البارت الي قبله للتذكير ..
طلعت وعد و اتجهت وهج وهي تأفأف ، دخلت مكتب عقاب وقالت : أمرني
عقاب : م يأمر عليس عدو ولا ظالم ، مو مداومه هالايام ؟ ترا يخصم من الراتب إذا م نأدي شغلنا زين
وهج بـ توتر : اا ، والله معليش قبل كنت تعبانه و امس عرس اخوي م اقدر اداوم ، السموحه والله
عقاب : اي زين بـ نمشيها هالمره بس لعاد تتكرر
وهج : ان شاء الله
ضحك بخفه وقال : طيب ليه متوتره ؟ م راح اكلتس
وهج : اسلوبك يوتر شسوي
عقاب : معذوره معذوره ان شاء الله معاد تتكرر خلاص
وهج : ان شاء الله
ابتسم وقال : تقدرين تروحين
طلعت و اتجهت لـ مكتبها بعد م جاها توتر و ربكه منه ،
وقفت السكرتيره وعد : معليش بس ، وش قال لس المدير عقاب ؟
ناظرتها وهج وقالت : ليه أن شاء الله ؟
وعد : تردين السؤال بـ سؤال ؟ جاوبي
وهج بـ عصبيه : ادخلي اسأليه جايتني تحققين من انتي
انتهى نقاشهم بـ دخول وعد إلى مكتب عقاب ..
-
فـ بيت ابو جراح تحديداََ ، وصل جراح و دخل الصاله يدور الماس وقال : دنو الماس وين ؟
أشرت الدانه على المجلس وقالت : هناك تعدل نفسها
ابتسم وقال : طيب
مشى يدخل عندها وقال : وش تسوين ؟
فزت الماس وقالت : اخيرا ، ابي ارجع خلاص
جراح : غريبه والله ليه شصار
الماس : بعلمك بعدين الحين فكني من هنا
ضحك وقال : مشينا طيب
مشوا متجهين للسياره ، طلعوا و ركبوا للسياره و لاحظ جراح مود الماس الي انقلب كامل وقال : وش بلاتس ؟ احد مزعلتس من اهلي ؟
الماس : لاا وين والله ان كلهم عسلل
جراح : اجل وش فيس متضايقه
الماس : اسمع بقولك
جراح : لبيه ؟
الماس : صفاء بنت عمك
زفر وقال : وش سوت
الماس بـصوت واضح عليه الخوف : تخيل جت وتقول عيشي حياتس مع جراح م راح تطولين معاه و مدري وش وانا سويت نفسي مو مهتمه عندها وانا قلبي شوي و يطلع من مكانه م ادري شقصدها
صف جراح السياره على جمب و انحنى يمسك يدينها وقال : اسمعي ، انا ادري ان عمتي خبله و بنتها زيها ، بس انتي إذا شفتيهم لا تردين عليهم ولا تعطيهم وجه عشان لا يأذونتس ولا يصير لنا شي ان شاء الله
الماس بربكه : بس جرا..ح
قاطعها وهو يحط أصبعه على شفايفها يسكتها وقال : مافيه بس ! محد بـ يفرقنا لا عمتي ولا غيرها !
ناظرته بهدوء و ابتسمت تقول : ان شاء الله
ابتسم يكمل سواقته وقال : طيب الحين وين تبين تروحين ؟
عبست بملامح وجهها وقالت : والله راحت هالكشخه ع الفاضي اهلي مب فالبيت اليوم و شكلي برجع الفندق
جراح : وليه الكشخه على فاضي من قال انها راحت
الماس : محد شافني غير اهلك
ناظرها و ابتسم يقول : انا اشوفتس طيب م يحتاج هم !
ابتسمت بخجل ، و عم الصمت بينهم لين نطقت : جراح وقف البقاله شوي
قطب حاجبه وقال : وش تبين ؟
الماس : ابي اي شي اكله
جراح : ابد م طلبتي شي
وقف و نزل ياخذ لها كم حاجه و اتجه للـ فندق ، وقف وقال : انتبهي لنفسس و اي شي بغيتيه علطول دقي !
ابتسمت وقالت : طيب ، استودعتك الله
نزلت و دخلت للـ غرفه و قعدت على الكرسي بهدوء ، اخذت جوالها تدق على امها و طلعت كل الي فـ خاطرها الين ارتاح تفكيرها ، دخلت غرفتها تبدل ملابسها و قربت تنسدح وهي تفكر بـ خيلها نجم ، و كلام صفاء ، سفرتهم صباح اليوم الثاني و غيره اشياء كثيييير ..
