اليوم الثاني .. تحديدا في ارجاء قصر آل حمد
نزلت هياء و ابتسمت تشوف الجميع متجمع يفطرون وقالت : صبحكم الله بالخير ياهل البيت
ابتسم الجد علي وقال : صبحتس الله بالنور ي بنيتي ، تعالي افطري
هياء : بفطر هناك
ضحك عقاب وقال : هيون وراتس مستعجله افطري لاحقه ع الشغل
زفرت تقعد وقالت : ليه تحسبها شركة ابوي ؟
قاعَد : وش فيها شركة ابوي ها
ابو عقاب : لا اله الا الله ، من صباح الله خير تتهاوشون !
عهد : عاد يبه ولدك يدور حرش معاي
الجد علي : بس عاد خلوها تفطر
نزلوا رهف و سطّام و نطقوا : السلام عليكم .
ردوا بصوت واحد : و عليكم السلام
ابو عقاب : ويين وين يولد
سطّام : الشغل الشغل تأخرت
هياء : تشوف يبه م قلت لك تأخرنا عقاب بسرعه اخلص
عقاب : طيب مشينا
سطّام : بفطر هناك م عليك ي عم
ابو عقاب : ابد زين
مشى يركب سيارته و اتجه طيران لل مستشفى
-
و عند جراح و الماس ، فزت الماس و شهقت بصدمه من شافت الوقت وقال بصوت عالي : جررااااحح قممم
فز على صوتها برعب وقال : أعوذ بالله وش فيتس
الماس : الووققت طيراتناا !!!!
قام مصدوم و ركض طيران على الحمام ( يُكرم القارئ )
و اتجهت الماس الغرفه ترتب الشنط و غيرها ، اخذت لها بلوفر لونه ابيض مع بنطلون جينز ، حطت لها ميكب خفيف و لمت شعرها ، خرج جراح و اتجه الغرفه ، لبس بلوفر لونه سماوي على بنطلون ابيض ، تقدم يرش عطره و يلبس ساعته وقال : نمشي ؟
الماس : اييه تأخرنا مررره
ضحك وقال : مشينا مشينا هاتي الشنط أخذهم منتس
ابتسمت وقالت : اي زين يلا
-
فـ ارجاء شركة آل حمد ، دخل عقاب للـ شركه و تقدمت وعد بحيث انها المُساعده حقته وقالت : استاذ عقاب
عقاب : تفضلي ؟
وعد : ممكن اكلمك شوي فالمكتب
عقاب : مشينا طيب
مشوا متجهين لل مكتب و دخلوا و قعد عقاب بمكانه وقال : ايوا ، تفضلي تبين شي ؟
وعد : ااء والله ودي اقولك ان بنسحب من الشركه
قطب حاجبه : اما عاد وعد ؟ عسى م شر
وعد : والله برجع ل ديرتي عند اهلي و ناسي
عقاب : اهاا ، طيب براحتس الي تبينه وان بغيتي شي موجودين حنا لا تنسينا
ضحكت وقالت : حاضر ، م راح انسى معروفك ابداََ وظفتني و استقبلتني فـ شركتك
ابتسم وقال : يهلا فيتس
ابتسمت و قامت تطلع تودع الباقي و غيره ، دخلت بعدها وهج وقالت : أستاذ عقاب
فز على صوتها وقال : سمي ؟
قعدت وهي تحاول تلقط انفاسها وقالت : اسمع عادي اخذ اجازه اسبوع اسبوعين ؟
عقاب : اسبوع اسبوعين ؟ ليه بعد شصاير احد بيطلع من الشركه و احد يبي اجازه
وهج بهدوء : ااء والله امي تدري كبيره فالسن و شسمه مريضه فالقلب ف لازم احد يكون معاها ابي اخذ اجازه
عقاب : سلامتها و طولة عمرها ، ابد خذي راحتس
وهج : مشكور والله ما تقصر
عقاب : إذا اقدر اسوي شي ..
