مالوّم قلبيِ يوم تولع في ههواكِ ، مَحّلاه وصّفِك يحرِك خافقي كُله

~ 19 ~

للتذكير ..
طلعت الاء و زفرت رهف تلعب بـ جوالها ، ناظرها قاعَد من فتح عينه و لف عليها يقول : متى جيتي ؟
فزت تسكر جوالها وقالت : توني والله
قطب حاجبه يقول : وينس طولتي
حكت شعرها تقول : رجعت البيت بدلت ملابسي وجيت
زفر يقول : اها ، كان قعدتي ف البيت والله م يحتاج من امس وانتي هنيا
رهف : قاعَد خير وش ذا الكلام ! بقعد ما وراي شي انا كذا ولا كذا قاعده فاضيه لا شغل ولا مشغله
ابتسم وقال : يلا زين الي تبينه
-
و في شركة ~ A.H.C ~ مشى عقاب يتجه لـ مكتبه ، و دخل و قاطعه دخول وهج وراءه وقال : توني ما قلت بسم الله توني
ضحكت بصمت تحس بـ احراج وقالت : معليش والله ، بس ينتظرونك بـ مكتبي
لف عليها يبتسم وقال : طيب ناديهم ..
طلعت وهج تركض لـ مكتبها و دخلت تقول : تفضلوا معاي المدير جاء
وقفوا تميم و حور يمشون معاها متجهين لـ مكتب عقاب ، و دخلوا و نطق عقاب يقول : تفضلوا
ابتسم تميم وقال : زاد فضلك
اخذ عقاب نفس و بدأ يتحدث معهم عن الشغل و القوانين و غيره و قال : نقدر نقول الله يوفقكم
نطقوا بصوت واحد : امين وياك ..
وقف يقول : وهج انتي خذي الاستاذه حور لـ مكتبها وانا باخذ الاستاذ تميم معاي
نطقت وهج بذهول : أستاذه !
عقاب بحده : وهج ؟
وقفت بربكه وقالت : تفضلي معاي
ابتسم عقاب يقول : مشينا
طلعت وهج من مكتبه و مشت تقول : يلا مستعده تبدأين شغل بهالشركه ؟
ضحكت حور وقالت : مررره بس متوتره بعد اهه
وهج : شدعوه عادي يعيوني حتنا ف البدايه كنت كذا بس والله اني ماندمت ابداا اني اخترت هالشركه
حور : صدق ؟ حمستيني
وهج أشرت بيدها على المكتب وقالت : هذا مكتبس ، الحين تعالي معاي نمشي شوي و منها تاخذين فكره عن الشركه و الأماكن و كذا
حور : تمم ، الحين علميني المدير شلون طبعه و كيف النظام معاه و زي هالكلام
ابتسمت وهج وقالت : المدير عقاب ، الصراحه والله انه طيب و قلبه ابيض و ماشفت منه الا كل خير ، بس نقدر نقول عصبي و مايعجبه نظام كل شوي تاخذين اذن و زي كذا و عنده الشغل شغل تشتغلين بكل جديّه مايحب اللف و الدوران ، و مؤسس الشركه هو الاستاذ سهم الي يكون ابوه للأستاذ عقاب ، و كمان عنده اخته و اخوه و بنت عمه يعني بتلقين ناس كثير من اهله موجودين لازم تكونين حذره
حور بهدوء : حلو حلو ، عرفيني عليهم بعدين
وهج : ان شاء الله ، المهم الحين بروح شوي و دليتس ع مكتبس خلاص
حور : اا طيب شسمه ابي اعرف وين مكتب اخوي ؟
ضحكت وهج تقول : يويلي منتس شكلتس م تقدرين بدونه
ضحكت ترد : شدعوه شدعوه بس ابي اعرف
وهج : طيب لحظات بس انتظري هنا ، الاستاذ عقاب يبيني الحين
حور : ابد خذي راحتس
_
بـ المستشفى تحديداََ عند الماس ، اخر الليل .. بـ غرفة ام جراح ..
