مالوّم قلبيِ يوم تولع في ههواكِ ، مَحّلاه وصّفِك يحرِك خافقي كُله

~ 15 ~

للتذكير ..
قام عقاب و اتجه لـ مكتب هياء و دخل يقول : هيون اسمعي ، عالجوا امها و ان كان وشهو المبلغ انا الي بتكلف فيه طيب !
هياء : عقاب منجدك انت ! ذا مو اي مبلغ
عقاب بحده : ايه منجدي سوي الي قلت لس عليه ونا بدفع المبلغ كامل و الباقي على الله
هياء : طيب ابشر
-
بـ شركة ال حمد تحديداََ ، دخل الموظف حامد ل مكتب ابو عقاب وقال : السلام عليكم استاذ سهم
نطق يقول : عليكم السلام ، تفضل طال عمرك
دخل حامد و قعد مقابل ابو عقاب يقول : شسمه ابي افتح موضوع بس مهوب خاص ف الشغل يعني
ابو عقاب بتعجب : عسى خير ي حامد فيه شي ؟
حامد : اسمع ي عمي ، فيه من بناتكم ثنتين يشتغلون هنا اظن اساميهم نهى و عهد ال حمد
ضحك ابو عقاب وقال : ايه انا فهمتك من الحين ، عاجبتك وحده منهم وش ؟
ضحك حامد وقال : لا لا ، فيه وحده دايم تجيبهم مادري هي بنتك ولا لا ، بس والله ي عم ان من شفتها خذت عقلي كل تفكيري فيها وانا ودي اتقدم لها على سنة الله ورسوله
قطب حاجبه وقال : وحده دايم تجيبهم ؟ لا يكون قصدك رهف ؟
حامد : اييواا هذي رهف
ابو عقاب : والله ي حامد انت منا و فينا و انا اعرفك و اعرف ابوك ما شاء الله عليك رجال طيب و اصل ، بس ذي بنت اخوي مب بنتي وانا ان شاء الله اكلمهم و نعطيك خبر بأذن الله
ابتسم وقال : والله م تقصر
طلع حامد من المكتب و كان أبو عقاب فـ راسه مليون سؤال ( متى شافها ، شلون عرفها ، كيف حبها ! ) طلع من مكتبه و نزل متجه يركب سيارته ينزل للبيت ، نص ساعه بالكثير و وصل للبيت بحكم انه البيت مو بعيد
-
و فـ ارجاء قصر آل حمد ، فزوا على صوت الجرس ، قامت رهف و دخلت للمجلس تقول : تستعبطون ؟ قوموا شوفوا مين تنتظروني انا اقوم افتح وش
ضحك سطّام وقال : بنقوم بنقوم
رجعت رهف للصاله و قام سطّام يفتح الباب و كان الموجود ابو عقاب ( سهم ) قطب حاجبه وقال : عمي سهم ؟ عسى م شر راجع بدري
ابتسم وقال : ابد الخير جاي ، ادخلوا انتم جايكم للمجلس
دخل سطّام و دخل وراه ابو عقاب للمجلس ، نطق قاعَد : اووه يبه شسالفه
ابو عقاب : سطّام رح ناد ابوك
سطّام : سم
قام سطّام و نطق قاعَد : يبه فيه شي ؟
ابو عقاب : لا يولد اصبر بتعرف
دقايق و دخل سطّام مع ابوه وقال ابو تركي : سهم ؟ يقولون تبيني عسى خير ان شاء الله
نطق ابو عقاب : والله ي عادل جاي اعلمك بس ، نهى و عهد يشتغلون ب الشركه وانتم تدرون من الي ياخذهم دايم وهي رهف بنتك
سطّام : ي عم والله وترتني فيهم شي البنات ؟
ابو عقاب : لا لا ، عندنا موظف من الشركه انا اعرفه و اعرف ابوه ونعم فيهم رياجيل م منهم قصور ، جاني اليوم يقول انه شاف رهف بنتك و اُعجب فيها و يبي يتقدم لها ومن ذا الكلام ، وهو يحسب ان انا ابوها ف قلت له نشوف كيف و نتواصل معاك عاد العلم جاك يبو تركي ونت شف كيف وانا اقولك الصدق حامد ذا رجال ونعم فيه
فتح قاعَد عيونه بصدمه وقال : حامد م غيره ! و يبي رهف م غيرها !!!!