-
اخر الليل فـ ارجاء قصر آل حمد ، تحديدا فـ جناح ام تركي ، دخلت هياء وقالت : يمه
ام تركي : ها يمه
هياء : اسلمي وش كنتي تبين تقولين لي ؟
ام تركي ضحكت وقالت : بعلمس ، جوس يبون يخطبونس ي بنتي
هياء : مييين طيب مين تكفين يمه لا تقولين وافقتوا بدون شوري عاد تسوونها
ام تركي : ليه في احد فـ بالس ؟
حكت شعرها وقالت بربكه : لا يمه بس قولي مين ؟
ام تركي : سطّام ولد عمس
شهقت بصدمه وقالت : يمه أحلفييي ! سطّام م غيره ! و متى كل ذاا
ام تركي : اليوم امه كلمتني و ان شاء الله جايين
هياء : متى ؟
ام تركي : بكره
هياء وهي تحاول تخفي فرحتها : يمه ذا حلم ولا علم ؟
ضحكت وقالت : علم والله علم
قاطعهم دخول عهد : شصاير وش حلمه و عِلمه
ركضت هياء لـ غرفتها و دخلت وراءها عهد وقالت : بنت شبلاتس انهبلتي
هياء بـ فرحه : عهههدد خطبني خطبني ي عهد
فتحت عهد عيونها بصدمه : سطّـ.ام !!!
هياء : اييه اييه صدمني م توقعت بهالسرعه
عهد : مبرووك مبرووك يابعد عينيي
قربت هياء تضمها وقالت : الله يبارك فـ عمرس عهديي
طلعت عهد و تركت هياء لـ حالها ، اما عند هياء الي مو مصدقه ان الحلم الي دايم تتمناه و اخيرا سطّام تقدم لها ، غطت وجهها بيدينها بـ فرحه ..
-
اليوم الثاني ..
تحديدا فـ بيت ابو طارق ، عند طارق و الجود ، ابتسم طارق وهو يشوف الجود بكامل زينها و كشختها ، قرب من وراءها و سحبها من خصرها لـ عنده وقال ، جودي ؟ وش هالزين ي ابوي ! تاخذين العقلل بزينس
ابتسمت وقالت : طاارق احبككك
انحنى يرد عليها بـ قُبلة مليانه حُب ، باسها على ثغرها وهو هاايم فيها ، ابعد وقال : صدقيني مب كثري !
قاطعهم دخول لين وقالت : ماامي
ابعدت الجود بهدوء من عند طارق ، وقالت : ها ي امي وش فيتس
عبست بـ ملامحها وقالت : يماما والله طفسانه
قعدت الجود جمبها وقالت : روحي اقعدي مع عماتس
لين : عمه عُلا جالسه تسوي اكل مع جدتي و حور نايمه
طارق : و عمو تميم وينه ؟
لين : راح يقول عنده شغل
أخذها طارق لـ حضنه وقال : والحين وش نسوي
لين بـ ملل : م اعرف والله طفس
ضحك وقال : ياعين ابوي طفش طفش مب طفس
لين : طفس طفس
ضحكت الجود وقالت : وش نسوي طيب
لين : مافي احد اقعد معاه ي ماما ابي اخت
ناظر طارق لـ الجود و ضحك يقول : ي ليني ماما م تبي وش نسوي بها
ضربته الجود على كتفه وقالت : يوه طارق بس عاد ، ان شاء الله ي عيوني الحين قومي اللعبي بـ ايبادس
جلس طارق وقال : قومي قومي لبسيها بنطلع نتمشى نغير لها جو شوي
الجود : والله زين نغير جو كلنا
و بـ الصاله تحديداََ ، ام طارق : ي عُلا الله يهديس قومي جهزي القهوه و الشاي خوانس يجون يلقون شي
عُلا : يمه خواني واحد طول وقته برا و الثاني مع زوجته
ام طارق : بس ي بنت عيب خوانتس ذول
طلعت بملل و قعدت تفرفر بـ جوالها ، دخل تميم بـ تعب ، نطقت عُلا : تميم شبلاك ؟
تميم : عُلاا تكفين جيبي لي كوب ماء
ضحكت و تقدمت تعطيه وقالت : شفيك شفيك
تميم : رحت مع عمي من الصبح
عُلا : اهاا طيب ، قم خذ لك غفوه شغلت لك المكيف بـ غرفتك قبل شوي
قاطعهم نزول طارق و الجود و لين ، فزت لين من شافت تميم وقالت : عموو
ابتسم تميم يفتح حضنه لها وقال : هلاا اميي
ابتسم طارق وهو يشوف لين وهي تحب تميم كثييير وقال : يلا يلا ليني
ابتسمت لين وقالت : بعد سوي بجي عندك لا تروح
ضحك وقال : يلا زين انتظر لين بعد سوي
-
فـ المستشفى تحديداََ ، دخلت هياء و لمحت الدكتوره عُلا وقالت : عُلااتيي
ابتسمت عُلا وقالت : هييون
ابتسمت هياء وقالت : متأخره ؟
ضحكت وقالت : اي والله راحت علي نومه
هياء : تكفين كلنااا
عُلا : تعالي تعالي ناخذ لنا قهوه
مشوا للـ كافتيريا و قعدوا بـ الطاوله مقابل بعض ، عُلا : ايه شصار معاتس
هياء : ابد والله م صار شي
غمزت عُلا وهي تضحك وقالت : و سطّام ؟
ابتسمت بخجل وقالت : يوه عُلاا
عُلا : الا والله صدق ؟ مو ناوي يتقدم لِك ؟
هياء : امس تقدم لي
شهقت وقالت : احلفيييي
ضحكت هياء وقالت : والله ..
