مالوّم قلبيِ يوم تولع في ههواكِ ، مَحّلاه وصّفِك يحرِك خافقي كُله

~ 6 ~

بعد مـرور اسبوعين تحديدا فـ بيت ابو جراح
دخلت وهج وهي معصبه وقال : يمه فستاني وينهه !! للحين م وصل بصيحح
ام جراح : بيوصل بيوصل الله يهديس
وهج : يمه العرس م باقي عليه الا كم ساعه تكفين ابي اعرف المقاس و شلون بيجي عليي زين ولا
دخل عليهم نايف وهو ماسك البُشت حق جراح و حقه و علبه فيها ساعه جديده و مجموعة عطور عود الي يفضلها جراح ، ابتسم وقال : شعندكم
وهج : انتظر فستاني اهخ يربي
ضحك وقال : بيوصل بيوصل
وهج : طيب طيب ابي اخلص و توديني عند الماس يحياتي هي ابي اشوفها
نايف : تم تم
-
و تحديدا ف بيت ابو نياف
قاعدين يشوفون أغراض الماس و غيره ، وقفت الماس امام المرايه وهي تشوف نفسها بـ الفستان الي م توقعت بيوم رح تلبسه ، ابتسمت بحنيه وهي تشوف نفسها و قالت : يمه كيف ؟
ام نياف : يجنن بسم الله عليتس ما شاء الله
دخل علي وقال : والله و لموس بتروح و بتخلينا !!
ضحكت وهي تمسح دموعها وقالت : يوهه علي بس عاد
ضحك وقال : هذا وانتي بعدس ! اجل فالعرس وش بتسوين الله يستر منس
ضحكت ام نياف وقالت : الله يتمم لهم على خير و ان شاء الله افرح فيك انت و خوانك !
ابتسم وقال : ان شاء الله يااااارب
و قعدت الماس مع مصففة الشعر الي ترتب لها شعرها و الي يسوون لها الإكسسوارات و الي يبخرونها و غيره ..
-
فـ ارجاء قصر آل حمد
قاعدين ب الصاله ، نهى : يممه ملل تكفيييين ابي اروح عرس اخو صديقتي تكفين
ام تركي : قلت لس منتي رايحه
نهى : افف يربي
دخل عليهم سطّام وقال : شبلاتس نهاوي
نهى : ابي اروح عرس اخو صديقتي وامي تقول لا
سطّام : طيب اسمعي الكلام خلاص
نهى : اص اص
قاطعهم دخول تركي : السلاام اشوفكم متجمعين
قعدت نهى عند تركي وقالت : الله تروك اخيرا جيت عاد اقعد معانا معاد نشوفك
تركي : ابد ابشري م طلبتي شي ، و رهيف وين
نهى : نايمه تلقاها
تركي : اي زين
زفر سطّام وقال : يمه
ناظرت له ام تركي وقالت : شتبي
سطّام : وش صار على خطبتي ! اشوف محد له حس
ام تركي : ي وليدي الله يهداك بتخطبها لا تخاف استهدي بالله
سطّام : طيب استعجلوا عاد تكفين
ام تركي : ان شاء الله
-
ف بيت ابو طارق تحديدا
دخلت لين بملامح عبِسه ، و قعدت بـ الكرسي بهدوء ، ابتسمت عُلا وقالت : لين ؟ شفيس حبيبي
سكتت لين بعدم رد و دخلوا حور و تميم الي كانوا يسولفون و يضحكون ، أشرت عُلا بيدها على لين لـ تميم ، جلس تميم جمب لين وقال : لييني وش فيس ياعين عمس !
لين بصوت متذبذب : مافيني سي
تميم : علميني علميني يلا من مزعلس
لين : بابا
تميم : افا افا ليه ليه وش مسوي بابا
لين : هاوسني
ضحك تميم وفتح حضنه لها وقال : عادي عادي ، الحين نطلع انا وانتي و اخذ لس لعبه شرايس ؟
لين : لا مابي
دخلت عليهم الجود وقالت : م عليك منها ي تميم خلها
لين بـ عصبيه : ماماا !