قاطعته وقالت : والله م تقصر يكفي خليتني اخذ اجازه
ابتسم وقال : خذي راحتس
-
فـ المستشفى تحديداََ ، دخلت هياء و شافت الاء الي كانت متقدمه لعندها وقالت : دكتوره هييياء
هياء : هلا ؟
الاء : فيه عندنا مريضه نحتاجس
هياء : طيب لحظه جايتكم
مشت لـ غرفتها لبست اللاب كوت الخاص فيها ، و اتجهت لعندهم ، ناظرت للـ بنت الي كانت مع امها و واضح عليها صغيره ، ابتسمت و جلست بهدوء تقول : لا تخافون م عليها شي ان شاء الله ، الحين نشيك على يدها و الامور تمام
المريضه ( أجوان ) : تعطوني ابره ؟
ضحكت هياء وقالت : ليه تخافين ؟
المريضه ( أجوان ) بهدوء : ايوا
هياء : م راح تحسين فيها وانا بنفسي بسوي لس
المريضه ( أجوان ) : تمام
هياء وهي تحاول تفتح موضوع لأجل تشت انتباه المريضه من خوفها للابره : وش اسمس يحلوه
المريضه ( أجوان ) : أجوان
هياء بـ لطافه : وااي يجنن
ابتسمت وقالت : وانتي ؟
هياء : وانا هياء
قاطعهم دخول سطّام الي دخل بهدوء و ارتخى يتكي على الباب وهو يتأمل هياء ، نطقت هياء : شوفي خلاص خلصنا ، حسيتي بـ شي ؟
المريضه ( أجوان ) بصدمه : والله خلصنا ؟
ضحكت أم أجوان وقالت : والله م قصرتي ي دكتوره ، م خليتيها تركز
هياء : ابد ي خاله ، الحين عطيناها مخفف الم و بكتب لها علاج تاخذه و بعد اسبوعين تجون نشوف من جديد يدها و المهم انها م تمسك اشياء ثقيله الي تسبب لها وجع
أم أجوان : ان شاء الله
هياء : الحين بس اجيب لها علاجات و اجيكم ، بتقعد معكم الدكتوره الاء
أم اجوان : ااء ي دكتوره لحظه ، بطلع من ذا الموضوع
هياء : امريني
أم أجوان : والله ي تبارك الرحمن جمال و اسلوب و شخصيه
ابتسمت هياء بخجل وقالت : يابعد روحي والله
أم أجوان : مخطوبه متزوجه شي ؟
شرقت الاء و ضحكت بخفه : اووههه
نطق سطّام وهو عند الباب : ايه ايه
ناظرته أم أجوان وقالت : ومن انت عشان تقول ايه ؟
سطّام : خطيبتي هي ..
زفرت أم أجوان وقالت : رحتي مننا ، الله يوفقكم و يتمم لكم على خير
طلعت أم أجوان مع بنتها و الدكتوره الاء لـ غرفة الانتظار ، انفجرت هياء ضحك وقالت : سطّاامم وش ذا
سطّام : وش
هياء : وش الي خطيبتي اهخخ
قرب منها بهدوء ، استنشقت ريحة عطره الي تموت عليها ونطق : كذا ولا كذا خطيبتي و زوجتي وام عيالي ومنتي لاحد غيري !
ابتسمت وقالت : جايب معلومه جديده ؟
ابتسم قرب باسها على خدها و انسحب يضحك ، هياء : سططّاام ي قليل الاددب وين حنا فييه ! اعقل
ناظرها وقال : وانتي الي يشوفتس يضيع ي هياء وش اسوي عاد
ابتسمت وقالت : اطلع اطلع خلاص وراك شغل
طلع و دخلت عُلا وقالت : شسالفه
ضحكت هياء وقالت : والله ذا الوسخ احبه ياخي
ضحكت عُلا و قالت : اعتراف قوي جدا !!
