مالوّم قلبيِ يوم تولع في ههواكِ ، مَحّلاه وصّفِك يحرِك خافقي كُله

~ 1 ~

~ بداية جديده ~
مالوّم قلبيِ يوم تولع في ههواكِ
مَحّلاه وصّفِك يحرِك خافقي كُله
-
{ ثالث انطلاقه لي ، اللهم وفي بداية مرحلة جديدة لي ، أسألك أن تيسر لي جميع أمورها . }
انطلاقه خير بإذن الله ، ان شاء الله تنال اعجابكم 🤎.
مُحِبتكم و كاتبتكم : رهـَف القحطاني
-
-
صباح جديد مليء بـ الطاقه و الحماس ، متجمعين كلهم بـ الحوش بـ السوالف و الحوارات و النقاش
الجد علي : عقاب رح انت و قاعد اخوك جيبوا لنا الأغراض الناقصه !
ابو عقاب ( سهم ) : يبه هالحين ؟ خلهم انا بروح بعدين
قاعَد : يبه تروح وحنا هنا ليه ، حنا بنروح م عليك
الجده ساره : زين اي احد يروح مو مشكله
نزل عليهم ابو تركي ( عادل ) و ولده تركي : سلاام عليكم ي اهل البيت
ابتسمت الجده ساره وقالت : عليكم السلام ، أقعد
قرب تركي يبوس راس جدته وقال : شخبارتس ي جده
الجده ساره : بخير نفداك
عقاب : تركي و قاعَد شرايكم تروحون انتم ؟
تركي : ع وين
قاعَد : تعال انت ونا بعلمك بعدين
تركي : مشينا
دخل سطّام عليهم وقال : انتبهوا لكم .!
قاعَد : م عليك
-
عنـد البنات فـ الصاله
رهف : هيون وين ؟
عهد : بسابع نومه
ضحكت رهف وقالت : بعدها م صحت !
عهد : للأسف
نُهى : زين امشوا ل برا
رهف : مشينا
طلعوا البنات و شافوا الكل متجمع ب الجلسه ، تقدموا و جلسنا معهم و كانت علاقتهم مترابطه ف بعض جدا
عهد : السلام
ردوا بصوت واحد : عليكم السلام و الرحمه
الجده ساره : يهلا ب بناتي اجلسوا
جلسوا البنات وهم يستمعون لسوالفهم
الجد علي : هياء وين ؟
عقاب ضحك وقال : نايمه
دخلت عليهم هياء وهي تضحك : من قال اني نايمه
ابتسم سطّام وقال : ول ول شذا الروقان
ضربه عقاب ع كتفه : سطاموه لا تفضح نفسك انت و ابتسامتك الي شاقه وجهك
ضحك وقال بصوت خفيف : صدق واضح ؟
عقاب : ابد ، اهجد بس
دخلوا تركي و قاعَد وقال تركي : شرينا اغلب الأشياء خل احد ثاني يروح بعدين
ضحك الجد علي وقال : يصير خير اقعد بس
تركي بتعب : رهيف تكفين جيبي لي كوب مويه
رهف : خدامتك وشو
قامت عهد وهي تضحك : انا بجيب لكم قاعَد تبي ؟
ابتسم وقال : ايه بالله
عهد : زين
ابو عقاب : نبي شاي
الجد علي بحدة : هياء روحي جيبي الشاي
هياء : ان شاء الله
دخلت هياء للمطبخ تجهز الشاي و الاكواب ، دخلت بروقان و هي تغني :
" بس درب الحب شقاني "
" ياشقى ليلي و يا طوله "
" دارني ان كنت تهواني "
" ومن يحب انسان يصفو له "
" او تحدى وصد ونساني "
" شوف كان الأمر بسهوله "
" شووف كان الأمر بسهوله "
قاطعها دخول سطام الي هايم فيها و فـ صوتها ، انخرشت هياء وقالت : متى جيت بسم الله
ابتسم بخفه وقال : توي ليه ؟
زفرت براحه وقالت : اشوا
سطام : بس بقولتس ترا صوتس حلو هاه
فتحت عيونها بصدمه و ضحكت : ياكبدي ، سطام اذلف برا لا شافنا واحد من خواني وربي يذبحوني
ضحك وقال : ابشري م طلبتي شي
طلعت ومعاها الشاي والقهوه
و قربتها لهم ..
-
فـ بيت ابو جراح
وهج : يمه جراح وين ؟
ام جراح : طالع عنده دوام
الدانه : ليه شتبين منه
وهج : ابيه ينزلني عند البنات اف
ام جراح : حنا رايحين لهم ي بنتي
نطت بحماس : اماا
ام جراح : ايه ايه
وهج : طيبب علميني اذا رايحين عشان اجهز
ام جراح ضحكت وهي تشوف حماس وهج : زين يمه
-
فـ شركة ال حمد تحديدا ~ A.H.C ~
دخل عقاب بِـكل هيبته مع ابوه الي كان يدير الشركه
السكرتيره : استاذ عقاب
قاطعها وقال : فـ مكتبي ..
تقدم و دخل لـ مكتبه و دخلت وراءه وقالت : فيه اشخاص قدموا على الشركه يبون يتوظفون !
قطب حاجبه وقال : من ؟
مدت له الايباد الي كان فيه كلشي ، و موجوده فيه الاسامي : وهج بنت سالم ال جراح ، حامد بن محمد ال ناصر ؟ رفع انظاره للـ سكرتيره وقال : من ذول ؟
السكرتيره : والله ما ادري اعلم المدير سهم ؟
عقاب : لا لا ، انا بعلمه م يحتاج ، نادي لي قاعَد و سطام إذا موجودين !