فزت الماس على دخول الدكتوره هياء ، نطقت الماس : عسى م شر يادكتوره ؟
ابتسمت هياء وقالت : ابد الخير جاي ، نقدر نقولكم انه الحين نقدر ناخذ المريضه ع البيت و تكمل علاجها هناك و لله الحمد
الماس بصدمه : صدق !!
هياء : ايوا خلصنا العمليه الحمد لله و مافيها الا العافيه
الماس : الله يسعدتس ع ذا الخبر
ابتسمت تقول : الحمد لله ع السلامه ..
الماس : الله يسلمتس ، بس شلون تكمل علاج فالبيت دام خلصنا العمليه ؟
هياء : بنعطيها علاجات تأخذها معاها لأن توها خلصت عمليه ف راح تحس بالم بين فتره و فتره و العلاج رح يخفف عنها الـ الم
الماس : اها ، خلاص تمام ..
اخذت جوالها بفرح تدق على الدانه و سرعان م ردت عليها تقول : دنووو
فزت الدانه برعب تقول : يمه لموس ماما فيها شي ؟
الماس : لااا بالعكس ، خلصت عمليه اليوم و يقولون يصير نطلعها من المستشفى
الدانه صارخت بفرحه تقول : كذذااااببه
الماس : والله والله
الدانه : خلاص الحين اجيي انتظريني
قفلت الماس الخط و جلست بهدوء تتنظر وصولهم ، و ماكانوا يبعدون عن المستشفى ابدا بحكم انه البيت قريب ، وصلوا و دخلت الدانه هي و نايف ، و نطق نايف : وينها ؟
الماس : غيروا غرفتها يقولون لازم ترتاح و بكره نطلعها تمام ؟
الدانه : يالله لك الحمد والشكر
ابتسمت و نطقت تقول : جراح م جاء ؟
الدانه : الا موجود تحت
الماس : امم زين ..
طلعوا من الغرفه و نطق نايف : اجيب لكم شي تاكلونه ؟
الدانه : ايه تكفى
نايف : اي زين
نطقت الماس تقول : طيب اسمعي انا بروح اجمع اغراضي بالغرفه و بجي
الدانه : تم
طلعت الماس الغرفه و طلع جراح لعند الدانه يقول : وين أمي ؟
شرحت له الدانه كلشي و نطق يقول : اها تمام و الماس ؟
الدانه : بالغرفه الي امي كانت فيها راحت تجمع اغراضها
هز راسه بمعنى انه فهم و طلع للغرفه هو كذلك و ابتسم يفتح الباب بهدوء و دخل شافها وهي ترتب المكان و قال : عيوني شقاعده تسوين ؟
فزت عليه تقول : يمه جراح متى جيت انت !
ضحك يقعد بالكرسي وقال : توني توني بسم الله عليتس وراتس خفتي
الماس : خرشتني عاد اهخ
ابتسم وقام يقرب منها يقول : طيب ، ترا جيت اخذتس للبيت
الماس : لييه جراح ! بقعد عادي عندي مسكينه دنو خل ترتاح ترا بكره خالتي بتطلع م بيصير شي لو ...
قاطعها يقول : طيب انا ابيتس ؟
بلعت ريقها بخجل تقول : جراح مو وقتك عاد
ابتسم وقال : طيب طيب بطلع انا بخلي دانه تطلع تساعدتس
الماس : تم
نزل جراح يعلم دانه و طلعت الدانه بعد للغرفه و دخلت تقول : لمووسي جيت اساعدتس
الماس : خلاص خلاص خلصت خذي معاي الشنط للسياره ، و شسمه انا برجع للبيت
الدانه : ابد تم
نزلوا اثنينهم لتحت و حطوا الشنط بالسياره و ركبت الماس تقول : اهخ ياكثر التعب
ضحك يقول : انفداتس يادنيتي و فوق ذا كله تبين تقعدين بعد لين بكره
ضحكت تقول : اييه عادي
ابتسم يبوس يدها بحب وقال : م تقصرين قعدتي مع امي اليوم م يحتاج لين بكره و دنو موجوده
ابتسمت تاخذ يده كذلك و تبوسها بخجل وقالت : مابه قصور ياحبيبي
فتح عيونه يضحك وقال : اخخ منتس
ابتسمت تناظره بصمت و كمل طريقه للبيت ..
