مالوّم قلبيِ يوم تولع في ههواكِ ، مَحّلاه وصّفِك يحرِك خافقي كُله

~ 25 ~

في قصر آل حمد ، تحديدا بـ جناح ام عقاب ، دخل عقاب و تقدم يقعد امام امه و ابوه و نطق : يبه
نطق ابو عقاب : هاه
ابو عقاب : لحظه انت م وراك شركه الحين !
عقاب : يبه توني جيت خلصت من كم شغله
ابو عقاب : طيب شتبي
عقاب : ناوي اقولكم عن شي
ام عقاب : وشهو
عقاب : انا ناوي اتزوج ! و ابي اتقدم للبنت خلاص
تبسمت ام عقاب و نطقت : انت صادق ؟ منهي ذي
عقاب بهدوء : يبه م علمت امي ؟
ابو عقاب : لا والله علمها انت
ام عقاب : منهي بنته !
ابو عقاب : ولدتس حب له وحده بالشركه من جماعة آل جراح
شهقت ام عقاب بصدمه تنطق : وشنهووو !!! ي عقاب صادق الي يقوله أبوك ؟
عقاب : ايه يمه صادق
ام عقاب ب عصبيه : و بنات عمك م ملوا عينك ؟ رحت وديتنا صوب آل جراح ! مو شايف فرق الطبقات بيننا
نطق عقاب بـ حده : اول شي ، ان كانت من آل حمد او غيره ذا الشي مايهمني ، البنت خُلق و أخلاق ! و محترمه و بنت ناس و كامله و الكامل الله ، وانا الي بتزوجها مب انتم عشان تختارون لي فهمتوا ؟
ام عقاب : اجل ليه جاي تعلمني انك بتتقدم لها ها ؟
اخذ له نفس و نطق : يمه لا تكبرين الموضوع انا ابي البنت و شاريها ! ابيها زوجه لي و ام لعيالي 
ام عقاب : سهم بتكلم ولدك ولا ؟
ابو عقاب : الله يهديتس انتي بعد حكمتي على البنت كذا ؟ شوفيها و اعرفيها ثم احكمي عليها
اخذت ام عقاب نفس وقالت : جيبوا لي رقم امها طيب و نعلمهم اننا جايين نطلب البنت
عقاب : طيب ..
طلع عقاب و نزل مسرع يركب سيارته و اتجه طيران للشركه ، و بعد ماوصل دخل للـ شركه و اتجه لـ مكتبه ، رفع الهاتف يدق على السكرتيره ( ميار ) ، و سرعان ماوصلت ميار الي تحاول تلقط انفاسها ، نطق عقاب بصدمه وقال : وش فيتس كذا !
ميار : معليش استاذ عقاب تأخرت ؟
عقاب : لا ، م يحتاج تركضين و العجله تعالي على مهلتس والله م راح اكلكم
ميار : ان شاء الله ، أمرني
عقاب : نادي لي عهد
قطبت حاجبها وقالت : عهد ؟
عقاب : ايه الاستاذه عهد ؟؟
ميار : اهااا تمام الحين طيران اناديها
طلعت و ضحك يكمل شغله ، اخذ دقايق الين ما جت عهد الي دخلت وقالت : السلام عليكم .
تبسم يقول : عليكم السلام
عهد : ايوا عفوا استاذ عقاب تبي شي ؟
عقاب : اما عاد عهد اختي ! تقول استاذ عقاب
عهد وهي تحاول تصمل على الرسميه : تبي شي ؟
عقاب : ايه ي استاذه عهد
تبسمت وقالت : تفضل ؟
عقاب : تكفين ياعهد طلبتس وانا اخوووس
وقفت وقالت : ابشرر وانا بنت ابوي
انفجر يضحك وقال : تبشرين بالجنه يابعدي
عهد : شعندك ؟
عقاب : ابيتس تروحين ل وهج و تاخذين منها رقم امها
عهد : وليه ان شاء الله
عقاب : وليه بعد هاه ؟ بخطب البنت
شهقت عهد بصدمه و نطت تقول : امانننهههه
عقاب : وانتي بعد مع امي ؟
عهد : لا تقول امي مب راضيه
عقاب : اي والله مب راضيه
عهد : شدعوه حليلها البنيه تهبل والله
عقاب : اقنعي امي يابنت 
عهد : ازهلني ، و رقم امها اعتبره وصلك
عقاب ابتسم يقول : ياخيي عهد جعلني مانحرم منتس
وقت عهد عند الباب لأجل تنحاش و نطقت بصوت عالي : وقت المصالح تجيك الكلاب تنابح
فتح عيونه بصدمه يضحك و نطق : شقلة الادب هذي !