عُلا : وافقتي طبعا ؟
هياء : هو اكيد موافقه بس اليوم بقولهم اني موافقه عشان لا يقولون اهلي ذي مستعجله للزواج
ضحكت وقالت : يلا مبروك الله يتمم لك على خير
هياء : امين يارب
-
تحديدا بـ شقة جراح و الماس ..
عند جراح الي كان يرتب الشنط لأجل السفره ، انتهى و تقدم يشوف الماس الي كانت لابسه ( فستان خفيف لونه وردي هاادي كان اللون المفضل لها ، و حطت ميكب خفيف و شعرها مفتوح ، ابتسم جراح وهو يتأملها بهدوء ، لفت تناظره و رجعت تناظر نفسها بـ المرايا وقالت : جراح شوف حلو ولا ؟
ابتسم يقول :
البسي فستانس الوردي
و افردي شعرتس الحرير
و ابهريهم بـ جمالتس يـ فاتنه
ابتسمت بـ حُب وقالت : صح لسانكك
ابتسم يناظرها وهو مُغرم بـ أدق تفاصيلها وقال : صح بدنتس ي امي
ابتسمت وقالت : مشينا ؟
جراح : مشينا
ابتسم يمد كف يده لـها ، حطت يدها فوق يده و مشت معاه للـ سياره ، ركبوا للسياره و بدأت السوالف بينهم زفرت وقالت : يوه والله صار لنا فتره م رحنا الاسطبل
جراح : على طاريه ، م ابيتس تروحين للاسطبل بدون لا تعلميني
ناظرته وقالت : ليه يعني ترا الاسطبل ف النهايه
جراح : يعني اشوف زوجتي تطلع وانا مو داري ؟ واذا صار لتس شي لاسمح الله
الماس : ابد ابشر بعلمك
جراح : تبشرين بالجنه
عم الصمت بينهم بينما فزوا على صوت رنين جراح ، لمحت الماس الاسم الي كان ( هُيام ) ، زفرت و سحب جراح جواله من بدا يكلمها ، و م طولوا دقايق و خلص الحوار الي بينهم ، ناظرته الماس وهي تشوفه يضحك وقالت : شفيها داقه ؟
جراح : تحسبني بداوم و جت تسأل بس
الماس : طيب
جراح : تبين البقاله ؟
زفرت وقالت : لا مابي
ناظرها وقال : وش فيتس ؟
الماس : انتبه للـ طريق و خلك مني
قطب حاحبه بـ تعجب و كملوا ، نزلوا لعند أهلها و ثم المطار ..
-
فـ المستشفى تحديداََ
واقفين هياء و وائل و الاء كلهم جمب بعض ، يفحصون التقارير و غيره ، دخل عليهم سطّام الي كان مصدع مره ، ناظرهم و صد يمر من أمامهم ولا كأنه شافهم ، فزت الاء وقالت وهي تنادي : دكتور سطّااام
فز سطّام يلف وراه وقال : هاه ؟
الاء : متأخر اليوم
سطّام : اي والله شسوي راحت علي نومه
ضحكت بخفه وهي تمشي معاه وقالت : تبي قهوه ؟
حك شعره وقال : والله يبي لها عشان نصحصح شوي
الاء : ابد تم
دخل سطّام مكتبه و جت وراءه هياء الي دخلت و سكرت الباب بقوه وقالت بـ عصبيه : شتسوي هذي !!