-
و كذلك بـ المستشفى بـ غرفة قاعَد ، فتح عيونه على رنين الجوال و فز يناظر حوله ، و ارتخى يبتسم وهو يشوف رهف الي متكوره ع الكرسي و نايمه بـ براءه ، نسى رنين الجوال و كلشي تم يتأمل وجهها و جمالها الهادي ، و ماحس الا بدخول هياء عليهم و فز بربكه وناظرها يهمس : اشش البنيه نايمه
هياء بهدوء : طيب طيب ، تبي شي تأكله ؟ م اكلت شي
قاعَد : ايه ايه وادخلي بشويش
ضحكت تقول : يويلي منك ! م بسوي ازعاج ارتاح
طلعت هياء و قام قاعَد من مكانه يمشي بهدوء ، و اخذ له جاكيت خاص فيه و قرب يغطي رهف فيه بحكم ان المكان بارد وقال : والله ماعندنا الا ذا نغطيتس فيه
و مشى يرجع للسرير و انسدح بهدوء و زفر من حس بألم و دخلت عليه الدكتوره الاء و قربت تقول : تبي شي ؟
قاعَد وهو يأشر على مكان العمليه : لا بس وش ذا الألم الي جاني الحين
الاء : يوجعك ؟
قاعَد : شوي
الاء : طيب لحظه الحين لازم تاكل عشان نعطيك مسكن الم و تنام و مافيك الا العافيه ان شاء الله
زفر وقال : طيب
الاء : اجيب لك شي تأكله ؟
قاعَد : لا لا خلاص هياء راحت تجيب لي
زفرت وقالت : طيب ، و الأخت الكريمه الي هنا جت تنام ؟ ترجع البيت ابرك وجود و عدم واحد
فتح عيونه بصدمه وقال بـ حده : وانتي شدخلتس ؟ اشتغلي شغلتس زين الناس و اطلعي برا الحين لا عاد تجين لغرفتي فاهمه ؟
الاء : اووه ذا كله عشان هذي ؟
قاعَد بعصبيه : وشو الي هذي ؟ هذي لها اسم وانا اقول الحين اذلفي برا مابي اشوف رقعة وجهتس
فزت رهف برعب من علو أصواتهم و نطقت تقول : يمه شفيكم شسالفه
طلعت الاء و نطق قاعَد : لا ابد م عليتس منها
وقفت بتعب تقول : فيه مويه
قاعَد بتعجب وهو يناظرها : فيه فيه هنا
قربت تمشي تتجه تاخذ لها ماء و قالت : قاعَ..د بروح شوي و بجي طيب
َمسكها من يدها وقال : يارهف وراتس كذا وجهتس تعباانن مره
صدت بعدم رد تتجه صوب الباب ، و وقفت بهدوء من حست انها تشوف الدنيا بعيونها ضباب ، وقفت تفتح الباب و ماكملت تفتحه الا تطيح ع الارض مغمى عليها ، وقف قاعَد يركض لعندها برعب و أخذها بحضنه يطبطب على وجهها وقال : رهف ياارههف
قاطعهم دخول هياء الي انصدمت من المنظر الي شافته وقالت : بسم الله الرحمن الرحيم ، شفييهاا بعد
قاعَد : م ادري م ادري طاحت هنا فجأه كانت بتطلع
اخذتها هياء تمسكها بحضنها وقالت : لا تجي اقعد
طلعت هياء تركض تأخذها لاقرب غرفه تفحصها ..
-
و بـ شركة ~ A.H.C ~ ، طلع عقاب من مكتبه وهو يحس ان طاقته خلصت من هاليوم الي يبيه يخلص بخيره و شره ، زفر و صادف حور الي كانت تمشي بالشركه تلف بعيونها تناظر تايهه ، تصادمت معاه و بلعت ريقها بتوتر تقول : معليـ..ش بالغلط
ابتسم يقول : الأمور طيبه
صد يكمل طريقه و قاطعها صوتها وهي تناديه : عفوا استاذ عقاب ممكن شوي
لف عليها يقول : تفضلي ؟
حور : ابي اعرف وين مكتب تميم اخوي ؟ قلت للاستاذه وهج و نست تعلمني ..