-
و بـوسط الصحراء ، مع نسيم الليل و الأجواء ، وصل جراح و نزل من سيارته و نزلوا وراه الماس و وهج ، نطت وهج عندهم وقالت : هااايي
نايف : وعليكم السلام
شمقت بعيونها له وقالت : كنت بسلم
نايف : ايه واضح
ضحك جراح وقال : تبي تنكد عليها هاه
وهج : شفتتت
الدانه : اخيرا عاد جيتوا طولتوا
وهج : اهخخ على ما قنعت المدير و رجعت ابدل و انتظرت لموس و أشياء كثييررره
ام جراح : والله من زمان م تجمعنا
الدانه : انشهد يازين هالجمعات
وهج : يلا نيوف و جراح حبايبي اذلفوا على جمب خلونا جلسة بنات لحالنا
جراح : ايه الحين اذلفوا ، امش بس نيوف
ضحك نايف و قام ياخذ الكرسي حقه و يقعدون على جمب هو و جراح ..
نطقت ام جراح : الماس يابنتي جراح يقول كنتي تعبانه عسى صرتي بخير ؟ وش جاتس
الماس : والله كله خير الحمد لله بس الم بسيط و كلها طبيعيه مع الحمل ماتضر
ام جراح : يلا الحمد لله
وهج : يووه ياارب يارب يارب ولد
ضحكت الماس وقالت : تخيلي بنت
الدانه : انا ابيها بنوته ! و تسمينها على اسمي
الماس : اقول اذلفي
وهج : ايه اجل وشو بعد على اسم امتس هذا الي ناقص ولد و سميناه رعد البنت حنا نسميها
الماس : خلاص رعد ثبتنا عليه إذا بنت بنفكر بعدين
الدانه : فكري لحين وش بعدين
انفجرت تضحك وقالت : دنو باقي بعدني بالشهر الأول مستعجله ليش !
وهج : الاخت متحمسه اكثر منتس
الدانه : م علينا عاد احس بيجي رعد شبيه جراح
وهج : لا ان شاء الله احلى
ضربتها الماس على كتفها بخفه وقالت : شفيه جراح فديته جمال و ذرابه و ثقل مافي زيه
ضحكت تقول بصوت عالي : جررااح اسمع زووجتككك
لف عليها وقال : وشهو ؟
الماس وهي تقرص وهج ، نطقت وهج بعناد : تمدح فيك يحياتي تقول جميييل و وسييم و بعد تقول فديته !
ضحك جراح ونطق من بعيد : انفداس والله الزين كله عندس يابعد جراح
حطت يدينها على وجهها بـ احراج وقالت : وهج لييشش اهه يربي
ضحكت ام جراح وقالت : محد غريب يابنتي الله يخليكم ل بعض
الدانه : صادقه امي اهلتس حنا لا تستحين
الماس : اص اص م تعودت كذا قدام احد يمدحني
وهج : تعودي ياحبيبتي
و كملوا سوالف و ضحك بينهم ..
-
فـ المستشفى تحديداََ ، بـ مكتب سطّام الي كان قاعد مع هياء و يسولفون ، نطقت هياء : عاد والله خلوا الزواج بعد شهر ! ترا مسرع م بنلحق نخلص شي
سطّام : وشوله الخساير انا ابيتس انتي ليه العرس و التعب كله
هياء : بذبحك ترا وش الي خساير الحمد لله عندنا خير و بنسوي افخم عرس بعد
سطّام : و يحطون اسمتس جمب اسمي شرايتس بعد
ضحكت تقول : الله ! والله فخااامه سطّام و هياء !! اويليي بسس
تبسم وهو يشوف تضاحيكها و نطق : انتي شفتي قاعَد و رهف ؟ والله ذول الاثنين يحسبون محد درا عنهم
انفجرت تضحك وقالت : اهخ تكفى مسكينه رهف خفيفه هالبنت والله يوم تشوفه يطير حسهااا
سطّام : نزوجهم و يصير عرسنا واحد
هياء : الله ! والله ذكي انت
سطّام : اي ادري عبالتس وشو
هياء : يع يع يصدق نفسه الحين
قاطعهم صوت الاء الي دخلت و ماسكه كوبين قهوه و نطقت : ااء معليش احسبك لحالك ..