سطّام : ي ابوي انتي والله م سوت شي تسأل تجيب لي قهوه معاها ولا ، و بعدين ترا المدير ناوي يحولها معاي
شهقت وقالت : كذاب مستحيل
ناظرها وقال : الا والله مع اني كنت رافض بس عاد شنسوي المدير م نقدر نقول شي
قعدت وقالت : وانا اقعد اناظركم مع بعض تضحكون و تسولفون ؟!
زفر و مسك يدينها بهدوء وقال : ياهياء ياعيوني انتي تراس انتي بعد معاي يعني عادي تجين ليه تناظرين ؟
عبست ملامحها وقالت : ارجع للشركه
ضحك وقال : صادقه انتي ؟
هياء : اي ارجع للشركه انا م ابي اشوفك معاها
وقف وقال : وانا شسوي مقدر على فرقاتس
ابتسمت بخفه و ضربته على كتفه بهدوء وقالت : المشكله ولا انا ياخي
ضحك يضمها وقال : جعلني افداس يالدنيااا
شهقت تتذكر وقالت : بعدين تعال انت صدق تقدمت ليي !!!
سطّام : ايه
هياء : للحين مو مصدقهه
ابتسم وقال : بتصيرين حلالي بتصيرين حرم سطّام !
ابتسمت بهدوء وقالت : بس تهقى ابوي يوافق ؟
سطّام : و ليه م يوافق ان شاء الله
هياء : مدري مدري
سطّام : وانتي شقلتي لهم ؟
ضحكت وقالت : اليوم بتعرف وش قلت لهم
ابتسم يجلس على الكرسي و قاطعهم دخول الاء الي كانت ماسكه كوبين قهوه و ابتسمت تدخل وقالت : هذي القهوه و معليش ع الازعاج
زفرت هياء وقالت : ابد مافيه ازعاج ..
-
فـ شركة ~ A.H.C ~ ، طلع عقاب يراقب الأوضاع فـ الشركه و قاطعه الصوت العالي الي صادر من مكتب وهج ، طق الباب و دخل وقال : شصاير وش هالاصوات فـ البيت قاعدين انتم وش ؟
وهج بـ عصبيه مع صوت متذبذب : ي عقاب شف هذا كل شوي يدخل مكتبي م ادري وش يبي المشكله م يسأل لا عن شغل ولا شي كذا يبي يسولف !
اندهش عقاب منها وهي تنطق اسمه طبيعي وقال : طيب طيب اعصابس اهدي ، وانت تعال مكتبي هالحين
طلع عقاب و وراءه ( خالد ) ، دخل عقاب مكتبه و خالد وراءه ، جلس عقاب وقال بحده : شسالفتك انت ؟ وش تبي فـ بنات الناس !
خالد بـ برود : م ابي شي بس البنت زينه
عقاب بـ نبره حاده : ياحبيبي انت من اليوم م ابي اشوفك فـ الشركه اذلف الحين
دخل ابو عقاب وقال : عقاب ؟ وش فيك بسم الله
خالد : و جاء ابوه الحين
فتح ابو عقاب عيونه ب صدمه وقال : خالد ؟ وش ذا الكلام استح على وجهك يارجال
عقاب : ترا وظفناك عشان ابوك بس ! هالحين لا انت ولا أبوك اذلف من وجهي
طلع خالد و طلع ابو عقاب يتناقش معاه ، دخلت وهج بهدوء وقالت : فاضي ؟
عقاب بـ عصبيه قال : شتبين انتي بعد
وهج بتوتر : يوه بس خلاص ازعجتك
رفع انظاره و قال : لا اله الا الله ، ادخلي ادخلي معليش بس م اقصد عليتس
وهج : م ابي شي بس كنت ابشكرك
عقاب : سويت الي علي م يحتاج ، بس ابي اذكرتس ان تقولين عقاب وين حنا اخوس انا وش ؟
ضحكت بخفه وقالت : معليش والله وانا فصلت على ذاك و طلعت مني كذا السموحه استاذ عقاب
ابتسم وقال : اي زين تفضلي
طلعت و دخل قاعَد وقال : اووه عقابوو اشوف ذي عندك كل شوي شسالفه
ابتسم وقال : قاعَد يخوك والله شخصيتها تعجبني
ضحك وقال : شخصيتها ولا هي هاا
عقاب بحده : اركد بس ، انت شصار معاك
قاعَد : ابد والله م صار شي الحال يا ابو سهم نفسه
عقاب : شرايك نمر المستشفى لـ سطّام ناخذه
قاعَد : تم و الف تم
ضحك وقال : اقول اذلف كمل شغلك بس انت اهم شي تطلع من الشركه عندك بس !