عقاب : بالدور الثالث ع اليمين اول مكتب
ابتسمت تقول : تسلم
ابتسم يردد : الله يسلمتس
طلعت حور تسابق خطواتها لفوق الين ما وصلت لـ مكتب تميم ، دخلت تقول : تمييموووهه
فز و ضحك يقول : اووه حوورر
ابتسمت تدخل و جلست أمامه تقول : ها شرايك بالشغل
نطق بذهول يقول : فنااااان فناننن
ضحكت تقول : اي والله اتفق ، الله يوفقنا بس
ابتسم يردد : امين يارب
.
و بالدور الثاني ، عند عقاب الي كان يمشي الين ما وصل لـ مكتب وهج ، طق الباب بهدوء و دخل من قالت له يتفضل و ابتسم يدخل يقول : عساتس بالقوه
ابتسمت تقول : ويااك يامديرر
ضحك يقول : يامدير ؟ حلو والله
ضحكت و بانت غمازتها الي سحرت عقاب و لعبت فيه لعب و رددت تقول : ايه شعرفك بس
ارتخى يتأمل لطافتها و جمالها الهادئ ، و سكت من نطقت تقول : عسى م شر تبي شي ؟
زفر يقول : لا والله جيت اشيك عليتس و توني بطلع راجع البيت
وهج : اهاا ، اجل بحفظ الله
ابتسم يقول : وياتس
-
و فـ بيت ابو جراح ، نزلوا جراح و الماس بعد م وصلوا للبيت ، و دخلوا متجهين لـ غرفتهم ، زفرت الماس تنسدح ع السرير بتعب ونطقت تقول : بتنام ؟
ناظرها يقول : جاي لحظه
ضحكت تفتح له حضنها و رددت تقول : تعال تعال
ارتعش قلبه و ابتسم بـ حُب يتقدم لعندها ، قرب ينسدح على السرير و يتمدد بوسط حضنها الدافيء ، ابتسمت تلاعب بـ شعره و قالت بهدوء : جراح
نطق يقول : يابعده
تبسمت تقول : اا بقولك شي
جراح : ها عيوني وشو ؟
الماس : بروح هالاسبوع عند اهلي ..
جراح وهو يحس النوم دخل عيونه نطق يقول : طيب اخذتس لعندهم مو مشكله
الماس : بنام عندهمم
فتح عيونه يناظرها و نطق يقول : اسبوع ! عسى ما شر
الماس : اشتقت لماما و بيتنا ياخي
ابتسم يشد عليها و قال : وانا وشلون اقعد بدونتس ماقدر ! بتروحين و تخليني ؟
ضربته على راسه بخفه وقالت : عساس انت م تخليني عشان شغلك ها
ضحك يقول : اخليتس اسبوع ؟ قولي ثلاث ايام
الماس : طيب ثلاث ايام
تنهد يغمض عيونه وقال : ماراح اقولتس لا متى تبين
الماس : بكره ان شاء الله
جراح : اما عاد ، امي بترجع بكره و بتجي زوجة عمي وعاد انتي العروسه الجديده لازم تكونين موجوده
انفجرت تضحك وقالت : العروسه الجديده ! مقدرر
ابتسم يدفن وجهه بوسط صدرها و يطبع قُبله بكل حُب ، شهقت تضربه على ظهره : وخر وخر
ضحك وقال : قلتي لي تعال تحملي الي قلتيه
ابتسمت وقالت : طيب حبي نوم خلاص سولفنا واجد
ارتخى يبوس يدها الي تلاعب بشعره وقال : ياجعل هاليدين م تمسها النار يابعد جراح
ناظرت له بـ براءه وهي تشوف مدى حُب جراح لها وقالت : احببكك احبك
ضحك يقول : وانا ولد ابوي ! والله مب كثري والله !