ضحك تميم و أخذها فـ حضنه وقال : مشينا نهرب ؟
ضحكت لين وقالت : مسينااا
ابتسم تميم وقال : مسينا مسينا
حور : مالت عليكم
-
فـ الليل تحديدا فـ عرس جراح و الماس ..
فـ قسم الحريم تحديدا ( فـ الغرفه عند الماس ) ، الكل حولها الي يرتبون شعرها و الي يلبسونها الاكسسوارات و غيره ، ضحكت وهج وقالت : وش فيس متوتره بسم الله عليس
اخذت شهيق بهدوء وقالت : مدري مدري اهخخ
الدانه : استهدي بالله م بيصير شي ان شاء الله
الماس : ان شاء الله ، تكفين لا تقولين ان عزمتوا ذولاك زوجة عمس
انفجروا ضحك وقالت الدانه : الصراحه كان ودنا م نعزمهم بس شنسوي ف النهايه قلتيها زوجة عمنا
الماس : هذا الي موترنيييي
وهج : م عليس يخسون يسوون شي
قاطعهم دخول هُيام المفاجئ ، وقالت : اهلا بنات ..
الماس بصدمه : ذي الملازمه ؟
ابتسمت وقالت : ايه يحبيبي خلينا من ملازمه قولي هيام بس
وهج : حياتي حياتي هيموو
ضحكت وقالت : يعيوني ياوهج
(كانت هيام لابسه فستان خفيف لونه أخضر فاتح ، هادي و جميل و مسويه بشعرها ويفي ، ولبست اكسسوارات ذهبيه مع كعب خفيف ذهبي مع ميكب هادي و خفيف )
( و كانت وهج لابسه فستان لونه ازرق غامق ، مفصل على جسمها ، يوصل لين ركبتها ، لبست كعب لونه فضي مع اكسسوارات فضيه و تركت شعرها مفتوح و بخرت نفسها وكانت بختصار ملاااك ! جميله جدا )
-
و عند الرياجيل ، نايف الي يعطي جراح البشت و الي يرشون له العطر و الي يعدلون له العقال و غيره ، ابتسم معاذ وقال : الله يتمم لك على خير ان شاء الله
ردوا بصوت متوحد : امين يارب و عقبال الجميع
جراح : امين يارب
و فـ المجلس عند العيال الي بدوا يعرضون بـ حماس و يلعبون بـ السيف بدقه ، نياف بحده : ي رجال نادوا العريس خل يجي
علي : ابشر
-
اما عند الحريم .. بدأوا يزغرطون من بدت الماس تدخل بـ جمالها الفتان الي أبهرت فيه الكل ، كانت متوتره ! مو مستوعبه انها بتتزوج خلاص بتترك أهلها ، ابتسمت وهي تشوف الكل مستانس لأجلها ، قعدت بهدوء و كانت المصوره بـ النص تصورها و قربت امها لأجل تصور معها و تقدموا ام جراح و بناتها كذلك لأجل يصورون مع الماس ، و جلسوا يتصورون و يسوون حركات و يضحكون مع بعض ، قعدت وهج جمب الماس وقالت : قسم بالله طالعه تهبلين والله انس تاخذين العقل وش بتسوين فـ اخوي انتي !