السكرتيره : تمام
طلعت و اتجهت نحو مكتب قاعَد و م كان موجود ، و اتجهت لمكتب سطّام الي كان كل تركيزه بـ الشغل
دخلت بهدوء وقالت : استاذ سطا..م
قاطعها وقال : بعدين بعدين مشغول مره هالحين
ابتسمت بخفه وهي تشوفه مندمج وقالت : الاستاذ عقاب يبيك بـ مكتبه
رفع انظاره وقال : عقاب ؟ الله ب الخير ، زين جاي
طلع و اتجه مسرع لـ مكتب عقاب وقال : هاه عقابوه
عقاب : اقعد
جلس سطام وقال : عسى ما شر ؟
مد عقاب الايباد لـ سطام وقال : ذولا الاثنين مقدمين على الشركه يبون يتوظفون هنا و الاسامي غريبه علي عرفت احد فيهم ؟
سطام وهو يدقق على الاسامي حك شعره وقال : ال جراح ؟ والله مهب غريب علي
عقاب : فكر فكر
ضحك سطام وقال : امش علم عمي ؟ يمكن هو يعرف
عقاب : بعدين بعلمه م عليك ، قاعَد وين ؟
سطام : مدري عنه غريبه م جاء ؟
ضحك عقاب وقال : فال امها ذا يحسب انها شركة ابوه يعني يداوم وقت م يبي ؟
سطام : م عليك منه بيجي بيجي
عقاب : ايه زين
سطام : قهوه ؟
عقاب : قدام
-
فـ بيت ابو طارق
عائلة هادئه جدا ، معروفه بـ المنطقه الخاصه فيهم معروفين بطيبهم و اخلاقهم الرفيعه ، ابتسم طارق وهو يدخل مع زوجته الجود وهي ماسكه بنتهم ، ام طارق : يهلا و مسهلا
ابتسمت جود وقال : هلا فيتس يعمه
نزلت لين بنتهم بشويش وهي تتقدم لحضن تميم ابتسمت وقالت : عمووو
ضحك تميم بلطافه وقال : ياعييونه ي ليني
عُلا : افا !! وانا عمه مالي شي ؟
ضحكت لين بخفه وقالت : لاا عمو بس
ضحك تميم وهو يبوس راسها : يحلووههاا حبيبة عمهاا
ضحكت جود وقالت : لييونه روحي عند عمه عُلا يلا
لين هزت راسها بـ النفي وقالت : ماما ابغى عمو بس
طارق : خليها خليها ، بروح اخذ لي غفوه توصون ؟
ام طارق : لا نفداك رح نام
حور : خخيررر ان شاء الله ؟؟ اشوف لين صايره كلشوي عند تميمووه شعندك هاه ؟
رمت عُلا اقرب وساده جمبها على تميم ، و عبست لين بملامحها وقالت : جدده سسوففيي تضرب عمو !
ابتسمت حور بلطافه وقالت : واااه سوفيي لبى العصبيه
ضحكت جود وقالت : يماما شوفي مب سوفي
تميم : وخروا وخروا منها ، ليني نروح البقاله ؟
نطت وقالت : اييواااا
تميم : مشيناا
-
فـ شركة ~ A.H.C ~ تحديداََ ، عقاب الي قاعد يعلم ابوه عن الموظفين الي قدموا و يتناقشون حول الموضوع
ابو عقاب : زين عقاب اقبلهم خل نشوفهم بكره و نقرر ان شاء الله
سطام : أتفق مع عمي
ضحك ابو عقاب وقال : انت دايم مع عمك !
غمز له وقال : شدراك بس
لف عليهم قاعَد وقال : شدعوه يبه و سطاموه صايرين اخوياء من ورانا
ابو عقاب : زين م علينا عندي فكره ثانيه !
عقاب : اسلم
ابو عقاب : يوم انه الشركه شركتنا و مختلطه ليه م نخلي بناتنا يقدمون لها ؟
عقد قاعَد بحاجبه وقال : يبه وسط الرياجيل مستحيل !
ضحك وقال : بناتنا هم بناتي و بناتهم م اخترت لهم الا الزين ، و بعدين وين وسط الرياجيل ف مكتبهم قاعدين
سطام : والله مدري عنكم من تبون ؟
ابو عقاب : هياء و رهف ! لاحظت يحبون الشغل جدا
فتح سطام عيونه بصدمه مو مستعد يشوف هياء الي حبها من طفولته قاعده تشتغل وسط رياجيل و ف الشركه معاه ! ولا هو مستعد يشوف اخته بنفس الحاله : متأكد يعمي ؟ خلهم يمكن ف خاطرهم شي ثاني ؟
ابو عقاب : يصير خير بعدين نقرر ، المهم أقبلوا الي قدموا و بكره بنقول لهم اذا وافقنا او لا و ان شاء الله خير ، ابتسم سطام وقال : تبشرر
ضحك ابو عقاب و طلع
عقاب : شعنددكك انت شناوي عليه انت و ابوي
طاح يضحك وقال : شدخلك يلا بس دزها
قاعَد : يوه والله ف خاطري الحين انام نومه
دخلت عليهم السكرتيره الي قاطعت حديثهم وقالت : استاذ سطام ، هذي الأوراق لك إذا تقدر توقع عليهم ضروري ، مد سطام يده ياخذ الأوراق و وقع عليهم
عقاب : اسمعي الي قدموا على الشركه اقبليهم بكره بنشوفهم طيب ؟
ابتسمت بهدوء وقالت : ان شاء الله
قاعَد : ايه نكمل اقول ودي انام
ضحك سطام وقال : ليه انت متى داومت و كملت يومك زينا لازم تستأذن مستحيل م تقدر تقعد
قاعَد : وش اسوي ياخي
عقاب بحده : تداوم زيك زينا تفهم .!
ضحك قاعَد ب استفزاز وقال : يصير خير
-
فـ بيت ابو جراح
نطت وهج طايره تصارخ من الفرحه بعد م وصلها انه وافقوا على مقابلتها ، م تدري وش تسوي وين تروح ، نايف : بسم الله شفيتس
وهج : ققققبلوننييي
ام جراح بصدمه : مننهوو
وهج : ييمه الشركه الشركه الي قدمت عليها !! اكبر الشركات ي ويل حالي مستحيل ذا حلم ولا علم !!
نايف و الدانه بصوت واحد : ممببرووكك مبروككك
وهج بحنيه : الله يبارك ف عمركم ، يقولون بكره لازم اجي عشان يشوفوني و يعلموني كلشي و يقررون إذا رسميا بصير ف الشركه او لا
ام جراح ابتسمت و قربت تضم ريم بقوه : ياعيوني ي وهجّي مبروك ي امي انتي
ابتسمت تمسح دموع الفرح الي نزلت منها : يبارك فيتس يمه والله لولا الله ثم انتم م كنت بنقبل
نايف : ياعين ابويي انتي
ابتسمت بضيق من طرا لها ابوها وهي تتحلم انه يشوفها وهي توصل لهذا المستوى و يشوف بنته وهي ترفع راسهم و تحاول تسعد أهلها بكل م تقدر : نيوف بتوديينيي اخذ لي ملابس جديده تفهم !