و كملوا سوالفهم الين م غفى جراح و غفت الماس وراءه
-
و بـ المستشفى تحديداََ بـ الغرفه عند رهف ، نطقت هياء تقول : رهوف ي حيوانه خرشتيني احسب صار لتس شس انتي بعد ! ليه مو ماكله شي
زفرت رهف تقول : انشغلت عاد و قعدت يومي كله ع المويه
ابتسمت تقول : حصل خير
فزت تقول : قاااعَد ! لحاله ؟؟؟
هياء الي انفجرت تضحك : ايه لحاله ، مهوب ورع ماعليه شي خليه انتي الأهم هنا
قاطعهم دخوله الي صدمهم ، و نطق يقول : رهيف ! فيتس شي يابوي ؟
رهف بهدوء : لا لا مافيني شي انت رح غرفتك ارتاح ليه تطلع اصلا !!
قاعَد : وش الي ليه اطلع من امس وانتي عندي شلون م اجي اشوف وضعتس
رهف : هذاني قدامك مافيني شي اهدا
قاعَد : الحين بترجعين للبيت والله ماتقعدين عندي و تتعبين نفستس ، وانا م علي شي بكره طالع خلاص
تنهدت تقول : ي قاعَد !
قاعَد بجديه : رهف اسمعي الكلام
زفرت تقول : طيب خلاص ..
-
صباح جديد مليء بـ الطاقه ، و تحديدا فـ ارجاء قصر آل حمد و بـ الصاله تحديدا ، نطقت ام تركي : يلا يلا الشيخ بيرجع لازم له ترحيب
ضحك سطّام يقول : ليه كل هذا ليه
ام عقاب وهي تضحك : ما قالوا لك الشيخ جاي
سطّام : افا بس وانا م سويتوا لي كذا
ضربته هياء على راسه بخفه : مافيك الا العافيه
ضحك يقول : الحمد لله
دخلت عليهم رهف الي نطقت تقول : وش قالوا متى جايين ؟
ام تركي : تركي يقول انهم بالطريق
ام عقاب : يالله ان شاء الله يرجعون ب السلامه
ردوا بصوت واحد : ان شاء الله ..
-
وفبيت ابو جراح ، بعد رجوع ام عباس من السفر نزلوا لـ بيت ابو جراح تحديداََ
زفرت ام عباس بقرف وقالت : م لقيتوا الا ذي تاخذونها لـ جراح ؟ بنت عمه مو ماليه عينه ليه
ضحكت ام جراح وقالت : عيب عليتس والله البنت كامله و الكامل الله و بنتس م بها شي بس هذا المكتوب ، و بعدين رجعتي من السفر خليتس من هالسوالف
ابتسمت تتصنع اللطف وقالت : ايه صح ، الحمد لله على سلامتس ، ما شاء الله باقي فيتس طاقه مو مبين انتس مسويه عمليه ابداا
ام جراح : والله الحمد لله على كل حال من بعد الله ثم العلاج
ضحكت بـ خبث و اخذت جوالها ترسل لـ عباس وقالت : يلا يوليدي
دخل عباس وقرب يسلم على ام جراح وقال : شخبارتس يعمه
ام جراح : بخير الحمد لله وينك مختفي
عباس : ابد والله الأشغال و هذا حنا راجعين من السفر
صفاء : ااء عمه وين الماس ؟
ام جراح : بـ غرفتها تجهز و نازله
عباس بعد ماسمعهم نطق : بروح اخذ لي كوب ماء
ام عباس وهي تحاول م تبين شي قالت : تعالي مشينا ل برا الجو زين
ام جراح : اي والله مشينا
طلعوا كلهم لـ برا ، اما عند عباس الي كان ناوي على شر ، و يبي يفرق بين الماس و جراح لأجل يكون جراح بـ صفاء فقط ، طلع للـ طابق العلوي و تقدم صوب غرفتهم ، دق الباب بهدوء ، فتحت الماس الباب و قطبت حواجبها تقول : عفوا غلطان ؟
فتح الباب و دخل و قفله بقوه ، وقال : لا اسمع لتس حرف !