هياء : اهخ يربي
عُلا : الا متى عقد قرآنكم ؟
هياء : اليوم عاد كل م قلنا بنتممه يصير شي و نأجله و ذا السطام مستعجل يبيني
عُلا : الله يلوم اللي يلومه وين بيخلي ذا الزين كله
هياء بـ لطافه : يووهه عُلاتتي احببتسس قسم ، انتي ضروري ازوجتس واحد من خواني
انفجرت عُلا ضحك وقالت : اما عاد خوانس مره وحده
هياء : عاد تدرين عقاب للحين م فكر يتزوج ولا جاب هالطاري ، اما قاعَد واضح يحب مين هههههههههههههه
عُلا : علميني علميني مييين
هياء : بعد م صدم رهف بنت عمي يقول الاخ حبها
عُلا بصدمه : كذذاابه رهف م غيرها
هياء : ايي والله صدمنا كلنا وحنا الي نشوفهم كأنهم خوان الولد راح فيها
عُلا : عاد لابقين لبعض
هياء : ايه يمكن ، اجل انتي لعقابوه
عُلا : انا اروح اكمل شغلي ابرك هههههههههههههههههه
هياء ضحكت وقالت : اذلفي اذلفي
-
بـ ارجاء قصر آل حمد ، وسط الصاله ، نزلت رهف معصبه وقالت : يمه !! وينكم انتوا
ام تركي : ها يبنت شفيتس
رهف : يمه خواني ويييين
ام تركي : سطّام ب الشغل و تركي مدري وينه طلع بدون لا يقول تلقينه مع اخوياه
رهف : افف يربي
ام تركي : ليه وش تبين انتي
رهف : ابي اطلع اشتري لي كم شي ناقصني و ملابس و اكسسوارات
ام تركي : قاعَد ولد عمس موجود روحي معاه
رهف بربكه : انا ؟ و قاعَد ؟ لا لا يمه مستحيل
ام تركي : خذي عهد معاس دامها قاعده بدون شغل ولا مشغله ماخذه بريك ع قولتها
ضحكت وقالت : طيب بشوفها
طلعت مسرعه و اتجهت صوب جناح عهد ، طقت الباب و فزت عهد وقالت : ميين
رهف : عهدد افتححيي
فتحت عهد الباب وقالت : ادخلي ادخلي
دخلت رهف و قعدت بالكرسي تقول : عهد اسمعي انا ودي اطلع عاد اخذ لي كم لبسه و كم شي ناقصني و محد موجود الا قاعَد اخوس
عهد : طيب وانا وش اسوي
رهف : ي حماره ابيتس تروحين معاي !
عهد : اما ، عاد تصدقين جيتي ف وقتس حتنا والله ناقصني اشياء واجد و بالمره ناخذ لنا فساتين عشان عرس هيون
ضحكت رهف وقالت : يلا تم وانتي علمي اخوس عاد
عهد : ابد ازهليينيي ، اسمعي صح
رهف : لبيه ؟
عهد : تعرفين وهج خوية نهى ؟
رهف : ايه اكيد شفيها
عهد : بالمره نمر عليها يحياتي هي امها تعبانه وهي خذت اجازه
رهف بحنيه : يوه م تشوف شر ، خلاص معاتس
عهد : حلو خلاص وانا بعلم اخوي
_
عند جراح و الماس ، بـ الطائره تحديدا ، ابتسم جراح وهو يشوف الماس الي نايمه وحاطه راسها على كتفه ، همس بهدوء وقال : الماس
فزت تفتح عيونها و ابعدت بهدوء وقالت : هلا
جراح : بـ توجعين رقبتس وانتي نايمه كذا
زفرت بملل وقالت : جراح
ناظرها وقال : ابوي
ابتسمت وهي تحب هالكلمات منه وقالت : شسمه الحين مطولين يعني متى بنوصل ؟
جراح : ايه تونا باقي فيه وقت ، ليه ؟
الماس : يوه مليت
ضحك وقال : شوفي جوالتس لين نوصل
الماس : كان خليتني اكمل ليه صحيتني
جراح : م قلت لس بتوجعس رقبتس بعدين
حطت راسها على كتفه بعناد وقالت : بنام بنام
ضحك و ابتسم يطبطب على راسها وقال : نامي نامي
ضحكت و اخذت تشبك يدينها بيده : يوه منك يجراح
ارتعش قلبه وهو يشوف يده الي لاصقه فـ يدها وقال : وش فيتس خذيتي يدي
الماس : ها تبي يدك
ضحك وقال : لا والله خليها كذا
ضحكت وقالت : ايوا زين
-
بعد صلاة المغرب ، ابو عقاب : الشيخ جاي وينهم ذول !