ضحك و أشر على خشمه : على هالخشم
ابتسمت وقالت : عليه الشحم
-
فـ بيت الجد علي تحديدا بعد أذان المغرب
ابو عقاب : نادوا لي الكل بقولكم شي
ام عقاب : عسى خير ان شاء الله
..
نزلوا البنات و تقدموا للـ الصاله يقعدون ف الكراسي و قدامهم ابو عقاب
منصور : شصار ي عم ؟
ابو عقاب : شسمه هياء و رهف
فزوا وقالوا بصوت واحد : سم
ابو عقاب : ابيكم تقدمون على شركتنا دام فيها بنات و انا مدير الشركه م عليكم شي ان شاء الله ، طبعا مو غصب إذا تبون حياكم إذا م تبون الي يريحكم
فتحت هياء عيونها بصدمه و لفت على عقاب و سطام الي مو عاجبهم القرار ، زفرت وقالت : يبه انت تدري اني اشتغل دكتوره ليه اسحب على شي احبه عشان اجي الشركه ! انا مرتاحه بـ شغلي
سكتوا كلهم و عرفت من صمتهم انه مب عاجبهم كلامها
رهف : الصراحه ياعمي انا عندي طموحات و احلام ثانيه بس بفكر ان شاء الله و يصير خير
ابو عقاب : معاكم وقت فكروا و عطوني الكلمه
رهف : ابشر
طلع و جلسوا هم ب الصاله
رهف : شفيكم ؟
انسحب سطام الي قلبه مشتعل من داخله م يبي اخته و البنت الي يحبها يوافقون ، حست هياء انه فيه شي و انسحبت بهدوء و دخلت للمطبخ وراه وقالت بصوت خفيف : سطام
فز وقال وهو يستغفر : لبيه ؟
هياء : شفيك ؟ حسيت مو عاجبك كلام ابوي
سطام ضحك وقال : اجل بيعجبني ؟ اشوفتس ف شركه فيها رياجيل طالعين داخلين !
ابتسمت وهي تشوف غيرته الي واضحه فيه : طيب واذا فيها رياجيل ؟ دامك تدري اني لك و م فيه بقلبي غيرك ليه معصب الحين ؟ و بعدين من قال اني بترك شغلي عشان شركه م ابي انا
ارتعش قلبه وهو يسمعها و قرب لها بهدوء : ارفقي بقلبي اخلي ذا الزين كله يطلع للناس ! بعدين اصبري علي يمكن ارجع للـ طب م بخليتس ف حالتس
ضحكت وقالت : احلففف ، الله يونس بنصير سوا
ضحك وقال : ايه ايه ان شاء الله
ابتسمت وقالت : ان شاء الله كل خير
ابتسم يكسر عصبيته وقال : الله يصبر قلبي عليتس بس
، ضحكت و طلعت للصاله لعندهم و طلع وراها
عهد : اقول ترا وههج جايتناا مابي اشوفكم هنا
قطب قاعَد حاجبه وقال : من ذي بعد ، كليوم احد وشو
عهد : شعرفك فيها ذي وهج بنت سالم
قاعد : لحظه لحظه وهج بنت سالم ؟ كملي الاسم
عهد : وهج بنت سالم ال جراح ذا الي اعرفه
نط قاعَد للمجلس اول م طرا له اسمها
رهف : وجع وش يبي ف البنت ؟
ضحكت هياء وقالت : واي شدراني عاد اسأليه
رهف بصدمه : مو صاحيه قسم بالله
-
فـ المجلس
قاعَد : تذكروون البنت الي قدمت على الشركه ؟؟
سطام : ايه شفيها ؟
قاعَد : جايه ل بيتنا !! طلعت البنت خوية خواتنا جايه عشانهم
عقاب : متأكد انها هي ؟
قاعَد : يولد وهج سالم ال جراح هي !
عقاب : اي بالله
ضحك سطام وقال : م ظنتي انها تدري انها جايه ل بيت أصحاب الشركه
قاعَد : والله مدري بس م ظنتي بعد
عقاب : ثواني بس بسألهم
طلع عقاب و قال بنبره حاده : عهدد
نطت عهد وقالت : لبيه
ابتسم وقال : لبيتي في مُنى ، شسمه ذي وهج خويتس ؟
عهد يتعجب : ايه ليه ؟
عقاب : ابد بس لقيناها مقدمه على شركتنا
عهد : احلفف
عقاب : اي بالله ، تدري ان الشركه لنا ؟
هزت راسها ب النفي وقالت : لا م تدري
عقاب : ايه زين
-
فـ بيت ابو طارق
عُلا : جودي وين لين ؟
ضحكت جود وقالت : وين بعد عند تميم
حور : شعندهم ذول ؟ اشوفهم صايرين مع بعض مره
عُلا : اييه ناويين على شي
ضحكت جود وقالت : شدعوه عاد من زمان لين تحب تميم شسوي فيها
دخلت عليهم لين الي تخصرت وقالت : سفيه عمو تميم
انفجروا البنات ضحك من حركاتها وقالت حور : سفييه ي اميي انتيي سفييه
ضحكت عُلا وقالت : تعالي بقولتس شي
لين : ايش ؟
عُلا : علميني تميم وش مسوي عشان تصيرون كذا
لين : م سوا شي انا احب عمو مالس دخل
جود : ي مامي عيب عممه ذي م تقولين كذا !