الماس بخوف وهي تبعد عنه : انت شتبي !! وش سويت لك انا استح على وجهك تدخل غرفة وحده متزوجه 
قاطعها وهو يتقدم لها بخبث وقال : متزوجه ؟ ذا بيكون فعل ماضي يحلوه
الماس وهي ترجع خطواتها لـ وراء كل م قرب منها الين م صارت لاصقه ب الجدار قالت بحده : ابعدد عنيي يالوصخخ جراح إذا شافك بتندم قسم بالـ...
م حسوا الا بـ دخول الدانه الي شهقت من شافت عباس بـ الغرفه و كان جراح وراءها وقالت : يويل حالي عباس وش تسوي هناا انت !!!
تجمد جراح بـ مكانه من شاف عباس الي كان قريب جدا من الماس و بينهم مسافات قليله مره دخل وقال : الماس ؟؟
ابعدت الماس من عباس و قربت لـ جراح وقالت : جراح قسم بالله هو الي دخل علي بـ الغرفه والله العظيم اني م ادري عن شي كنت قاعده و فجأه دخل و قعد يهددني
عباس وهو يسوي نفسه مصدوم : كذابه !! انتي ناديتيني و تسوين نفستس طالعه منها
سحب جراح عباس بقوه وقال بصوت عالي و عصبيه : انت وش تسوي بـ غرفتي و عند زوجتي ! ياللي ما تستحي على وجهك
عباس وهو يحاول يبعد من جراح الي كان شوي و يقطع انفاسه : وخرر اسال زوجتتكك
مسك جراح عباس و رماه لـ برا الغرفه وقال : تدري لو اطلع و اشوفك هنا ، والله والذي نفسي بيده افتح قبرك اليوم ي عباس هذاني حلفت !
طلعت دانه وهي مصدومه من كلشي شافته
اما الماس الي غرق وجهها بالدموع نطقت تقول : والله و يشهد علي انه هو الي دخل قسم بالله جرااحح انا م بكذب عليك والله مالي علاقه فيه ولا اعرفه
جراح بـ عصبيه قال : اتفاهم معاتس بعدين
طاحت الماس و دموعها تسابقها : م تثق فيني !! وانا اقول له لو يشوفك جراح بتندم هذي اخرتها ؟ جراح انا احبك وش ابي ف عباس وش ابي فييه
طلع و قفل وراه الباب وهو داخل بـ صدمه مو مصدق الي شافته عيونه
ركضت وهج مسرعه لـ الغرفه تدخل على الماس وقالت : الماس شصار !
الماس بصوت متذبذب : وهج والله العظيم اني م سويت شي قسم بالله ان عباس الي دخل علي ، جراح مو مصدقني ولا وش شلون طلع بدون مايقول كلمه  !!
وهج وهي تحاول تهدي الوضع : لموس يعيوني الرجال شافكم ف غرفه وحده وش متوقعه اكيد رح ينصدم
الماس : وهج ! اخوتس بيطلقني وش اقول لأهلي اناا
وهج مسكت يدين الماس وقالت : الله لا يقولها مافيه طلاق ان شاء الله يوم و يهدى و ان شاء الله كل خير
دخلت ام جراح بصدمه وقالت : الماس ي بنتي وش صار
وقفت الماس وقالت : ي خاله انتي م شفتي عباس تحت !!
ام جراح : الا شفته جاء سلم علي
وهج : و بعدها وين راح ؟
ام جراح : قال بروح اخذ لي ماء
جلست الماس وهي غارقه بـ الدموع و تشاهق : يخاله الوصخ عباس دخل علي الغرفه يبي يتحـ#رش فيني و دخل جراح فجأه و شافه قريب مني و الحين طلع بدون لا يقول شي ي خاله بيطلقني !