ابتسمت بخفه وقالت : يعيوني ياوهج والله الجمال كله فيس
قربت هيام و ابتسمت : تعالي وانا بعد بصور معاش
الماس : تعالي اقعدي جمبي انا و وهج ناخذ صوره سوا
وقفت المصوره وبدأت تصورهم مع بعض ، ابتسمت هيام و مشت مع دانه يقعدون على الطاوله ، نطقت هيام وقالت : دانه بسالش
الدانه : لبيه
هيام : لبيتي في منى ، جراح من متى يعرفها ؟
الدانه : والله م كانوا يعرفون بعض من الأساس بس تدرين وهج و الماس خويات من زمان و الماس دايم تجي بيتنا و تنام عندنا مرات و صارت لهم صدف هي و جراح يشوفون بعض بالحوش بالصاله و كذا يعني
هيام : اهاا ما شاء الله
ضحكت وقالت : اساسا محد كان مصدق ان ذولا الاثنين بيكونون حق بعض لان الماس بنفسها قالت كنت اشوفه زي اخوي لا أكثر ولا أقل و هذا النصيب والقدر
ابتسمت وقالت : الله يتمم لهم على خير والله حتنا م صدقت يكونون لبعض ما شاء الله عليهم
م حسوا الا بدخول صفاء مع امها و انصدمت دانه وقالت : هذي منجدها !!!!
هيام : وش قومها ذي
دانه : يويلي مب صاحيه باقي تصير مكان الماس بس
اما عند الماس و وهج انصدمت الماس من فستان صفاء الي كان ابيض كامل عليه لمعه خفيفه و كانت مصدومه منها ليه سوت كذا !
مشت وهج بـ عصبيه لعند صفاء وقالت : هييه !! غبيه انتي وش ؟ حبيبتي ملخبطه ترا مب انتي العروسه وش ذا الفستان خلصت اللوان ؟
صفاء بدلع : وايي وهج شفيس روحي اقعدي معاها قبل لا تصيح علينا
وهج : قسم بالله بتندمين انا اوريس يالحيوانه تحسبين كذا بتخربين علينا وش اصبري بس !
ضحكت صفاء و مشت لعند الماس وقالت : مبرووك المااس الله يتمم لكم على خير
الماس بـ قرف : امين يارب و عقبالس تلقين الي يصلح لس ان شاء الله
صفاء : والله راح الي يصلح لي بس امين امين
ابتسمت الماس بـ غضب و صدت عنها ، مشت دانه وهي ماسكه كوب عليه عصير و قربت منهم وكانت تسوي نفسها مشغوله إلين صار بينها و بين صفاء خطوات قليله قربت و جلست جمبها وقالت : اووه لابسه ابيض اليوم مقدر عليس
ضحكت وقالت : اييه حلو صح ؟
الدانه : مرره يجنن عليس
صفاء : ليت الكل زيس ي دنو
ضحكت الدانه بخبث و طيحت الكوب بـ اعتماد على صفاء و شهقت : يمه صفاء فييتسس شي ! بلغلططط
صفاء وقفت مصدومه وهي تشوف فستانها الي تحول إلى للون الأصفر وقالت : الله ياخذس !
ضحكت الماس بصوت عالي وقالت : يلا عوافي المره الثانيه لا تلبسين ابيض
صفاء : اسكتي الله ياخذ عدوس جعل الله لا يتمم لكم على خير يالحيوانه انتي وهي
الماس : أعوذ بالله منس ي الحقوده يالحسوده
صفاء سحبت امها و راحت تنظف فستانها و قعدت تصيح وقالت : يمه شفتي وش سوت !!
ام عباس : توس تقولين لها هي الي بتصيح اشوف الحين انتي الي تصيحين ها
صفاء حطت يدينها على وجهها وقالت : اهه يمه تبي تقهرني والله انها تبي تقهرني
ام عباس بـ عصبيه : تخسي و تعقب تقهرس ليه م شفتيها كيف هي انقهرت بغت تموت
مسحت دموعها و نظفت فستانها بعد م رجع نظيف تماما و جددت روجها بحكم انه خلاص بيخلص العرس و بيتجمعوا الحين كلهم الاهل ، رشت عطرها الي يجذب الرايح و الجاي ، ضحكت ام عباس بخبث وقالت : اخطفي قلبه وهو توه معرس
صفاء : والله م اخليهم يمه انا من اليوم معاس انتي و عباس اخوي
-
طلعوا بعد م صار هدوء و خرجوا المعازيم و اتجه كل أحد لـ بيته ، دخلوا خوان الماس و جراح و اخوه ، زغرطت ام جراح بعد م دخل جراح وهو لابس البُشت دخل بكل هيبه و عز ، و العيال وراءه ، تخدرت صفاء فـ جماله وقالت بصوت غير مسموع : اهه الله يصبر قلبي
ابتسم جراح وهو يشوف الكل يبارك له وقالت ام نياف : الله يبارك لكم و يتمم لكم على خير و يرزقكم الذرية الصالحة ان شاء الله
ردوا بصوت واحد : امين يارب
نياف : عاد لا أوصيك اختي و تحطها بعيونك !
