تقرب من تميم و نطقت : خلوا عمو تميم بيقعد معاي
ضحك طارق يقول : اي زين خل يقعد معاس
تبسم تميم يضمها ونطق : انفدا وجهتس انتي بس
نطقت ام طارق : لين حبيبي روحي صحي عمه عُلا
لين : اوكيه
طلعت لين مسرعه و طقت الباب على عُلا و لاحظت عدم ردها ، دخلت و شغلت الضوء عليها و نطقت : عمههه ي عمه قووميي
فزت عُلا تقول : يمه وشو
ضحكت لين تقول : جده تقول قومي يلا
عُلا : يليل يعني محد ينام بذا البيت
نطت لين بالسرير عند عُلا و نطقت : لا محد ينام يلا قومي سوفي ماما ساطره قامت
انفجرت عُلا تضحك و نطقت : ياخي ي لنو طيرتي ابو النوم خلاص بقوم يلا
لين : اوكيه خلصي و تعالي تحت
عُلا : من عيوني
نزلت لين للاسفل و نطقت : جده قلت لها قالت بقوم
تبسمت ام طارق وقالت : شاطره انتي
نطق تميم : يمه إذا عُلا قامت خلها تجهز لي كوب شاهي انا بقعد ب المجلس
نطقت لين : وانا بعد خليها تسوي لي
انفجروا يضحكون و نطق تميم : يالين وش هالحركات
ضحكت تقول : اقلدك
ضحك يقول : يمه والله هذي لسانها صار طويل
ام طارق : يازينس بس من عيوني اخليها تسوي لس
لين : و عمو بعد
ضحكت تقول : ان شاء الله و عمو بعد
تبسم تميم و نطق : يلا مشينا ننتظر الشاي يجي
لين بحماس : يلااا مشششييناا ههههههههه
دخلوا تميم و لين للمجلس ، و بعد دقايق نزلوا الجود و عُلا مع بعض ، نطقت الجود : صباح الخير
نطقت ام طارق : صباح النور ياهلا ب بناتي
تبسموا ينطقون : هلا فيتس
نطقت ام طارق : عُلا قومي جهزي ل اخوتس كوب شاي و سوي ل لنو معاه
قطبت الجود حاجبها وقالت : اما عاد لنو تبي شاي ؟
ضحكت ام طارق وقالت : اي والله و قاعده مع تميم
زفرت عُلا تقول : يليل ذا م صدقنا نفتك منه ورا م يروح دوامه
ام طارق : بس عاد امشي بسرعه
الجود : عادي انا بقوم اجهز لهم مو مشكله
نطقت عُلا : هههاههاي ضحكتيني انا اقول اهجدي مكانس بس
الجود : يوه طيب بساعدس ياخي لا تخلوني كذا
عُلا : طيب يلا مشينا تساعديني بس ! و شوي !
ضحكت تقول : حاضر
-
بـ السياره عند قاعَد و عقاب ، وقف قاعَد عند أقرب مكان ياخذون لهم قهوه ، نطق عقاب : لو خذينا من الشركه ابرك
قاعَد : يليل اشرب ونت ساكت
عقاب : اقول بس
قاعَد : والله يندم الي يطلع معاك
نطق يقول : امش امش بس كمل طريقك
قاعَد : البيت ولا الشركه ؟
ضحك وقال : شرايك ؟
قاعَد : عاد انا اشوف ان الافضل لي و لك يعني البيت اكيد
عقاب : اي م عليك مو شي جديد
قاعَد : ها شقلت
عقاب : يلا طيب عاد هو من الأساس اليوم مالي خلق اسوي شي ابد
قاعَد : كلنا يبوي
عقاب : اجل مشينا عالبيت خلنا نصدمهم شوي
ضحك يقول : قدام
-
يُتبع
-
( اهلا اهلا ، والله ادري قطعت و سحبت ومقصره معاكم مره و قصرت بعد بهالبارت جدا 😢😢 ، والله الدراسه اشغلتني م عندي وقت افتح جوالي و اكتب لكم أطول من كذا قاعده احاول بقدر المستطاع اني اخلي البارتات أطول من كذا لان صدق هذا م يوفي دعمكم الحلو ❤️❤️. اعذروني و بأذن الله تعالى بحاول ارجع بقوه إذا فضيت اتمنى عجبكم البارت ولا تنسون النجمه 🌷🌷.)
أنت تقرأ
مالوّم قلبيِ يوم تولع في ههواكِ ، مَحّلاه وصّفِك يحرِك خافقي كُله
Romanceرِواية : مالوّم قلبيِ يوم تولع في ههواكِ مَحّلاه وصّفِك يحرِك خافقي كُله - ثالِث رواية لي قريبا بإذن الله تعالى 🤩!! كَاتِبتكُم الجميلة : رهف القحطاني ✍🏻.