ام جراح : لا اله الا الله محمد رسول ، وانا اقول ام عباس شبلاها متوتره هالزود
الماس : يخاله تكفين قولي ل جراح تكفين فهميه اني احبه ولا لي علاقه بـ عباس ولا اعرفه حتى
ام جراح : من عيوني يمه بكلمه خليه يهدى الحين تو الرجال طلع معصب
قاموا وهج و ام جراح يطلعون و قامت الماس الي جلست بوسط السرير ، و انهارت تصيح بقهر و خوف ، رفعت جوالها تدق على نياف اخوها ياخذها لعندهم ، و بحكم ان نياف كان حول البيت وصل بسرعه ، نزلت الماس و ركبت للسياره وهي تصيح ، تجمد نياف يشوفها وقال : بسم الله وشبلاتس انتي جراح مسوي شي !
الماس وهي تشرح له كلشي بالتفصيل ، انصدم نياف وقال وهو تشتعل نيران بداخله : وين ذا عباس ابن الكـ/لب ! والله م اخليه
الماس : خلاص ذا موضوعه بعدين ي نياف انا وش اقول لامي و خواني والله جراح صدمني شلون كذا طلع بدون ما يقول شي !
اخذ نياف نفس بعمق وقال : انتي ما سويتي شي غلط ، و جراح مهوب خبل عشان ما يوثق بـ زوجته ، اصبري خلي الرجال يهدا و انا بتكلم معاه بعدين طيب ؟
الماس وهي تمسح على وجهها : طيب مرني للصيدليه شوي
نياف : طيب
-
و فـ بيت ابو طارق ..
نزلت لين الي تدور على تميم و نطقت بهدوء : جده
فزت ام طارق وقالت : ها يا ليونه
لين بملل : وين عمو ؟ ما اسوفه
ام طارق : ياحبيبتي عمو مداوم
زفرت تقول : كل مره مداوم ! عمو م صار يحبني خلاص
ضحكت عُلا تقول : لين ياقلبي عمو مداوم شلون ما يحبتس
لين : وينه استقت له ، بوريه العابي
الجود : بعدين توريه بعدين
ام طارق : صح بعدين اذا جاء بقوله
ضحكوا يكملوا سوالف و فزت الجود على صوت المنبه و قالت : بطلع اصحي طارق و بجي
عُلا : ابد خذي راحتس
ابتسمت و طلعت بهدوء و تقدمت تدخل للغرفه ، دخلت و نطقت تقول : طروق ؟
طارق الي تهمهم يقول : همم
مشت الجود بهدوء تمشي صوب السرير ، و كانت الغرفه مظلمه ، نطقت تقول : قم خلاص الوقت
طارق وهو يضحك : وينتس انتي
حطت يدها على يده تقول : هذي انا هنا
ابتسم يسحبها لعنده و قال : تعالي ابيتس
الجود بـ عصبيه : طارق والله بصفقك قم بسرعـ..
قاطعها من قبلها على ثغرها ، و ابتسم يقول : ليه تعصبين ليه ؟ زوجتي م قاعد اسوي شي غلط !
وقفت تشغل الضوء و قالت : طيب ياحبيبي زوجتك بتعطيك خبر الحين ، لان الظاهر ضروري اعلمك
فتح عيونه وقال : وشهو بعد
قربت الجود تقعد أمامه بالسرير و ضحكت تقول : مستعد تصير بابا للمره الثانيه ؟
شهق بصدمه و فز يقوم وقال : في ذمتس
الجود : ايي والله
قرب يضمها بـ فرح ، و اخيرا بعد سنين ، ابتسم وقال : اييه جيبي لي هالاخبباار الي تسررني
ضحكت تضربه على ظهره و نطق يقول : من متى ؟
الجود : اا ، انا فحصت هاليومين و طلع حامل و محد يدري الا انا و خواتك و امك
طارق : يالله لك الحمد ، والحين لا اشوفتس تتعبين نفستس
زفرت تقول : يليل يلليييلل منكم
ضحك يقول : ومن حقي اخاف عليتس ! علمتي لنو ؟
الجود : لا لا خلها بالليل لا طلعنا فوق بعلمها الحين الأخت مشغوله تدور على تميم