جراح ابتسم وقال : ابد بعيوني احطها و ان شاء الله ف الحفظ والصون م راح أقصر معاها
ضحكت ام نياف وهي تشوف الماس الي كاتمه صيحتها : ها الماس اجل حنا رايحين
قربت و ضمت امها بقوه وقالت : يوه يمه جعلني م انحرم منس
ابتسمت وقالت : امين امين
هيام ابتسمت وقالت : مبروك يالنقيب الله يتمم لك على خير و يرزقك الذريه الصالحه
ابتسم جراح وقال : امين امين
صفاء بملل : يالله ولا حتى فكر يناظرني
الدانه : ولا بيفكر وش يبي ف النجوم و عنده القمر
صفاء : ويع قمر قالت
ابتسم جراح وهو يمد يده لـ الماس ، ناظرت الماس بـ عيونه و ابتسمت بخفه و حطت يدها الي كانت ترجف بتوتر فوق يده ، مشوا و ركبوا السياره و طاور للفندق
-
و تحديدا بـ الفندق بعد م نزلوا و دخلوا غرفتهم ، قعدت الماس و قعد جراح قدامها و شاف رجفتها الي مو قادره توقف ، قعد جمبها و مسك يدينها بهدوء ، ارتعش قلبها وهي تحس بيده الدافييه ، ناظرها و نطق : وش فيتس ترجفين وش موترس ؟
اخذت نفس وقالت : م عليك طبيعي زواج و كذا توتر
ضحك وقال : اووه مو حنا نشوف بعض ف الاسطبل ليه متوتره روقي نفداس
ابتسمت بخفه وقالت : يوه جراح الاسطبل غير عن العرس عاد
ابتسم وقال : اي زين اطلب عشاء ؟
الماس : اي طيب اطلب وانا بقوم ابدل على م يجي
جراح : خلاص ابشري
دخلت للغرفه و اخذت لها بجامه حرير لونها سُكري و مسحت الميكب حقها و فكت كلشي بـ شعرها و تركته مفتوح ، رشت عطر خفيف و طلعت تنتظره ، اما عنده هو طلب العشاء و تركه بـ الطاوله و دخل ياخذ له شور ، دقايق و طلع وهو رابط المنشفه على خصره و يبلل شعره من الماء ، فتحت الماس عيونها بذهول وهي تشوف عضلاته و جسمه الي كانوا يجذبون الجميع ، لف عليها وقال : اقولس كلي انتي انا بلبس و بجيس
فزت وقالت بـ ابتسامه : طيب انتظرك
-
و فـ ارجاء قصر آل حمد ، نزلت رهف و الصاله كلها ظلام مشت بهدوء تبي تحاول تلمح اي ضوء ، دخلت و اخيرا للمطبخ بعد م شافته ، اخذت لها كوب ماء و جلست تفكر قاطع تفكيرها دخول احد ، فزت و صارخت بقوه وقالت : مييين
م كان فيه رد ابدا ، تشوف خطوات احد جاي عندها ، فزت من سمعت صوت الكلاب الي جاي من برا حطت يدينها على وجهها من بدت تطيح دموعها : يالله
دخل قاعَد للمطبخ و انصدم من لمح احد بوسط الظلام فتح اللمبه بهدوء ، ارتعش قلب رهف بخوف وهي ماسكه على نفسها بقوه ، قرب منها وقال : رهف ؟
وخرت يدينها من وجهها و انصدمت يوم شافت قاعَد قدامها : قَـ..اعد !