ابو عقاب : اي بالله
ابو تركي : قلنا رجال ونعم ، بس نشوف رهف وش تقول و عسى خير ان شاء الله
فك قاعَد ازرار ثوبه وهو يحس بكتمه مايدري وش مصدرها ، طلع من المجلس ياخذ نفس و صادف رهف الي كانت تناديه لف وقال : سمي ؟
رهف : من جاء ؟
قاعَد : ع..مي سهم جاء
رهف : ايه صار شي وش ؟! حسيتك مرتبك
قاعَد : ها لا م صار شي
رهف : اي طيب
دخل قاعَد وقال : يبه عقاب ف الشركه ؟
ابو عقاب : يقولون راح يخلص كم شغله بس تلقاه رجع
قاعَد : طيب
طلع و ركب سيارته ، فتح الدريشه من بدا يرفع زيقارته يحطها على طرف شفايفه ، حس بـ كتمه ف صدره هل هو صدق حب رهف و يبيها له ؟ والا مجرد شعور و يروح مع الوقت ؟ م اخذ من وقته و وصل للشركه ، زفر يومي الزيقاره و يعدل شماغه ، دخل للشركه و بدون تفكير اتجه علطول لـ مكتب عقاب ، فتح الباب و لمح عقاب الي كان مشغول ، تقدم يدخل و قعد قدامه و قال عقاب : احسبك م بتجي
قاعَد : هو م كنت بجي اساسا
قطب حاجبه وقال : قاعَد ؟ عسى م شر يخوك
قاعَد : حامد
عقاب : شفيه ؟ بسم الله
قاعَد : يبي يتقدم لرهف
فتح عقاب عيونه بصدمه وقال : كذوبب !!! وشلون لحظه ؟ و هي وافقت !
قاعَد : والله يخوك يقولون شافها صدفه ف الشركه و صار الي صار الحين
عقاب بهدوء : ايه وانت الحين ليه متضايق ؟
قاعَد : م ادري ي عقاب م ادري
عقاب : ان كانك صدق حبيتها و تبيها ترا بنت عمك تقدر تقول ل عمي عادل وماني شاك ابدا انه بيرفض ! م راح يرفض ولد اخوه عن الغريب
قاعَد : عقاب شلون اطلب يد البنت وهي م تدري اني حبيتها ولا تدري عن شي ولا نمون على بعض
عقاب : طيب م تدري يمكن ترفض هي
قاعَد : واذا وافقت ؟
عقاب : واذا وافقت الله يوفقهم و يتمم لهم على خير
اخذ قاعَد نفس عميق و زفر بهدوء وهو يحس مابيده اي حيله
-
فـ بيت ابو نياف تحديدا بـ الصاله الكل متجمع فيها ..
ام نياف : الماس ي بنتي وشخبار جراح ؟
الماس : ابد يمه الحمد لله
علي : وراه م نزل معاتس
الماس : والله ما ادري قال وراه شغله بيخلصها
ام نياف : اي زين عسى استانستي
ابتسمت وقالت : اييه مره الحمد لله
علي : ايه زين الحمد لله .
الماس : نياف وينه و معاذ وينه م يبون يستقبلون اختهم !
ضحك علي وقال : مشغولين هم بعد
ابتسمت وقالت : امم طيب
-
بـ المستشفى تحديدا ، دخل جراح مثل المجنون يدور على وهج ، كل تفكيره بـ اهله هل صار لهم شي ؟ .. ، من سرعته صدم بـ هياء الي فزت تناظره برعب وقالت : بسم الله !! انتبه حولك اخوي
جراح : معليش ، ي دكتوره انا جاي اشوف امي و اختي !
هياء : وش الاسم ؟
جراح : وهج ال جراح !
فتحت عيونها بصدمه وقالت : انت اخوها ؟
جراح : ايوا
هياء : موجوده وهج بـ الحديقه الخارجيه و امك بالغرفه
طلع جراح منسحب للـ حديقه الخلفيه و لمح وهج الي جالسه لحالها بوسط الناس ، تقدم لها و قعد جمبها وقال : وهج ..
فزت على صوته و بدون م تحس ضمته بقوه و طاحت دموعها وقالت بصوت متذبذب : جراح ماما بين الحياه والموت !!
ارتعش قلبه و قال : بسم الله عليها لا تقولين كذا !! بندور لها علاج ولو وش كان
ناظرته وقالت : طيب والمبلغ كبير !
جراح : انا ادبره
اخذت نفس عميق وقالت : طيب بس تكفى عجل
جراح : امسحي دموعتس و ارجعي البيت بدلي ملابستس و ريحي ثم تعالي و بخلي دنو تجي بدالتس اليوم
وهج : تمام
تقدم جراح يدخل متجه لـ مكتب هياء ، لين وصل و دخل بهدوء وقال : السلام عليكم
هياء : عليكم السلام تفضل
جراح : شسمه ي دكتوره فيه علاج لأمي زي م قلتوا
هياء : فيه ايوا
جراح : طيب أبدوا ب العلاج و المبلغ انا ادبره
هياء : بدينا فيه
جراح بصدمه : ها ؟ متى و شلون و المبلغ ؟
هياء : تكلفنا بـ المبلغ و بدينا العلاج
جراح بهدوء : منهو الي تكلف ب ذا المبلغ ! الكبير !
