مالوّم قلبيِ يوم تولع في ههواكِ ، مَحّلاه وصّفِك يحرِك خافقي كُله

~ 5 ~

للتذكير ..
طلع سطّام وقالت الاء : معليش ع الفضول بس وش تصيرون لـ الدكتور سطّام شفته خايف عليها واجد ؟ ذي زوجته ولا ايش
عقد قاعَد حواجبه وقال : زوجته ؟؟ منجدس انتي ذي اخته وانا ولد عمه
الاء بذهول : ونعم والله
قاعَد : م عليتس زود
الاء : انا بطلع إذا صار شي تقدرون تنادون اي احد برا
قاعَد : تمام ..
طلع سطّام لـ فوق و خلص شغله و دخل على مكتبه و دقايق دخلت عليه هياء ، لاحظت هدوءه وقالت : سطّام ؟ شصاير
رفع عيونه لها وقال : قاعَد و رهف تحت
قعدت هياء بـ الكرسي وقالت : قاعَد اخوي !
سطّام : ايه و رهف اختي
هياء : شفيهم بسم الله
سطّام : اخوس صدمها بالغلط و هالحين تحت مخدرينها
انصدمت هياء و نزلت لـ تحت مسرعه تشوف ....
اما عند جراح ، دخلت عليه الماس بما انه الكل منتظر برا خروجه ، جلست جمبه وقالت : يوجعك ؟
جراح : ابد لا
الماس بحده : اكيد !! قل الصدق
ضحك وهو يشوف خوفها عليه : مو واجد بعد شوي يروح لا تخافين
زفرت براحه وقالت : طيب ، تبي شي تشربه شي تأكله ؟
جراح : ايه مويه تكفين
قاطعهم دخول صفاء الي كانت تمثل خوفها على جراح وقالت : جراح يوجعك شي بسم الله عليك
جراح بـ استغراب : لا م عليتس
زفرت الماس وقالت بخفه : استغفرالله العظيم
لفت صفاء وقالت : عطيه مويه بسرعه ليه بطيئه !!!
جراح : شبلاتس ي صفاء ترا قاعده تصب م تشوفين
قربت الماس و قالت بحده : انا ادري بنفسي شجالسه اسوي مب انتي الي بتعلميني تفهمين لا تسوين خايفه عليه !
صفاء : نعم ي حبيبتي ؟؟؟ ترا ولد عمي طبيعي بخاف عليه
ضحكت الماس بـ استفزاز وقالت : أحلفي ؟ ولد عمس خطيبي لو م تدرين بذكرس بس ..
طلعت صفاء منقهره و أما عن الماس قالت الي كذلك طلعت متنرفزه من قُرب صفاء لـ جراح و كيف تبين نفسها طيبه وهي عكس ذلك .
-
اليوم الثاني .. فـ المستشفى ، تحديدا فـ غرفة رهف ، فز قاعَد على صوت صياحها وقال : بسم الله
ناظرت له رهف وقالت بصوت متذبذب : انا وش اسوي هنا
قرب منها قاعَد وقال : استهدي بالله ي رهف م صار شي شوي و تطلعين
طاحت دموعها وهي تشوف يدها الي ملفوف عليها وقالت : طيب من وش شصار !
مسك يدها بدون لايحس وقال : انا صدمتس بـ الطريق و هذاتس هنا وانا سبب كل ذا
رهف بصدمه : انت !
قاعَد : ايه انا ايه والله اني اسوق و الجوال بيدي وهذا الي صار
ناظرت على يده الي كانت فوق يدها و غمضت عيونها بتعب وقالت : ابي ارجع البيت الحين
قاعَد : ان شاء الله ارتاحي الحين و بترجعين م عليتس
قاطعهم دخول سطّام و هياء ، فزت رهف على صوت الباب و ناظرت سطّام الي قرب لها وقال : الحمد لله على السلامة يابوي انتي !
ابتسمت بحنيه وقالت : الله يسلمك
هياء : يوجعس شي ؟
رهف : لا ، تكفون ابي ارجع البيت
سطّام : خلاص طيب تقدرين تطلعين م فيتس شي الحمد لله ، انا باخذتس
قاعَد : ليه ي سطّام انا برجع البيت بعد باخذها معاي اقعد انت
رهف : اي عادي بروح مع قاعَد انت وراك شغل
زفر وقال : طيب وانتبه لها خل الجوال !