قاعَد : شبلاتس تصيحين وليه قاعده بالظلام
نزلت دموعها لا اراديا وقالت : كنت ابي اخذ لي كوب مويه و بعدين سمعت صوت جاي و ثم خطوات احد والله أشياء كثيرره !
قاعَد : بسم الله عليتس م صار شي اخذتي مويه خلاص اطلعي غرفتس
رهف بتوتر : اطلع انت وانا بجي وراك مابروح لحالي
ضحك بخفه وهو يشوف خوفها وقال : يلا زين امشي نطلع
طلعوا اثنينهم من المطبخ و مشى معاها بهدوء عشان يوصلها لـ غرفتها ، قاطعهم صوت هياء الي تبي تخوفهم ( كانت تحسب ان ذولا عهد و قاعَد ) مشت هياء بهدوء واصدرت صوت خفيف ، فزت رهف تمسك يد قاعَد بقوه ، قاعَد بصدمه : وش ذا بعد جن فلبيت وانا مدري
ضحكت هياء بصوت عالي و فتحت اللمبات عليهم وقالت : هاا شراايكم
ابعدت رهف بصدمه وقالت : هيااء ! يالحيوانه ليه تسوين ذا كله قسم بالله طيحتي قلبي
هياء : اوه والله احسبس عهد اختي معليش
صد قاعَد وقال : كملوا انتم انا رايح غرفتي
ضحكت هياء وقالت : وانتي اذلفي وراه يلا
رهف : اص اص
قاطعهم صوت ضحكات سطّام الي وصلت لـ مسامعهم ، هياء بـ حنيه : اهه يجعلني مافقد هالضحكه
رهف ضربتها على كتفها وقالت : اثقلي يالوسخه
هياء : احبه ياخي وش اسوي
دخل سطّام وقال : ول ول تحبين من !
ضحكت رهف وقالت : يلا علميه من ؟
هياء : انا اوريس ي رهف
هربت رهف وهي تضحك لـ غرفتها اما عند هياء و سطّام نطق وقال : من من علميني
مشت هياء للمطبخ وهي تتذكر انها زعلانه منه : مو شغلك وخر بس
سطّام قال : افا ي ذا العلم
هياء : ايه مالك شغل ! تفهم ولا ماتفهم
سطّام : هيون ؟ وش فيتس علي هالاسبوع كله كذا اسلوبس
هياء : م فيه شي اسلوبي اطلع رح نام
سطّام : طيب
صد و طلع لـ غرفته ، بدل ملابسه و اخذ له شاور ، انسدح على السرير يفكر بينه و بين نفسه ( انا زعلتها ف وش ؟ ليه كذا اسلوبها معاي ! هل انا سويت شي بدون م احس بنفسي ولا وش !!! ) ، لبس بلوفر دافي لونه سُكري
و مع بنطلون سُكري كذلك مع حذاء ( الله يكرمكم ) لونه ابيض رش عطره العود و نزل للصاله بهدوء ، اخذ له كوب قهوه و طلع يقعد بـ الحوش لـحاله ، بين الهدوء و الهواء البارد ، ابتسم يتأمل النجوم و غيره يتخيل بيوم هياء تصير ملكه ، تصير حلاله ، زفر بهدوء وقال : اه يالهياء اهه لو تدرين شكثر احبتس و اهيم فيتس !
-
يُتبع
-
( هلا والله بـ الشيّوخ ، عساكم بخير والله اعذروني ع التأخير الدراسه و غيرها من ظروف ، شدوا دعمكم الدعم مب عاجبني ابدااا ، اضغطوا ع النجمه عشان نكمل ❤️❤️.