لين : ماما سوفي تتكلم على عمو والله اعلمه
ضحكت عُلا : يقلبي ليونههه
طلعت لين للصاله و كانوا موجودين هناك
لين : بااباا
طارق : هاه ي ابوي شفيتس
لين : عمه عُلا تسب عمو تميم هاوسهاا
ضحكت ام طارق : وش سالفتها مع حرف السين
ضحك طارق وقال : وش اسوي فيها عاد
دخل تميم وقال : سمعت اسمي شعندكم
لين : عمووو ، عُلااا ضربتنيي
تميم : أووفف ، لييه شسويتي انتي
لين : م سويت سي هي م تبغاني اقعد معاك
ضحك تميم يرفعها ل حضنه قعد يقلدها ف الكلام و النطق : خلاص بهاوسهاا ولا يهمتسس ، تعالي شريت لسس لعببه
لين : الله اسووف
ضحك بلطافه وقال : سوفي سوفي هههههههههههههههههههههههههههههههههههههههههههههههههههههههههههههه
-
عنـد البنات تحديدا
عهد : ي اهلاا ب وههججناا
ابتسمت وهج وقالت : هلا فييتس يعيونيي
رهف : اقلطي
دخلت وهج بهدوء و تجمعوا ب الصاله الي فوق
نهى : ليه دنو م جاات
وهج : والله مشغوله مع امي
نهى : اها تمام
وهج بحماس : طيب بنااات تخيلوا انقبلت بـ اكبر الشركاتت
هياء : اي شركه ؟
وهج : معقوله م تعرفونها ؟
رهف : اسلمي وش هي
وهج : شركة A.H.C !! كيف م تعرفونهااا
ضحكت هياء بصدمه : لا لا عاد أحلفي بس ؟
وهج : شفيتس
هياء : بس ذي شركتنا !
وهج : كذابه شلون شركتكم ؟
رهف : وش الي شلون شركتكم
وهج : صدق ليه انا اخر من يعلم ، حييوانهه عهد م تعلمني ب شيي
ضحكت هياء وقالت : اهم شي دريتي الحين
وهج : والله مصدومه مو قادره استوعب ، يعني لحظه المدير سهم ابو هيياء و عهد ؟
عهد : بضبط و عم رهف و نُهى
وهج : وجع بنات يوم اني انقبلت ليه م تجون معاي نكون مع بعض ب الشركه
عهد : شلون اصارحتس ان ابوي كلم هيون و رهف على ذا الموضوع بس قاعدين يفكرون باقي
وهج : وافققواا تكفون
زفرت هياء وقالت : والله لو انه مب عندي شغل والله كنت بوافق
ضحكت رهف وقالت : والله نفس الحال مدري عمي شلون جت ذي الفكره ف باله
وهج : عاد حظظتس شركة عمسس تروحين و تجين ع كيفتس
عهد : لا يعيوني ابوي م عنده ذا النظام حق تروحين و تجين ع كيفتس ف الشغل شغل مافيه لف ودوران
وهج : ححلو
ضحكت هياء و قالت : ذا نظام قاعَد يحسب ان شركة ابوه يعني يداوم وقت م يبي
قطبت وهج حاجبها وقالت : مين قاعَد ؟
هياء : اخوي
وهج : اسمه غريب بس حلو
همست رهف ل عهد وقالت : شتبي ذي الحين ؟
ضحكت عهد بخفه وقالت : شفيتس شفيتس
نُهى : والله ي ان رهف و عهد عندهم شي ؟
عهد : وي نوني شفيتس انتي بعد
ضحكت نُهى وقالت : ابد سلامتس
وهج : و هيون و عهد شنو تشتغلون ؟
هياء : دكتوره طب جراحة العظام
عهد : بعدني والله بس ناويه اصير دكتوره مع هيااء
وهج : الله يوفقكم يارب
ردوا بصوت واحد : امين يارب العالمين
-
اليوم الثاني فـ بيت ابو جراح تحديداََ ، ام جراح بصوت عالي : جراح يمه وينك
نزل جراح وقال : لبيه
ام جراح : تعال اقعد هنا
قرب ينسدح وقال : يوه لو تدرين يمه والله هاليوم الشغل متععبب
ضحكت وقالت : الله يقويك
دخلت وهج و ضحك جراح يرحب فيها : هلا بالزيين هلا بقلب اخووهاا
شهقت وهج من شافت جراح بـ الصاله و صديقتها معاها وقفت وقالت : جرريييّح اذلفف للمجلس
ام جراح : وش بلاتس انتي
وهج : يمه المااس جتتت
ام جراح بصدمه : جراح يوليدي رح للمجلس
تجمد جراح من شاف الماس بـ كامل زينها و بياضها النااصع ، غض البصر و قام علطول للمجلس وهو يفكر فيها ، نايف الي كان بـ المجلس : جراحووه
فز وقال : لبيه ياخوك
نايف : وين حسك
ضحك بعدم اهميه وقال : ها ابد افكر ب الشغل
نايف : عليك ب القوه ياعسكريي
ضحك وقال : اسلممم
-
بـ الصاله تحديداََ
وهج : لموس تكفين والله مادريت انه موجود
الماس بعدم اهميه : يوه وهج عادي م صار شي
ام جراح : انا نسيت انتس جايه ولا م كنت بناديه يجي
ضحكت وهج وقالت : اييه انا ادري ان ذا الوقت جراح ياخذ له قيلوله
ام جراح : ايه ي بنتي انا ناديته يقعد معاي كان يسولف عن شغله ولاهو م يدري عن شي
ضحكت الماس وقالت : ابد يخاله بيته من حقه والله م صار شي
وهج : تعالي مشينا نروح غرفتي
الماس : ايه زين مشينا
-
فـ شركة ~ A.H.C ~ تحديداََ
طلع سطّام مستعجل وقال : عقااب
فز عقاب وقال : سم
سطّام : بروح للمستشفى وراي شغل