دخل سطّام للـ مجلس بـ عجله ، و قال أبو تركي : بالله ي شيخ
استفتح الشيخ العقد بـ ذكر الله و رسوله ناظر لـ ابو تركي وقال : قُل زوجتك ابنتي هياء على كتاب الله وسنة رسوله
ابو تركي : زوجتك ابنتي هياء على كتاب الله وسنة رسوله
لف الشيخ على سطّام وقال : قُل قبلت بهذا الزواج و رضيت به
اخذ سطّام نفس وقال : قبلت بهذا الزواج و رضيت به
ابتسم الشيخ وقال : اللهم بارك لهما وبارك عليهما وجمع بينهما في خير وعافية وستر من الله
ابتسموا يرددوا بصوت واحد : اللهم امين
مد الشيخ الكتاب وقال لـ ابو تركي : وقع هنا و بعدها عطوا سطّام يوقع و ثم عطوه البنت توقع
اخذ ابو تركي يوقع و مد الكتاب لـ سطّام و كذلك سطّام وقع ، مد سطّام الكتاب لـ عقاب وقال : عقابوه امسك عطها توقع
طلع عقاب و ضحك بخفه وهو يشوفهم كلهم جالسين بـِ توتر وقال : هياء تعالي وقعي هنا
تقدمت هياء وهي كلها ترجف ، اخذت توقع وقالت : وش يعني الحين
ضمها وقال : يعني الحين صرتي حلال سطّام
ابتسمت بـ حنيه وقالت : عقااابلكك نفرح فييك
ضحك وقال : ان شاء الله كل خير .. الحين كلهم طلعوا ادخلي انتي عنده
هياء : طيب
مشت بـ خطواتها تتقدم للـ المجلس ، فتحت الباب بهدوء و دخلت على سطّام الي كان بـ كامل رزانته و كشخته ، لف عليها يناظرها و اخيرا صارت ملكه ، حلاله ، نطت بحماس و قربت تضمه بقوه ، ابتسم يشد عليها ، يحاوط خصرها وقال : صصرتييي حلاليييي واخييراا
ضحكت وقالت : منجد و اخيراا بعد صبرر
ابتسم وقال : باقي ..
قاطعته وقالت : سطّاامووه
ضحك وقال : ي فاهمتني
هياء : ايه فاهمتك م عليك ،
ابتسم وقال : م علينا وش ذا الزين وش ذا الكشششخه و الاناقه !! جعلني م انحرم من هالوجه
ابتسمت بخجل وقالت : ولا منكك ياحبيبيي
ارتخى وقال : اههخ منس ي بنت عمي
ضحكت وقالت : عطيتك وجه خلاص شفتني و شفتك مع السلامه
سحبها و انحنى يبوسها على رقبتها بهدوء ، ابعدت هياء وقالت : ي الحيوان تخيل لو احد دخل غبيي !!
سطّام : زوجتي ! م قاعد اسوي شي غلط
ضحكت وقالت : اص اص
طلعت و تقدمت للصاله تقعد معاهم وقالت : الا وين رهف و عهد !