قاعَد بهدوء : ان شاء الله
-
فـ شركة A.H.C ، تحديدا ف مكتب عقاب ، رفع جواله يدق على قاعَد وقال : السلام
رد عليه قاعَد وقال : عليكم السلام
عقاب : وينك انت رحت ولا جيت
قاعَد : توني برجع للبيت و بجيك للشركه
عقاب : صار شي ؟
قاعَد : لاجيت اعلمك
عقاب : اي زين
-
اما عند جراح الي نزل للبيت و بدل ملابسه و كان يحاول يتوصل لـ الماس بس م كانت ترد عليه ، نزل للصاله و قال : يمه
ام جراح : ها يوليدي
جراح : بروح شوي و بجي بخلص لي شغله
ام جراح : ي وليدي توك طالع الله يهديك
جراح : يمه م بطول !
ام جراح : طيب الله يحفظك انتبه
ابتسم و طلع مسرع يركب للـ السياره و اتجه مسرع للـ اسطبل ، كان يدري ان الماس بتكون موجوده هناك ،
اما عند الماس الي نزلت للـ اسطبل ، ركبت لـ خيلها تبي تطلع كل طاقتها السلبيه ، تاخذ لها هواء ، كل تفكيرها بـ صفاء و جراح ، حطت خيلها على جمب وقالت بينها و بين نفسها : معقوله يكون جراح يحبها ؟ اهخ ي الماس لا تفكرين كذا
قعدت بهدوء تفكر بينها و بين نفسها ، قاطعها صوت جراح الي جاء من وراءها وقال : الماس
زفرت الماس بدون لاتعرف انه جراح و لا فكرت تناظر وراها وقالت : ترا شويات و بروح !
ابتسم وقعد جمبها بهدوء وقال : على وين ؟
فزت الماس بصدمه من شافته جمبها وقالت : انت شتسوي هنا !!! جراح مكانك البييت
جراح : وانتي ليه جايه هنا ؟
زفرت وقالت : بس كذا جيت
جراح : الحين صفاء الي مزعلتس علميني
الماس بحده : جراح ذي بذات لا تنطق اسمها عندي !
جراح : حاضر م طلبتي شي
الماس : الحين ارجع البيت إذا ممكن .
جراح : برجع بس م يعجبني اشوفتس زعلانه على شي م يسوا وانتي تدرين عن صفاء و أهلها وش يبون
حطت الماس عينها بعينه وقالت : طيب هي تحبك ! وشلون تبيني اشوف وحده تحب الرجال الي بيصير زوجي و تبيه لنفسها
جراح : ي امي انتي هي تحبني بس انا م احبها ! وليه اتقدم لس لو اني احبها فكري فيها
زفرت بهدوء وقالت : قفل الموضوع خلاص ، بروح انا
جراح : امشي معاي انا باخذتس للبيت
الماس : م يحتاج ترا السواق برا
جراح بحده : سواق وانا هنا ؟ شذا الكلام عيب عليتس
ضحكت بخفه وقالت : خلاص طيب هدي بالك
-
فـ شركة ~ A.H.C  ~
رفع عقاب جواله يدق على قاعَد وقال : ولد وينك انت
قاعَد : توني برجع للبيت شويات و بجي للشركه
عقاب : اي طيب ، صار شي ؟
قاعَد : لاجيت علمتك
عقاب : زين
..
فـ ارجاء قصر آل حمد .. تحديدا بعد م وصلوا رهف و قاعَد ، دخل قاعَد و نطق : السلام عليكم
ردوا بصوت واحد : عليكم السلام 
ام عقاب : بسم الله شفيكم كذا
قاعَد : اقعدوا انا بشرح لكم كلشي
قاطعهم دخول تركي الي دخل منصدم وقال : رهف !
بسم الله عليتس وش جاتس انتي وليه انا اخر من يدري
قاعَد : كل هذا صار امس وانا السبب
ام عقاب : يمه وليدي شقاعد تقول ليه انت السبب
ام تركي : من وش و شلون و ليش !!!!