ضحك قاعَد وقال : الله يالدنيا سطاموه رجع ل شغله و سحب على الشركه
ضحك سطّام وقال : الغلا هناك
عقاب بحده وهو يدري وش يقصد : اعقب ونا اخوها ، استح على وجهك
ضحك وقال : ابد على خشمي
دخل ابو عقاب وقال : شجالسين تسوون انتم
قاعَد : ابد
دخلت السكرتيره مسرعه وقالت : استاذ عقاب ، قبلنا الموظفين و شفناهم و خلصنا و بكره رح يبدون
عقاب ناظر ابوه وقال : ها يبه زين ؟
ابو عقاب : ايه زين الله يوفقهم
-
فـ المستشفى تحديداََ
بـ غرفة هياء ، قاعده مع وحده من الدكتورات يسولفون ، الدكتوره عُلا : هياء تعالي نطلع نمشي شوي
هياء : اييه تكفين مشينا شوي قبل لا ينادينا الدكتور وائل
ضحكت عُلا وقالت : ايواا والله لو شافنا فاضيين م يخلينا بحالنا
طلعوا يتجولون بـ المستشفى ، نزلوا للدور الأول و لمحت عاليه مدير المستشفى الدكتور حسن شهقت وقالت : هيون روحييي لل طابق الثاني إذا طلع و م لقاتس يويلنا وانا رايحه اشوف شصاير
هياء : يويلي تمااام
مشت هياء تركض للدور الثاني و شافت الدكتور وائل قاعد بـ مكتبه عابس بـ ملامحه دخلت وقالت : دكتور ، عسى ما شر ليه منت تحت
الدكتور وائل : والله عندي مريض بين الحياه والموت
هياء : ي دكتور هذا قدر الله و ان شاء الله بيتشافى و بيطلع م فيه الا العافيه لا تخاف دام حنا معاك
ابتسم وقال : يعطيك العافيه
طلعت هياء تاخذ لها قهوه و شافت الكل راكضين لـ تحت بفرح قطبت حواجبها وقالت : الاء
فزت الطبيبه الاء وقالت : دكتوره هياء ؟ امريني
هياء : م يأمر عليتس عدو ولا ظالم ، شصاير تحت
الاء : معقوله م تعرفيين ، الدكتور سطّام بن عادل رجع
شهقت وقالت : كذااببه
الاء : والله
تركت القهوه تبي تنزل و م حست الا بيد الدكتور وائل وقالت : ايش فييي
الدكتور وائل : على وين
هياء : بنزل اشوف الدكتور سطّام
الدكتور وائل بقرف : وش تبين فيه ؟
فكت هياء يده و نزلت مسرعه و ابتسمت من شافت الكل حول سطّام الي كان من أفضل الدكاتره الموجودين بـ المستشفى قبل لا يروح ، ابتسمت تناظره من بعيد و عند سطّام الي كان الكل حوله فرحان له بـ رجعته فز من شاف هياء واقفه على الجدار تناظره ، طلع من وسط الزحمه و اتجه لـ صوبها فتح حضنه وهو يضحك وقال : مافيه مبروك ؟
ابتسمت بحنيه و ضمته بقوه وقالت : مببروووكك تو م نورت المستشفى ياحبيبيي
ابتسم يمشي معاها توريه مكتبه و جلسوا يسولفون طلع لـ مكتبه وقال : يوه يقدمي صدق
هياء : بعد م رحت تركوا مكتبك محد خذاه
ضحك يقعد وقال : عز الله اشتقت لـ مكاني
دخل عليهم الدكتور وائل الي كان مو عاجبه هياء مع سطّام وقال : دكتوره هياء تعالي شوي
هياء : زيين
طلع الدكتور وائل و تأفأفت هياء بـ عصبيه : افف
سطّام : وش فيتس ؟
هياء : اهخ تكفى وربي ناشب ليي كله من المديير تركني له
سطّام : تبين اكلم المدير؟
هياء : لا لاا اهجد م نبي مشاكل توك رجعت سم بالرحمن
ضحك وقال : زين قومي شوفي شفيه انا هنا
هياء : ابد تم
-
فـ بيت ابو عباس تحديداََ
ضحكت ام عباس وقالت : انا ابي بنتي صفاء لـ جراح ولد سالم عاجبني هالولد
صفاء : مااماا ! منجدس انتي مستحيل يوافق اساسا انتي و أمه تكرهون بعض كره م بعده كره
ام عباس : بـ ياخذس غصب عنه
عباس : اوف اوف دام امي قالت غصب عنه يعني غصبب
صفاء : طيب واذا هو يحب ؟
عباس ضحك بـ شر وقال : امي قالت كلمه وخلاص !
ضحكت ام عباس وقالت : والله تعجبني عبااسووه
ابو عباس بقرف : اتقوا ربكم !! تسولفون عن ولد اخوي قدامي !!
ام عباس : انت مالك شغل بيني وبين عيالي ومن زين اخوك نبي ولله حنا
صد يستغفر يطلع غرفته
-
بيت ابو طارق
تميم : حور قومي جيبي الشاي
تخصرت حور وقالت : خدامتك ولا وش
تميم : اخلصصيي
عُلا : يلا ي البزران تهاوشوا
ام طارق : حور يعيوني قومي جيبي له وجيبي لي معاه
حور : بقوم اجيب لعيون امي ها لا تصدق عمرك !
ضحك وقال : يلاا يلاا بسرعه بسرعه
حور ب عصبيه : ييممهه شوفي ولددسسس
ام طارق : تميمووه بس عاد اترك اختك
ضحك وقال : ابشري
دخل طارق و معاه لين وقال : حناا جييناا
ام طارق : يهلا يهلا
نزلت لين وقالت : عموو
تميم : تعالي تعالي ياعيون عموو انتي
عُلا : ليين وانا ؟
لين : سويه سويه بس
انفجرت عُلا تضحك وقالت : طاارق بنتك تهبل !!