قاعَد : حمار وربي
-
فـ ارجاء قصر آل حمد
فـ الصاله تحديداََ ، نهى : ي بنات والله طفش
رهف : اي والله لا شغل ولا مشغله
عهد : والله هيون ما شاء الله محظوظه شاغله نفسها بـ المستشفى اههخ بس
نهى : ياخي مشينا نتوظف بـ الشركه
ضحكت عهد وقالت : والله تم
ضحكت نهى وقالت : تعجبينيييي ، رهوف وانتي ؟
رهف : اقول مشينا ناخذ لنا هواء بـ البحر مع الأجواء هذيي تكفون
نهى : مشينا طيب
عهد : م اقول لا يلا معاكم ، و مشينا ناخذ لنا كوفي مره وحده
رهف : على حسابي لعيونكم
ضحكوا يقولون بصوت واحد : تممم
دخل عليهم تركي وقال : ما شاء الله تم و على حسابي وش عندكم ؟
رهف : تروك تكفى
تركي : وش ؟
نهى : تكفى تكفى ياتركي تكفى
ضحك وهو يشوف أشكالهم وقال : وش طيب شفيكم
نهى : بنطلع مع رهف فره بس بـ سيارتها
جلس وهو يفكر وقالت رهف : تركي تكفى لا تخليها ب خاطرنا ياخي
تركي : اي زين طيب لا تطولون ساعتين بالكثير وانتوا هنا تفهمون ؟ وانتي ي عهد ترا م درا عقاب اخوس
عهد : يوه خله يولي م راح يقول شي
ضحك وقال : اجل بكيفكم المهم يلا انتبهوا لكم
رهف : حاضرين
-
و عند الماس و جراح الي وصلوا بتعب لـ لندن ، دخلوا و خلعت الماس العباه و وقفت تعدل شعرها الي تناثر على وجهها وقال جراح : تونا واصلين استريحي
ضحكت وقالت : شرايك ؟
ابتسم وقال : م يزهى الا عليتس
ابتسمت وقالت : ياخي يجراح والله محد مدحني كثرك
ضحك وقال : ان م مدحت زوجتي بمدح من !
ابتسمت بخجل وهي تشوف حُبه لها من بداية زواجهم رغم ان م كان لهم اي تعارف ابداََ ، ارتاحت معاه جدا ، ابتسم وقال : طيب ناخذ لنا راحه ثم نطلع ؟
الماس : تم والله
وقفت قدام المرايه تبي تلبس السلسال حقها ، وقالت : جراح
فز وقال : لبيه
الماس : تعال سو لي سلسالي تعبت وانا احاول البسه
ضحك وقرب يمسك السلسال منها ، ابتسم وهو يبعد شعرها بيده ، يتأمل جمالها و جمال شعرها العسلي الي شد انتباهه ، قفل السلسال وقالت : حلو ولا اوخره ؟
جراح : لا تسأليني حلو او لا ! كلشي عليتس حلو
فزت تضمه و ارتعش قلبه وهو يشوفها بوسط احضانه ، رفع يده لـ ظهرها وحاوطها له ، مشاعر متلخبطه م يدرون وش هي هذي ! ، هل معقوله جراح حب الماس بعد م كان انسان ضد الحُب و كان يقول مستحيل احب ! ، هل معقوله الماس ارتاحت مع جراح و حبته صدق ؟ ابعدت من استوعبت الي صار وقالت : معليش تحمست شوي
ضحك وقال : تحمسي كلشوي ! والله ان حضنس راحه
جلست من احمر وجهها بخجل وقالت بينها و بين نفسها : اهه يربي والله اني تحمست مره وش ذا ي الماس !
-
( اضغطوا على النجمه ، و اتمنى عجبكم البارت 💕💕)
أنت تقرأ
مالوّم قلبيِ يوم تولع في ههواكِ ، مَحّلاه وصّفِك يحرِك خافقي كُله
Romanceرِواية : مالوّم قلبيِ يوم تولع في ههواكِ مَحّلاه وصّفِك يحرِك خافقي كُله - ثالِث رواية لي قريبا بإذن الله تعالى 🤩!! كَاتِبتكُم الجميلة : رهف القحطاني ✍🏻.