ضحك يقول : ايه زين ، انزلي انتي وانا بلبس و جايكم
الجود : تم
-
و فـ بيت ابو جراح ، دخلت ام جراح للصاله بهدوء و قربت من جراح الي احمرت عيونه و بانت عروق يده من عصبيته ، و نطقت تقول : جراح ، ياولدي الله يهداك انت تدري بـ زوجة عمك و ولد عمك قليل الادب ، ليه تسوي بالحرمه كذا والله لو تشوف دموعها وهي تصيح و تقول لي انا و خواتك انها تحبك ! ولا تشوف غيرك ليه سويت كذا المفروض انت توقف معاها مو تطلع بدون ماتقول شي والله ان البنت انقهرت منك وشلون كذا انت ما توثق بـ زوجتك ؟
بلع ريقه وهو يتذكر كلشي و نطق يقول بنبرة متعبه : يمه انا شفت ولد عمي و زوجتي بغرفه وحده ! و قريب منها يا يمه لمسها و شاف شعرها !! شاف زوجتي يمه افهميني تكفين والله ان حسيت روحي بتطلع من مكانها قسم بالله مو قادر اتنفس
قربت تسمي عليه وتنطق : بسم الله على روحك ، لا تقول كذا ! مهما شفت و مهما صار تضل زوجتك و تكون واثق فيها ان هي ماتسوي هالعمايل البنت قد نامت عندي و اهتمت فيني والله انها وحده من بناتي و مارضى عليها ! و شوفةة عينك هذي هي راحت عند اهلها ، وانت لو فيك مخك ما راح تطلقها
تنهد يغمض عيونه بتعب : يايمه انا احبها يشهد علي الله اني احبها و اعشقها ! ولا اشوف غيرها ي امي هالبنت استوطنت قلبي قسم بالله شلون تبيني افكر وانا اشوفها مع واحد وصخ ! و طلاق ماني مطلقها لو على جثتي ماترك حرمتي لغيري
ابتسمت تقول : الله يريح بالك ي ولدي ، اهدا و فكر وانت خابر الماس عاقله و بنت حلال ، و زوجة عمك والله معاد تدخل رجلها ع بيتنا
جراح : حصل خير ان شاء الله ، بطلع بـ غرفتي ومابي احد يجيني
ام جراح : تمام
انسحب جراح يطلع لـ غرفته ، دخل يفتح الباب و فز قلبه وهو يتذكر ليلة امس ! الي كانت مليانه حُب و مشاعر و فرح وش صار الحين ؟. تنهد يقعد عالسرير و بلع ريقه وهو يشوف ملابسها الي كانت مرميه ع السرير و ع الكرسي ، و ريحة عطرها الي احتلت الغرفه ، غمض عيونه يفكر و يفكر الين ما غفى بكل تعب ..
-
و فبيت ابو نياف ، كذلك بـ غرفة الماس الي كانت متكوره على الكرسي و مو مستوعبه للحين كل الي صار ، و دموعها الي عيت توقف ، نطقت تقول : جراح ما يصدقني ؟ مستحيييل هذا مب جراح الي اعرفه مب هو مب هو ، دخل عليها معاذ الي قرب و ضمها بقوه ، نطق يقول : يا جعله بالمرض الي يبكي عيونتس !
شهقت تقول : لا تدعي لا تدعي عليه !
معاذ : و باقي ماتبيني ادعي ؟ هذي آخرة جراح كذا يسوي فيتس ي الماس
الماس بصوت متذبذب : معاذ لا تقول كذا تكفى والله تعبانه نفسيا خلاص ! انا ادري جراح واثق فيني ومارح يصدق ذاك الوصخ عديم التربيه
معاذ : نقول ان شاء الله عاد ، بتركس الحين ارتاحي و بكره نتفاهم ..
الماس : تمام
-
يُتبع
( اهلا اهلا بـ الششيووخ ، اليوم حاولت أطول البارت بقدر المستطاع ، اتمنى ان ينال اعجابكم ، اضغظوا على النجمه لأجل نكمل بارتات و اكتبوا لي توقعاتكم وش بيصير بـ الماس و جراح ؟ ، قراءه ممتعه 🌷-)