ضحك وقال : سويه ها
طلعت حور وهي ماسكه كوبين شاي ، تقدمت و حطته بقوه قدام تميم وقالت : امسك جعله سمم
شرق وقال : أعوذ بالله منتس
طارق : من مزعل حوريتي
حور : اخووك
ام طارق : بس عاد تدعين على اخوتس استغفري
حور : استغفرالله بس لعب ب اعصابيييي
عُلا : يوه طروق خلهم انت قل لي وين جودي
طارق : نزلت عند خوالها صار لها فتره م شافتهم
عُلا : اهاا
-
فـ بيت ابو جراح اخر الليل
نزلوا الماس و وهج وهم يضحكون يطلعون للـ حوش ، لمحت جراح الي واقف قاعد يدخن ، وهج : يوه جراح هنا
الماس وهي تناظره : زين قولي له يدخل
وهج : تعالي تعالي بنقعد بـ الدرج م راح يحس فينا
الماس : يلا زين
وهج : تعالي لموس مو ناويه تعرسين ، عندس كل ذا الجمال و كل م جاتس احد رفضتيه
الماس : شسوي عاد
وهج وهي تفكر ضحكت وقالت : و اذا جاتس جراح
ضحكت وقالت : تمزحيين
وهج : لا والله صدق
الماس بحيره : م ندري وانتي علطول قلتي اخوتس م تدرين إذا هو يبي وحده ثانيه
وهج : ويين جراحح !! ذا من الشغل للمسجد للبيت من ثانيه بعد
الماس : وانا م اعرف اخوتس
ضربتها على كتفها وقالت : ياوسخه من متى وانتي صديقتي و زي اختي ابيتس انا و بعدين شدراتس يمكن تحبيه عاد الزواج التقليدي ابرك من الزواج بـ الحب
الماس : عاد هنا أتفق ، يصير خير ان شاء الله و الله يكتب الي فيه الخير
وهج : امين يارب
فزت الماس على جوالها الي يرن وقالت : اخوووي جاء
وهج : يلا يعيوني فمان الله
الماس : يلا اشوفسس بكره
ضحكت وقالت : ان شاء الله
طلعت الماس مسرعه و الجو كان باارد ، صادفت جراح وهي طالعه الي كان يسلم على نياف اخوها ، طاح الشاحن حقها وهي تمشي ، أخذه و تقدم يعطيها الشاحن اخذته الماس وقالت : شكرا
ابتسم وهو يشوف شعرها الي متناثر على وجهها من شدة الهواء و قال : العفو
دخل جراح للـ الصاله و ملامح وجه الماس فـ باله ، زفر يرمي زيقارته و شاف وهج و نايف قاعدين تقدم لهم وقال : دانه وين !
وهج : مهب مصدقه انها خلصت الاختبارات من اليوم نايمه
ضحك وقال : جعله عافيه
وهج : زيين تعاالل ابيك بشي
جلس ع الكرسي وقال : ها شعندس
وهج : شرايك ب الماس ؟
جراح : منهي الماس
وهج : يويلي من بعد خويتي الي من شوي راحت
فتح عيونه بذهول وقال : اها ايه شفيها ؟
وهج : شرايك فيها م عجبتك ؟ ابي ازوجكم
ضحك نايف وقال : اوف اوف
نزلت ام جراح وقالت : بتزوجون ميين
نايف : جراح و خوية وهج
ام جراح بـ ابتسامه : ابركها من ساعه !! اهل البنت و نعرفهم و البنت كامله و الكامل الله
جراح بلع ريقه وقال : يمه صادزين انتم ؟ والبنت
وهج : البنتت مافيه احد ف بالها ، تقدموا لها كثيريين وهي ترفض شف حظك انت
جراح حك شعره وقال : تبون الصدز عاد هي ما شاء الله جميله
ضحك نايف وقال : اوباا طاح اخووي
جراح : نيووف ترا ككف
ام جراح : اجل من بكره اكلم امها
جراح : عسى خير ان شاء الله
~~
بعد مرور يومين تقريباََ ، صباح هادئ
فـ بيت ابو نياف تحديداََ
نزلت ام نياف و الفرحه ماليه عينها وقالت : المااس
الماس فزت على صوت امها وقالت : سمي يمه
ام نياف : ناويين يخطبونس ..
قاطعها نياف وقال : يمه وانتي مصدقه انها بتوافق
ام نياف : اسكت انت
أفرع الماس وقالت : من بعد
ام نياف : اخو صديقتس
فتحت عيونها بصدمه : من !!
ام نياف : جراح ولد سالم
شهق علي وقال : جراح م غييره
ام نياف : ايييه
نياف : والله رجال والنعم فيه ، انا اقول وافقي تقدموا لس واجد و رفضتي عاد
زفرت بتوتر وقالت : طيب يمه عطيني وقت افكر
ام نياف : خذي وقتس يبنتي
طلعت الماس لـ غرفتها و التفكير ماكلها ، تتذكره يوم شافته فـ بيته ، استخارت و حست بـ الراحه بس كانت متوتره
~
بـيت ابو سهم
نزلت هياء مستعجله تبي تلحق على الشغل بعد م راحت عليها نومه شافت عقاب الي كان بـ الصاله قاعد مع سطّام و تركي دخلت بهدوء وقالت : عقاب
فز و طلع لها : لبيه
هياء : تاخذني للشغل ؟ ولا قاعَد
عقاب : شوفي قاعَد إذا بيروح الشركه ينزلتس المستشفى مره وحده بعدني م خلصت انا توني صاحي
ضحكت وقالت : الظاهر كلنا راحت علينا نومه
ضحك وقال : اي بالله
انسحبت هياء و دخل عقاب للـ مجلس
سطّام : عسى م شر
عقاب : ابد تبيني أخذها للشغل
سطّام : ليه ليه العذاب كله انا رايح للمستشفى الحين أخذها معاي
تركي : ورع تبي اصفقك الحين ؟ وين عايشين حنا قال باخذها قال
سطّام : احد غريب ؟ بنت عمي ياخوي و نقدر نقول زوجتي المستقبليه
عقاب : تروك انا لو اقعد زياده بطرح اخوك خلني اروح اجهز بس
ضحك سطّام و طلع متجه للمستشفى ..
~
فـ شركة ~ A.H.C ~
ابو عقاب : وينهم العيال ؟
السكرتيره : للحين محد منهم جاء
ابو عقاب بحده : خلاص زين
السكرتيره : الموظفين الجُدد فوق بـ غرفة الاجتماع
ابو عقاب : زين م تقصرين
طلع و دخل على مكتبه وقال : السلام
ردوا بصوت واحد : عليكم السلام ورحمة الله
ابو عقاب : اول شي مبروك على قبولكم ..