ام عقاب : و قاعَد مب موجود غريبه والله
ضحكت ام تركي وقالت : ذول طلعوا ياخذون لهم اغراضهم الناقصه
هياء : بأسعد يوم بـ حياتي قرروا يروحون !
ام عقاب : اسعد يوم بحياتس اجل
ضحكت وقالت : يممه شفيتس
ام عقاب : اببدد
قاطعهم دخولهم ثلاثتهم وقالت هياء : سلاامات جيتوا الحين ! كان كملتوا
عهد : صدق ؟
انفجرت رهف تضحك وقالت : معليش طولنا
قاعَد : مبروك مبروك جعل ربي يتمم لس على خير
ابتسمت تضمه وقالت : الله يبارك لك ، عقبالك ها
ضحكت ام عقاب وقالت : جاي جاي الدور
ضحك قاعَد وقال : خير ان شاء الله
انسحب يتجه للـ مجلس و اما البنات دخلوا للصاله .
دخل قاعَد للمجلس وقال بحماس : سلاامم
ردوا بصوت واحد : عليكم السلام
تركي : بدري يولد وينك انت
قاعَد : والله خذيت خذيت اختي و اختك لأجل يقضون
عقاب : ذا كله !
قاعَد : يليل بتقعدون تسولفون كذا بطلع ، الا سطّام وينه
سطّام من وراه : وراك
لف عليه و ابتسم يضمه وقال : مبروك مبروك يخوك ربي يتمم لكم على خير و بركة
سطّام : امين يارب ، عقبالك
ضحك وقال : شبلاكم تبوني اتزوج و تفتكون مني
ضحك تركي وقال : ايه ايه
عقاب : وجود و عدم واحد ويقول تفتكون مني
انفجروا يضحكون وقال قاعَد : افاا هذا ونت اخوي مفروض معاي مب علي
ضحك عقاب وقال : نمزح نمزح شفيك
قاعَد : ادري م عليك ..
-
عند جراح و الماس اخر الليل الي وصلوا ، ركبت للسياره مع جراح وقال : الماس صحصحي ي امي بنوصل الحين
فزت تقول بصوت هادي و نبره واضح عليها التعب : يلا طيب قمت
وقف جراح اخذ لها قهوه و له كذلك وقال : اشربي اشربي شوي تصحصحين
الماس : اقول مشينا عالبيت و نمر على اهلي بكره ، عاد صدق تعبانه مالي خلق اسوي شي
ضحك وقال : والله ولا انا ، اجل ننزل على فندق و بكره نرجع البيت
الماس : يلا طيب
استمرت السوالف بينهم الين وصلوا الفندق ، نزل جراح يحمّل الشنط ، دخل و دخلت الماس وراه اتجهوا لـ غرفتهم الخاصه ، انسدحت الماس على السرير بدون تفكير وفي غصون ثواني تعمقت فـ نومتها ، ضحك جراح وهو يشوفها نايمه بـ براءه ، بدل ملابسه و انسدح على السرير ، قرب ياخذها بحضنه بهدوء ، ابتسم وهو يلعب بشعرها الي يجذبه و دقايق و نام هو ..
-
يُتبع
-
( اتمنى البارت عجبكم ، اعذروني ع القصور و الأخطاء الإملائية ، اضغطوا ع النجمه لأجل نكمل سوا م باقي شي على الـ 1k ، قراءه ممتعه 🌷)
أنت تقرأ
مالوّم قلبيِ يوم تولع في ههواكِ ، مَحّلاه وصّفِك يحرِك خافقي كُله
Romanceرِواية : مالوّم قلبيِ يوم تولع في ههواكِ مَحّلاه وصّفِك يحرِك خافقي كُله - ثالِث رواية لي قريبا بإذن الله تعالى 🤩!! كَاتِبتكُم الجميلة : رهف القحطاني ✍🏻.