ابتسمت وقالت : عقاب بن سهم آل حمد ، اسال اختك و بتقولك من ذا
ناظرها وقال : طيب
طلع جراح و نزل يركب سيارته و ركبت وهج معاه ناظرها وقال : بدوا علاج امي من اليوم
شهقت وقالت : احححلف !
جراح : اي بالله
ابتسمت وقالت : ووشلوون كذا وش سويت انت
جراح : والله مب انا ، تقول الدكتوره واحدن تكلف ب ذا المبلغ كله و قال أبدوا العلاج
قطبت حاجبها وقالت : ذا المبلغ كله ! منهو ذا
جراح : عقاب بن سهم آل حمد
انصدمت وهج وقالت : كذااب
جراح : اي والله ذا الاسم الي قالته الدكتوره
وهج : جراح تدري ذا ابوه مؤسس الشركه الي اشتغل فيها ! وهو مدير ذي الشركه
جراح : في ذمتس ! ما شاء الله ونا اقول منهو الي بيأخذ ذا المبلغ كله
وهج : و ازييدك من الشعر بيت ، الدكتوره تكون اخته
ضحك وقال : ما شاء الله
وهج : يازينهم والله م قصروا ابد لا داخل الشركه ولا برا
ابتسم جراح وقال : الله يجزاه خير م قصر
وهج : ايه والله ..
-
فـ ارجاء قصر آل حمد ، بـ المجلس الكل متجمع بعد م خلصوا اشغالهم .. و فـ جناح ابو تركي نطق يقول : اسمعي ي رهف
رهف : سم يبه
ابو تركي : ي بنتي جوس الخطاطيب
فزت وقالت : بسم الله من بعد
ابو تركي : بتعرفينه ي بنتي يشتغل بـ شركة عمس ، شافتس الرجال و يقول يبي ياخذتس على سنة الله ورسوله ، و حنا نعرفه رجال ونعم فيه م منه قصور بس قلنا ناخذ رايتس و شوفي كيف
رهف : يبه من ذا !
ابو تركي : حامد بن محمد آل ناصر
اخذت نفس وقالت : طيب ، عطني فتره خل افكر و اشوفه و اعطيك خبر
ابو تركي : خذي راحتس و تذكري منتي مغصوبه على شي !
ابتسمت وقالت : ان شاء الله
طلع ابو تركي ، وقالت رهف : يمه
ناظرتها ام تركي وقالت : هاه
رهف : وش تشوفين انتي
ام تركي : والله ي بنتي استخيري وان كان ارتحتي الله يوفقس ان شاء الله
رهف : اههخ يربي عسى خير ان شاء الله
..
بـ المجلس تحديدا بعد م نزل ابو تركي لعندهم ، نطق ابو عقاب : ها شقالت ؟.
ابو تركي : ابد تقول تبي تفكر و تشوف كيف
ابو عقاب : يالله عساها خير ان شاء الله
ناظر قاعَد لـ عقاب وقال : تحس بتوافق ؟
عقاب : ونا شدراني ي قاعَد اهدا انت بعد
سطّام : شبلاكم؟
عقاب : ابد عن الشركه
تركي : يبه منهو ذا حامد ؟ انا ابغى اشوفه م راح اخلي اختي تتزوج واحد م نعرفه
ابو تركي : ومن قال م نعرفه ي تركي اختك هي بنتي م راح اعطيها للغريب !
قاعَد : والله م ادري ذا حامد من وين طلع لنا
ضحك سطّام وقال : تشوف ! قال شفتها و حبيتها مسلسل هو وش
ابو تركي : زي م انت حبيت هياء
قاعَد : بس هياء بنت عمه ي عم ماهيب بنت م يعرفها
سطّام : الله عليك
ضحك ابو تركي وقال : شبلاكم انتم ؟ مب عاجبكم الرجال وشو
عقاب : مب سالفة عاجبنا ولا ، هو حنا م عرفناه ولا قعدنا معاه ولا ندري وش وضعه و من هالكلام
تركي : صح كلامه
ابو تركي : عسى خير ، الرجال بيأخذ رهف م بياخذكم انتم
ابو عقاب : الا منصور وينه ؟
ضحك تركي وقال : ذا نسينا انه من العائله
ابو تركي : هو الي نسانا نايم عند اخوياه لا حس ولا خبر
انفجروا يضحكون و كملوا سوالفهم و غيره ..
-
يُتبع
-
( اهلا اهلا بالششيووخ ، اتمنى البارت عجبكم و اعذروني على القصور و الأخطاء الإملائية ، اضغطوا ع النجمه لأجل نكمل سوا ، قراءه ممتعه 💞)