حامد بهدوء : الله يبارك فيك
دخل قاعَد و قعد معهم و كمل ابو عقاب كلامه يقول : معاكم مدير الشركه سهم ، و ذا قاعَد ولدي
ابتسم قاعَد وقال : منورين الله يوفقكم
وهج بتوتر : النور نورك
ابو عقاب : هالحين السكرتيره تدلكم على مكاتبكم
طلعوا بهدوء و اتجه كل واحد على مكتبه
دخل عليهم عقاب وضحك ابو عقاب وقال : ي حليلها البنت خايفه
عقاب : م علينا يبه شف قاعَد ذا لعيب مهو حق شغل يروحي و يجي وقت م يبي
قاعَد : وانت شدخخلك
ابو عقاب : خله خله شوره معاي بعدين
عقاب : و سطّام رجع ل شغله الي قبل
ابو عقاب : ايه ادري ليه فيه شي مو عاجبه ب الشركه ؟
عقاب : لا وين يبه الولد متجنن يبي مع هيون
ضحك وقال : يبيها اجل ، يجي يخطبها واضح اثنينهم يحبون بعض باين عليهم
ضحك عقاب وقال : تشووف يحسبون محد يدري
ابو عقاب : استر عليهم بس هياء لو تدري اني داري وش بتقول
~
فـ بيت ابو جراح تحديداََ
نزل جراح مستعجل وقال : يمه انا طالع تبين شي ؟
ام جراح : استودعتك الله
الدانه : جراح وقفف ابي فلووس
ضحك نايف وقال : جب لي معها
جراح : احلم انت وهي
طلع مسرع ركب السياره و طار للدوام
الدانه ب عصبيه : ييوووه يقهرر
نايف : اطلعي غرفتي خذي لس كم تبين
نطت وقالت : ياخيي نيووف محززمي
نايف : ايه وقت م تبين شي محزمس ، الا وهجي وين
ام جراح : اووهوو اختكم هالحين صارت ب الشركه
ضحكت الدانه وقالت : الله يوفقها يارب
ام جراح : امين يارب ، زوجة عمكم ام عباس جايه هاليوم عندنا
نايف : يليل يمه ذول م نبيهم قسم بالله اتعبونا
الدانه : اييييه يمه لو الماس وافقت على جراح لا تعزمينهم ب العرس
ام جراح : عيب عليكم وش ذا الكلام مب اطباعنا ذي
نايف : يمه انتي تدرين ان عينها على جراح
ام جراح : الله يحفظه م عليه شي ان شاء الله
نزلت الدانه وقالت : بطلب لي اكل نيوف تبي؟
نايف : لا والله ابيتس تسوين لي شاي
الدانه : احلف بس
نايف : هاتي فلوسي
ضحكت وقالت : امزح وياك انت أشر وانا اقول تم
طاح يضحك وقال : هيا قومي
~
بـ المستشفى تحديداََ
دخل سطّام بعد تأخير له ، تقدم و شاف الدكتوره الاء وقال : دكتوره الاء
فزت الاء وقالت : هلا ؟
سطّام : الدكتوره هياء قد جت ولا
الاء : ايوا موجوده فوق بـ مكتب الدكتور وائل
زفر وقال : طيب
طلع مسرع لـ الطابق الثاني و وصل لين باب مكتب الدكتور وائل ، قرب يطق الباب ولاحظ عدم رد احد فتح الباب و فتح عيونه بذهول من شافه مقفل بـ المفتاح وقال فـ نفسه : ذا مع هياء لحالهم وش ؟
طق الباب بقوه لين م فتح وائل الباب و طلعوا وراءه هياء و عُلا وقال الدكتور وائل : انت م عندك شغل ؟
سطّام عض شفايفه بـ عصبيه وقال : لا م عندي انت عندك شغله غير تكون جمب هياء ؟
ضحك بـ استفزاز و صد يدخل مكتبه و سطّام دخل لـ مكتبه كذلك ، دخلت هياء وراءه وقالت : سطّام
زفر يلف لها وقال : لبيه ؟
هياء : لايكون عصبت من الدكتور وائل
سطّام : هياء انتي تدرين ان انا من قبل مو عاجبني انتس تكونين معاه مو شايفه حركاته ؟ الي يشوفكم يقول يحبون بعض وش ذا
هياء : يعقب مابيه ، انا اليوم بكلم المدير م عليك
سطّام : يكون زين تكلمينه
ضحكت وقالت : على خشمي
ابتسم وقال : عليه الشحم
~
فـ بيت ابو نياف اليوم الثاني .
نزلت الماس و شافت أهلها متجمعين بـ الحوش ، قعدت معاهم تقول : صبحكم الله بالخير
ردوا بصوت واحد : صبحتس الله بالنور
ام نياف : ها بشري ؟
الماس : وش
ضحك علي وقال : اقص يدي هالحين لو وافقت
الماس : اهاا ، يمه تبين الصدق
ام نياف : قولي ي بنتي قولي الصدق
الماس : استخرت و احس ارتحت
ام نياف بذهول : صااادققه !!
نياف : اتوقع كلنا منصدمين
ضحكت الماس وقالت : تبوني أرفض ؟
ام نياف : لا لا خلتس من خوانتس انا بقوم اكلم ام جراح
معاذ : يمه مو عساس هم جايين اليوم ؟ اذا جو قولي لها
ام نياف : ايه صح صادق ، وانتي قومي اكشخي تدلعي
ضحكت وقالت : ان شاء الله يمه
~
فـ بيت ابو عباس
ام عباس : هاليوم بنروح بيت عمكم عندهم شي
صفاء : وشو
ام عباس : حتنا مدري بس بنشوف
عباس : يليل يمه الحين مالقيتي الا عندهم
ام عباس : يولد نبي نعرف شعندهم
ضحكت صفاء وقالت : ايه امي تبي تجهز خططها
ام عباس : اييه
عباس : يمه انتي قاعده تضحكين على من تراهم مب قاعدين ف البيت هاليوم حتى هم معزومين
شهقت وقالت : ووششهوو
ابو عباس : ايه صادق ولدس جهزي خططس يوم ثاني
زفرت بقرف وقالت : انا اوريهم
~
فـ بيت ابو جراح بعد أذان المغرب
ام جراح : خلصوا يلا هالحين جراح بيجي
نزلت الدانه بكامل كشختها ، وقالت : يمه شرايتس
ابتسمت وقالت : تبارك الرحمن تجننين
نزلوا جراح و وهج الي رجعوا من الشغل و طلعوا مسرعين يبدلون ملابسهم ، عند جراح الي لبس ثوب لونه اسود يبرز هيبته و عرضه و رش عطره العود و لبس ساعته و لف عصّبته و نزل لـ تحت وقال : خلصتوا ؟
ام جراح : ايه
نزلت وهج وقالت : يلا يلا خلصنا مشينا
ضحك وقال : ايه زين مشينا
فـ السياره تحديداََ ، نطق جراح : يمه
ام جراح : ها يوليدي
جراح : تخيلي ترفض
وهج : بسم الله يولد تفاول ب الخير ان شاء الله بتوافق
الدانه : نيوف وين
جراح : نزل عند اخوياه
الدانه : ايييه هذي هي بيتهم
قطب حاجبه وقال : والله قريب من بيتنا
ضحكت ام جراح وقالت : تشوف ، هيا انزلوا يلا
جراح : هييه دنو و وهج اللبسوا عباياتكم عندها خوان ترا
الدانه : يليل الغيور
زفر بعدم اهميه و نزلوا و طقت ام جراح الجرس ..
