للتذكير البارت الي قبل ..
ناظرها وقال : الحين كفو هاه الحين
ضحكوا كلهم وقالت حور : بس بس عاد ، وقف خذ لنا قهوه
تميم : طيب طيب
لين : وانا بعد ابي وس ذا
تميم بحنيه : وس ذا ! ي دنياي ذا مب زين عشانس انتي باخذ لس شي ثاني من البقاله شرايس
لين : اوكيه
ابتسمت عُلا وقالت : امووتت ع الي يسمعون الكلام
ابتسمت لين وقالت : عمو بابا م راح يهاوسني بعدين عسان طولنا ؟
ضحك تميم وقال : لا م راح يهاوسك
حور : ي لييني حبيبي م راح نطول هذا بنخلص و بنروح
لين : اوكيه
-
عند جراح و الماس ..
طالعين يتمشون و قاطعهم اتصال من جوال جراح ، فز يناظر الاسم و كانت هُيام ، ناظرته الماس وقالت : الين متى وهم يدقون يعني ! م يدرون انك مسافر
جراح : اصبري بشوف وش فيها
رفع جواله و رد السلام عليها : عليكم السلام ، هلا والله هُيام عسى م شر ؟
هُيام : مو شر ، بس بنقولك يعني اننا بنبدا المهمه انت مطول ولا ؟
جراح : كم يوم و جايين أبدوا انتم عادي
هُيام : ااء ، هو انا عادي عندي بس الي هنا مو راضيين يقولون لازم انت تكون معانا بما انك النقيب
جراح : يليل ، طيب نشوف كيف بعدين
هُيام : تمام ، بحفظ الله
قفل جراح و قالت الماس : ها شصار
جراح : ابد م عليتس انتي كله عن الشغل
الماس : شفيه الشغل ؟
جراح : يبوني ارجع عشان نبدأ المهمه و من ذا الكلام لا تشغلين بالس انتي
ابتسمت بهدوء وقالت : طيب
-
بـ الشركه تحديداََ
دخلت رهف تمشي فـ ارجاء الشركه ، صادفت السكرتيره وقالت : عفوا ، ممكن شوي
فزت السكرتيره وعد وقالت : أمري ؟
حكت شعرها تفكر وقالت : ااء وين مكتب قاعَد ؟
السكرتيره : امشي معاي هناك ..
رهف : طيب
مشوا متجهين للـ مكتب ، دخلوا وعد و رهف لعند قاعَد و نطق بـ عصبيه : نعم ي وعد نعم
وعد : فيه ضيـ..فه
قاعَد : مشغول م تشوفين انتي ! و الضيوف يجون كذا ف اي وقت وش
انصدمت رهف من ردة فعله وقالت لـ وعد : خلاص خلاص اتركيه
وخرت وعد تبي تطلع و لمح قاعَد رهف الي كانت واقفه وراء وعد و مشت بهدوء وقف وقال : لحظه وعد .. من هي أو هو الضيف ؟
وعد : اظن اسمها رهف ذيك الي تجي مع نهى و عهد
قعد و حط يده على راسه وقال : ي الله !! طيب خلاص تقدرين تروحين
طلعت وعد و كان قاعَد يفكر بينه و بين نفسه هل معقوله سمعت كلامه ؟ و ليه جت !
مشت رهف متجهه لعند عهد و نهى وقالت : بنوتااتت
فزت نهى وقالت : هلاا والله رهوفيي
ابتسمت و جلست تقول : ها كيف الشغل معكم ؟
عهد : والله الحمد لله نسلي نفسنا شوي ابرك من قعدة البيت وربي
نهى : نااقصنااا انتي
ضحكت وقالت : لا تكفين مو ناقصه بعد اشتغل هنا
عهد : ايه ، ليه جيتي صار شي ؟
رهف : لا م صار شي ، كنت ابي اكلم قاعَد و طلع مشغول ف قلت امر اشوفكم و بطلع اساسا
نهى ناظرت عهد وقالت : الي بالي بالس ؟
ضحكت عهد وقالت : تممم
رهف : هييه خير شسالفه حسيت نفسي طرف ثالث
نهى : احم بنطلع معاس
رهف : و عمي سهم بيوافق تطلعون ؟
عهد : خليها علي اعرف أقنعه ، بس يمكن عقاب الي يرفض عاد هو عنده ب الشغل نمشي سيدا
ضحكت رهف وقالت : تشوفين ما شاء الله عليه
نهى : طيب شرايكم ناخذ وهج معانا حرام نخليها
رهف : اي طيب مو مشكله محد غريب
نهى : تممم و تم
رهف : مشينا نقول لها
مشوا بـ مكتب وهج و دخلوا كلهم سوا ، ابتسمت وهج و نطقت : اووه هلا والله بنوتات
نهى : هلا فيسس يعيوني
وهج : عسى م شر
رهف : بنطلع و يبون ياخذونس معانا
وهج : متى !