هياء : لا حبيبتي تعالي شتبين ؟ مهو لحاله ولا بيصير لحاله
الاء : مابي شي ، تفضل دكتور سطّام
تقدمت هياء و سحبت كوب القهوه من يدها و أشرت لها على الباب بمعنى ( اطلعي برا ) ، طلعت بقرف و قفلت هياء الباب بقوه و ناظرت سطّام و نطقت بصوت عالي : اههههخخخ بذبحححهاااا ي سطّام امسكنيي
انفجر يضحك و قرب يخليها تقعد ونطق : شهيق زفير
هياء : مابي مابي هذي ب تقهرني تعبت منها تبي تأخذك مني
سطّام : هيون ؟ وش الي بتاخذك مني انا مالي غيرتس وانتي تدرين
هياء : سطّام م تشوف حركاتها ذي حاطتك براسها خلاص
سطّام : خلها تولي
هياء : ارجع للشركه ياخي خلاص لا تقعد هنا
سطّام : افا افا صدق ؟ هذا كله عشان الاء ؟
هياء : ايه ايه انا م اتحمل هذا كله لو تحبني صدق اذلف للشركه ارجع ل شغلك هناك خلاص
تبسم يقول : بس ؟ انتي لو تبين عيوني فدا
تبسمت تضمه بقوه و نطقت : احبك احبك لا تزعل مني ياخي
ضحك يقول : وهو من يزعل من هيون ؟
و قعدوا يكملون سوالفهم بين هالاجوواااء الرومنسيه و انتقل كل واحد لـ مكتبه يكمل شغله
-
بـ الشركه تحديدا ، دخلت عهد لعند ميار و نطقت : عفوا تعالي شوي
تقدمت ميار و نطقت : تفضلي ؟
عهد : تعرفين الاستاذه وهج ؟
ميار : ايوا
عهد : انا اشوفتس واجد تقعدين معها ، بسألتس تعرفين احد من خوياتها قريب منها مره ؟
حكت شعرها تحاول تتذكر و نطقت : الصراحه م ادري بس كأنها تكرر اسم نهى كثير ف اتوقع هي
عهد : اي والله نهى ! ياخي شكرا فديتس
ضحكت ميار و نطقت : فدا
ركضت عهد لـ عند نهى و نطقت : نوونيي
فزت نهى و نطقت : يمه وشو
عهد : عندس رقم ام وهج
نهى وهي تتذكر : اتوقع ايه ليه
عهد : ارسليه لي حالا ضروري بسرعه
نهى : تم بس ليييه
عهد : انتي ارسلي و بعدين اعلمتس السالفه كلها
ارسلت نهى لـ عهد الرقم و ركضت عهد لـ عند عقاب و نطقت : عوووعوو
عقاب : شهاللقب
عهد : م عجبك ؟
عقاب : لا
عهد : اجل احلم ب رقم ام وهج
فز و نطق : يبوي وين احلى من هاللقب اصلا
ضحكت وقالت : شاطر ، برسلك ياه طيب ؟
عقاب : تمام شكرا
عهد : العفو
-
اليوم الثاني ، صـباح جديد مليئ بـ المفاجأت الجميله ، فـ بيت ابو جراح تحديداََ ، فزت وهج من صوت امها الي تناديها ، اخذت الجوال تشوف الساعه كم و صارخت تقول : الشركه الشركه يويلي من عقااابب
قاطعها صوت امها الي قالت : ووشووو شركه مافيه شركه اليوم
وهج : ها ؟ يمه شفيتس
ام جراح : دقوا علي ناس اليوم يبون يطلبون يدس
مسكت على قلبها بصدمه وقالت : من..منهووو  ؟؟؟
ام جراح : بتعرفينهم إذا جو ، قومي الحين صحصحي و انزلي تحت افطري و بنطلع نشتري لس شي تلبسينه
وهج بتوتر : تمام
-
يُتبع
-
( اهلا اهلا بـ شيوووخ قلبييي ، والله اسفه و اسفه جدا على القطعه بس والله هالفتره تعبانه مره و بالعافيه كتبت البارت ذا ، اعتذر من الأخطاء الإملائية و القصور ف البارت لانه قصير كالعاده ، بعوضكم بـ البارت الجديد أفضل و أفضل ، اضغظوا على النجمه لأجل نكمل سوا ، احبكم 🤍🤍🤍-)