~
فـ بيت ابو نياف تحديدا ( عند الماس ) لبست فستان سماوي شاد على جسمها ، عليه لمعه فضيه ، مفتوح من على الصدر ، تركت شعرها الأشقر الي كان طويل و ناعم مفتوح ، و لبست اكسسوارات فضيه و كعب فضي ...
تقدمت ام نياف و فتحت الباب و بدت ترحب بـكُل حب : يهلا يهلا تو م نور البيت
ابتسمت ام جراح وقال : النور نوركم والله
ام نياف : تفضلوا
دخلوا كلهم و وقف جراح وقال : وهجج
وهج : ها شبلاك
جراح : اقول وين مجلس الرياجيل
ضحكت وقالت : يمه مدري
جراح : تستعبطين قومي اساليهم
نطت وهج لصاله و قالت : لموس تعالي
الماس : لبيه
وهج : وين مجلس الرياجيل
قطبت حواجبها وقالت : ليه
وهج : جراح
ابتسمت وقالت : لازم يدخل الصاله و بعدها هنا الباب
وهج : يوه
مشت وهج لين عند جراح وقال : جراح تعال هنا
جراح : ويش
وهج : امششش
جراح بـ عصبيه : شبلاتس انتيي امشي وين !!
وهج : اجل والله م اعلمك اقعد هنا
ضحك من شاف عصبيتها و دخل للصـاله يسلم ، وقال بحده : احم
ام نياف : ادخل ياوليدي
ابتسم و دخل بهدوء قرب يسلم عليها وقال : وشحالتس يخاله
ام نياف : بخير نفداك وانت شخبارك
جراح : ابد بخير دامتس بخير
ام نياف : م عرفتك ي جراح تغييرت
ضحك وقال : صادقه انتي ؟
ام نياف : ايه والله ، المهم مبروك مبروك
بلع ريقه بتوتر من عرف ان الماس وافقت ، ابتسم و اتجه لـ المجلس ، قطب حاجبه من شاف علي لحاله وقال : الباقي وين ؟
علي : والله للاسف طرا لهم شغل
زفر وقال : ايه علمني اختك وافقت ولا ؟
غمز له وهو يضحك وقال : اييه و اليوم بتكون الخطبه
شهق وقال : في ذمتك
علي : ايه يحبيبي سوينا لك سبرايز
جراح : ياسرعكم
ضحك وقال : م تبي اختي !
جراح : لاا ياخوك من قال
علي : ايه زين
دخل نياف و عمه و معاه الشيخ وقال : السلام عليكم
وقفوا علي و جراح وقالوا : عليكم السلام
ابتسم و جلس قبالهم و استفتح بداية العقد على ذكر الله و رسوله ناظر لـ عم نياف الي يُعتبر والدهم بعد وفاة ابوهم وقال : قُل زوجتك ابنتي الماس على كتاب الله وسنة رسوله
العم عبدالمجيد : زوجتك ابنتي الماس على كتاب الله وسنة رسوله
ابتسم الشيخ و لف على جراح وقال : قُل قبلت بهذا الزواج و رضيت به
بلع ريقه وقال : قبلت بهذا الزواج و رضيت به
وقف الشيخ وقال : اللهم بارك لهما وبارك عليهما وجمع بينهما في خير وعافية وستر من الله
نطقوا بصوت واحد : اللهم امين
مد الشيخ الكتاب لـ العم عبدالمجيد وقال : وقع هنا و بعدها عطوا جراح يوقع و من ثم عطوه البنت
تقدم العم عبدالمجيد و وقع و م الكتاب لـ جراح و كذلك هو وقع وقال : نياف امسك عط اختك
مسك نياف الكتاب و طلع الصاله الي كان الكل متجمع هناك و متوترين وقال : الماس يعيوني تعالي وقعي هنا
مسكت الكتاب برجفه و وقعت بهدوء ، فتح حضنه لها وقال : مبروك ياعين اخوتس
ابتسمت تمسح دموعها وقالت : الله يبارك فيك يحبيبي
دخل نياف للمجلس و عطى الشيخ الكتاب و طلع الشيخ بهدوء و تموا الباقي بحالهم
علي : ها هالحين نادوا الماس تدخل و حن نطلع
جراح : انا ليه متوتر
ضحك نياف وقال : المفروض هي تتوتر مب انتت
ضحك وقال : ايه بالله
طلعوا علي و نياف و أشروا لـ الماس بـ انها تدخل للمجلس ، تقدمت بـتوتر و فتحت الباب من لمحت جراح الي قاعد بـ كشخته و هيبته و رزانته ، ابتسمت وقالت : السلام عليكم
ارتعش قلبه و لف عليها وقال : عليكم السلام يهلا
دخلت و جلست قدامه وقالت : هلابك
ابتسم وهو يتأمل تفاصيل وجهها اللطيفه ناظر يدينها الي ترجف و قال : وراتس ترجفين
ضحكت بخفوت وقالت : مدري توتر عاد اخر شخص توقعت اني بصير حرمَه
ابتسم وقال : ان شاء الله مانيب مقصر معتس حاطتس بعيوني اي شي تبينه امري وانا اقول تم
ابتسمت بلطافه وقالت : ان شاء الله
-
يُتبع
-
( اهلاََ اهلاََ بـ الششيـّوخ ، بدينا انطلاقتنا الثالثه و عسى الله يوفقني و ان شاء الله تستمتعون و تعجبكم بـ اذن الله تعالى ، شدوا دعمكم ❤️❤️. )