نهى : الحيين تكفين
وهج : يوه نهى والله ودي بس وراي شغل واااجد و اساسا المدير عقاب م راح يرضى لان صارلي يومين تقريبا مب مداومه و تراكم علي الشغل
عهد : افف ، امشي انا بقنع عقاب غصب
وهج بتوتر : لااا ي امي المره الجايه خليها الحين يحسبني جايه العب مب اشتغل
عهد : ي بنت امشي قدامي بس خير حنا بنطلع م راح نتركس كلها فره فرتين و جايين
وهج : يووه مالي دخل إذا المدير قال شي !
ضحكت عهد وقالت : م عليتس اخوي اعرف أقنعه
وهج حكت شعرها وقالت : ااء خلاص طيب
انفجروا ضحك و مشوا سوا لـ مكتب عقاب ، دخلوا مع بعض قطب حاجبه وقال : وشو ؟
عهد : عقاب عادي نطلع مع رهوف فره تكفى
عقاب : وش فره وش الشغل !
عهد بـ براءه : عقاابب
عقاب بحده : مافيه
وهج : بنات خلاص عادي
نهى : عقاب والله م بنطول ترا
اخذ نفس وقال : طيب ، وهج مب معاكم بتقعد
عهد : وي ليش نبيها حناا
عقاب : اكنسل ؟
وهج : لاا خلاص خلهم يروحون مو مشكله بقعد انا
عقاب : اي زين الله معكم
طلعوا البنات و طلعت وهج وهي تقول بهمس : وع
اما عند عقاب ، نطق قبل لا تطلع وقال : وهج
فزت وقالت : نعم ؟
عقاب : اسمعي ترا م قلت م بتطلعين عشان اقهرتس او شي لا والله بس تر..ا
قاطعته وهي تقول : ادري ، م يحتاج تكمل و عادي م صار شي
عقاب : طيب ، تقدرين تكملين شغلتس
-
فـ المستشفى تحديداََ ، طلع سطّام للـ دور الثاني ، صادف الاء الي قالت : اووه دكتور سطّام ! م شفناك اليوم
ضحك وقال : الشغل والله شنسوي
الاء : قهوه ؟
سطّام : لا والله رايح شوي بشوف الدكتوره هياء
زفرت وقالت : طيب
انسحب و اتجه لـ مكتب هياء ، طق الباب و فتحه و ابتسم وهو يشوفها تسولف مع عُلا وقال : السلام عليكم
ردوا بصوت واحد : عليكم السلام و الرحمه
عُلا : عاد انا استأذن وراي شغل
طلعت عُلا و دخل سطّام و قعد قدامها بـ الكرسي وقال : ها قالوا لي موافقه !
ابتسمت وقالت : ايه وش متوقع برفض و اخليك لغيري ؟
ضحك وقال : ومن قال اني لغيرتس منتي حق غيري ولا انا حق غيرتس جعلني فدوتس
ابتسمت بخجل وقالت : يحبيبي والله ، بعدين وينك مختفي ادور عليك من اليوم
سطّام : والله الشغل عاد اخلص من احد يجي الثاني توني خلصت
هياء : اهاا
سطّام : جايين نتمم عقد القران حقنا !
ابتسمت وقالت : متى ؟
سطّام : بكره ان شاء الله ، و بعدها نتكلم متى يكون الزواج و غيره .. و تصيرين حلالي !
ضحكت وقالت : ان شاء الله كل خير
ابتسم وقال : م بطول عليس إذا تبين شي تدلين مكتبي م يحتاج
ابتسمت وقالت : تمام ..
-
فـ بيت ابو جراح
نزل نايف وقال : يمه انا بروح الاسطبل
ام جراح : الاسطبل ؟ شعندك هناك ي وليدي
نايف : جراح موصيني اشيك عى خيله و خيل الماس
ام جراح : زين خذ معاك اختك تغير جو
الدانه : ايه تكفى تكفى ابي اركب وهاج بخاطري
ضحك وقال : مشينا ، يمه م تبين تجين تشوفين
ام جراح : لا لا روحوا انتم
نايف : تمام
ام جراح : استودعتكم الله ..
مشوا يركبون للـ سياره وقالت الدانه : نيوف جراح وراه م يتصل علينا يسأل مختفي اخاف صار شي
نايف : بسم الله عليهم ، م صار شي هو داق علي اليوم و الرجال منشغل مع زوجته اكيد ..