قاعَد : صدمتها بالطريق و ثم دريت انها رهف و امسينا الليل ب المستشفى و اليوم طلعوها
تركي بحده : وانت م تعرف تسوق !
رهف بهدوء : تركي مافيني شي وبعدين م كان قصده خلاص عاد !
زفر بعصبيه ، و نطق قاعَد : المهم الحمد لله طلعت ب صحه و عافيه و م صار لها شي غير كسر بسيط فـ يدها
ام تركي : وانت جاك شي ؟
قاعَد بهدوء : ابد والله جروح بسيطه م يحتاج لها الخوف عينكم على رهف بس
ابتسمت بهدوء و قعدت على الكرسي وقالت : م عليك مافيني الا العافيه ان شاء الله
ام عقاب : و الحين يعني رايح للشركه !
قاعَد : ايه يمه بروح عقاب يبيني
زفرت بهدوء وقالت : و سيارتك ؟
تذكر أن سيارته صدم فيها و انعدمت من الامام وقال : يوه صح يمه تو اتذكر السياره
رهف : قاعَد ، إذا تبي سيارتي ترا عادي
قاعَد : سيارتس م جاها شي ؟
ضحكت وقالت : الا والله جاها بس مو زي سيارتك مره
قاعَد : اجل م اقول لا باخذها
ام عقاب : الحين بتروح ؟
قاعَد : لا يمه بطلع اخذ لي شاور سريع و بعدها بروح
ام عقاب : اي زين و تاكل لك شي
قاعَد : ابشري
~
طلع غرفته و اخذ له شور سريع ، ثم طلع و لبس له ثوب لونه اسود يبرز هيبته و طوله و عرضه ، رش عطره العود و لبس ساعته و تقدم يعدل نفسه ، طلع و اتجه إلى عند غرفة رهف طق الباب و سمع صوتها وهي تقول : مين ؟
قاعَد : انا انا قاعَد
فتحت الباب بهدوء و ارتخى قاعَد وهو يشوفها ببـجامة حرير لونها سُكري ، قاطعه صوت رهف : عسى م شر ؟
قاعَد : ابد بس جيت اشوفتس توجعتس يدس ؟
ابتسمت بهدوء وقالت : لا م عليك الحمد لله
قاعَد : اي زين بعد م تاكلين خذي علاجتس لا تنسين
رهف : ابشر ، وانت الجرح الي بـ رجلك عادي ؟
قاعَد : ايه م عليتس مب حاس فيه
رهف : صدق ؟ اكيد اكيد يعني
ضحك وقال : صدق صدق
ابتسمت بخفه وقالت : اي زين انتبه لنفسك
قاعَد : ان شاء الله
قفلت رهف الباب و نزل قاعَد يركب للـ سياره ، كل تفكيره فيها ! ، جمال رهف ، حنيتها ، برائتها ، طفولتها ، م كان متوقع بيوم رح يحس بشعور غريب و اتجاه رهف ! الي كان يشوفها مجرد اخت فقط ..
بعد وصوله للـ شركه ، دخل علطول عند عقاب وقال : السلام عليكم
عقاب : عليكم السلام م بغينا اخيرا جيت
قاعَد : تكفى عقاب والله صارت أشياء كثيره
عقاب : اسلم
قاعَد : بالأمس صدمت سياره وحده
عقاب : اما عاد
قاعَد : و تخيل من هي !
قطب عقاب حاجبه وقال : من
قاعَد : رهف بنت عمي عادل
وسع عقاب عيونه بصدمه وقال : أعوذ بالله ! و فيها شي
قاعَد : كسر فاليد بسيط يقولون عاد م ندري
عقاب : وانت ؟
قاعَد : م جاني شي
عقاب : كذوب ! اشوف مشيتك متغيره رجلك شفيها ؟
ضحك قاعَد وقال : الم بسيط م عليك
عقاب : الحمد لله على السلامة ، و ثاني مره انتبه
قاعَد : حاضر
-
( اهلا اهلا ، السموحه البارت قصير و اضطريت انزله عشان لا اسحب ، تفاعلوا عشان نكمل ❤️❤️. )