الدانه : و بعد صح ، المهم بركب خيله عااد
ضحك وقال : يصير خير ان شاء الله
الدانه : عاد م اسامح مسميه وهاج يعني قريب على وهج وكذا خير
نايف : عادي عادي
الدانه : م دريت ب زوجة عمي ام عباس ! تخيل سافروا
شهق وقال : أحلفي و متى وليشش
الدانه : م ادري م قالوا لنا ليش
نايف : غاب الشر نحمد الله
ضحكت وقالت : اي والله بس صدقني وراها شي
نايف : الله يستر بس
-
فـ ارجاء قصر آل حمد ، تحديدا في جناح ام تركي ، نطقت وقالت : ي عادل بكره رح يكون عقد قران باسم سطّام و هياء ..
ابو تركي : بأذن الله ، وين بناتس انتي ؟
ام تركي : نهى عندها شغل بـ الشركه
ابو تركي : اي والله اني نسيت
ام تركي : و رهف راحت تمر عليهم
ابو تركي : اها اي زين .. الا بقولتس ورا عيالتس محد فيهم يبي يعرس الا سطّام ! وين تركي دوري له بنت الحلال
ضحكت وهي تقول : موجود ولدك روح قوله م يبي هو رافض فكرة الزواج
ابو تركي رفع جواله يدق عليه لأجل يطلع و سرعان م رد عليه : ي تركي
رد تركي : سم يبه؟
ابو تركي : تعال فوق الجناح حقنا
تركي : جايك
طلع تركي مسرع و دخل عليهم ، تقدم و قعد يقول : عسى م شر
ابو تركي : الحين اخوك لقى له بنت الحلال
تركي بـ تعجب : طيب !
ابو تركي : وانت متى ؟ م تبي امك تدور لك وحده نبي نفرح فيك ي ولدي
تركي : يليل ، يبه تكفى خلها بعدين
ابو تركي : وش بعدين ! مهوب لعب ذا ، فكر فكر
تركي : ان شاء الله كل خير ..
طلع ابو تركي وقالت ام تركي : تروك ي الوسخ ، شف بنت عمك عهد ! وش زينها تبارك الرحمن
تركي بصدمه : وش عهد يمه استهدي بالله ! يمه البنت باقي صغيره شوفي الفرق بيني و بينها
ام تركي : وش فرقه هي كلها سبع سنوات بينكم
تركي : لا لا يمه مابيها خل البنت تكمل شغلها و حياتها لا تنشغل فـ الزواج و مدري وش
زفرت ام تركي وقالت : طيب بكيفك خلاص
ضحك وقال : وش ذي الحركات يمه ، نلقى غيرها مو مشكله
ام تركي : طيب طيب .
-
تحديدا فـ الاسطبل ، نزلوا نايف و الدانه متجهين لـ عند الخيول ، عرفه الحارس وقال : عفوا اخوي ، انت اخو الخيّال جراح ؟
ابتسم وقال : ايه
الحارس : الي معاك ؟ معليش ع الأسأله بس م نقدر ندخل اي احد ..
نايف : انا نايف اخوه وذي اختي او بـ الاصح اختنا .
الحارس : تفضلوا
مشوا متجهين بتجولون عند الخيول ، تطمنوا على خيل الماس و تقدموا صوب خيل جراح ، ابتسمت الدانه بحماس وقالت : تكفى نيووف
ضحك وقال : طيب اصبري نطلعه
طلعوه و اتجهوا إلى ساحه فارغه مابها احد لأجل ياخذون راحتهم ، ركبت الدانه فوق وهاج و بدأ يمشي فيها بهدوء ، ابتسمت وقالت : الله ي الشعور
ابتسم وهو يشوف ابتسامتها ، يحب يشوف فرحة خواته بعيونه ، نطق : انتبهي انتبهي بس
ضحكت وقالت : تبي تجرب
نايف : لا وين كملي انتي
-
يُتبع
-
( اعذروني ع القصور و الأخطاء الإملائية ، قراءه ممتعه ♥️♥️.
أنت تقرأ
مالوّم قلبيِ يوم تولع في ههواكِ ، مَحّلاه وصّفِك يحرِك خافقي كُله
Romanceرِواية : مالوّم قلبيِ يوم تولع في ههواكِ مَحّلاه وصّفِك يحرِك خافقي كُله - ثالِث رواية لي قريبا بإذن الله تعالى 🤩!! كَاتِبتكُم الجميلة : رهف القحطاني ✍🏻.
