بعد اسبوع تقريباََ ، بـ بيت ابو جراح تحديداََ ، فزت الماس الي كانت قاعده بـ الصاله و تقدمت تفتح الباب و ابتسمت من شافت جراح الي كان واقف ام الباب
و نطقت : ياهلا ياهلا بالشيخ
ضحك و نطق : يابعده انتي
دخلوا للـ صاله و نطق : وين أهل البيت ؟
الماس : طلعوا كلهم يكشتون
عقد حاجبه و نطق : وراه م رحتي معهم ؟
الماس : مالي خلق والله
جراح : يلا زين الي يريحتس ، مافيه شي قهوه شاي ؟
ضحكت وقالت : عاد تعرفني م اعرف اسوي !
ضحك وقال : تعالي اعلمتس انا ..
الماس : يلا مشينا
دخلوا للـ مطبخ و تقدم جراح ياخذ أغراض الشاي اللازمه ، وقف الماس تناظره وقالت انت سو الشاي وانا بسوي القهوه شرايك ؟
جراح : يلا تم
اخذت الماس كوب و بدأت تسوي القهوه ، ناظرت لـ جراح و نطقت بـ براءه : لو سمحت تعال شغل الغاز
ضحك بصدمه يقول : م تعرفين !
الماس : لا
جراح : الماس ! افتحي افتحي خلي هالحركات عنس
قربت من الغاز تحاول تفتحه و ابعدت بخوف من شب النار ، اصطدمت بـ صدر جراح و اختلطت انفاسهم ببعضها و نطقت وهي ترجف : شفت ! قلت لك ماعرف
ضحك يضمها بهدوء وهو يشوف الرجفه الي كانت واضحه فيها و نطق وهي بوسط احضانه : والله احسبتس تمزحين م هقيت انس تخافين من النار
ابتسمت بهدوء و ابعدت تقول : طيب نكمل ؟
ماسمح لها تبعد الا و رجع أخذها لـ قربه و نطق وهو يناظر بـ عيونها : تبين نكمل انتي ؟
الماس : جراا..
غمضت عيونها من قرب يقبل ثغرها ، يعبر عن حُبه لها في هالقُبله ! ابعد بهدوء يناظرها و ابتسمت تقول : شفيك ؟
نطق يقول : مايصير اتأملتس ؟ واحمد ربي ع النعمه الي عطاني ياها ؟
تبسمت تضمه بقوه وقالت بـ لطافه : الله لا يحرمني منك جررااحيي
ضحك يبوس راسها و نطق : يااابعده
الماس : الظاهر بنسحب ع القهوه و الشاي
جراح : روحي اقعدي بـ الصاله انتي و انا بجيب لنا
الماس : تمام حبيبي
طلعت الماس و لكن م اتجهت للصاله ، طلعت لـ جناحهم الخاص و بدأت تشغل الانوار و المكيف ، و شغلت التلفزيون و انسدحت ع الكرسي بهدوء تنقي فيلم لأجل يتابعونه ، رفعت جوالها تفرفر فيه لين يجي جراح ، ما طول عليها الا و دخل عليها لـ الصاله الخاصه فيهم و نطق : انتي شفيتس طلعتي فوق
الماس : يمه تخيل لا سمح الله حد من أهلك يجي !
ضحك و قرب يقعد جمبها و نطقت تكمل : تعال نتابع ذا الفيلم ، بس رعب هاه
جراح : انتي توس خايفه من النار الحين تبين تتابعين ذا ؟
الماس : يوه جرااح خل نشوف
جراح : يلا طيب شنسوي بعد
-
و فـ ارجاء شركة ~ A.H.C ~ ، دخل عقاب عند قاعَد فـ مكتبه و نطق : السلام
رد قاعَد : عليكم السلام
قرب و قعد امامه وقال قاعَد : عقابوه شفيك ؟
فز وقال : ها ابد م فيني شي
قاعَد : اقول اخلص بسرعه اخوك و اعرفك
ضحك يحاول يشتته وقال : شدعوه قاعَد قلت لك مافيني شي ؟
قاعَد : طيب براحتك ، بقوم اجيب قهوه تبي ؟
عقاب : ايه
قام قاعَد و طلع من مكتبه يتجه للدور الأول ، و صادف وهج الي نادته ، فز يلف عليها وعقد حاجبه يقول : تفضلي ؟
وهج : استاذ قاعَد بسالك ، الاستاذ عقاب وينه ؟ ادوره مب في مكتبه
قاعَد : موجود بـ مكتبي ، ليه عسى م شر ؟
وهج : لا ابد بس اسال
هز راسه بمعنى ( تمام ) ، و نزل للدور الأول و طلعت وهج تتجه لـ مكتب قاعَد ، اخذت نفس من صارت امام الباب تناظره من خلف الباب ، طقت الباب و دخلت عليه و نطقت بهدوء : عقاب
رفع راسه يفز من سمع صوتها ، و ناظرها وقال : لبيه ؟
فتحت عيونها بصدمه ولأول مره يقول لها لبيه ! عقاب الي كان بالشركه مايحب احد يناديه غير الاستاذ عقاب ، لاحظ صدمتها ونطق : عفوا .. تفضلي ؟
وهج بهدوء : زاد فضلك ، بس جيت ابسألك فيك شي ؟ هالاسبوع منت عقاب الي اعرفه
تبسم و نطق : استاذ عقاب *
وهج بـ استفزاز : طيب ي عقاب
ضحك وهو يشوف حركاتها و نطق : طيب امريني وش بغيتي ؟
وهج : هذا هو سوالي فيك شي ؟
عقاب : لا
وهج : عقااب !
تنهد وقال : وشو ؟
وهج : تكلم وش فيك ! وش مضايقك و شاغل تفكيرك
اخذ نفس و زفر يقول : واذا قلت لس بـ تجاوبيني بكل صراحه ؟
وهج بربكه : اا..ي
عقاب : وهج انا ابي اخذتس على سنة الله ورسوله ، ابيتس حلالي و ام لـ عيالي ! بس خايف اجي و ترفضيني ! انا حبيتس محبه مايعلم فيها الا الله ، هل فيه احد في بالتس ؟
بلعت ريقها و نطقت : هذا الي شاغل بالك ؟
عقاب : اي والله
غمضت عيونها بهدوء و فتحتها و ناظرت فيه تقول : عقاب ، باب بيتنا مفتوح لك انت تعال و بتعرف الجواب
فتح عيونه بصدمه و نطق : واذا جيت و رفضتي !
تبسمت توقف و نطقت : يمكن م أرفض
ابتسم من شافها طلعت بدون م تسمح له يرد ، ارتاح داخله بعد ماسمع منها و حس ان فيه امل يكون بينهم نصيب ، دخل عليه قاعَد الي نطق : وش تبي وهج ؟؟؟
عقاب : انا ناوي اخذهااا بالحلاااال
ضحك قاعَد وقال : احلف ؟ م درت عنك امي
زفر وقال : بعد هذي المشكله ، وشلون نقنع امي الحين
قاعَد : الله يعز رهف بس
انفجر يضحك وقال : الله يعزها اجل
قاعَد : اي والله اخذ بنت عمي ولا اخذ بنت الغريب
نطق عقاب بحده : اقول بنت الغريب متربيه عشر مرات بعد ، حدودك ب الكلام ي قاعَد
قاعَد : طيب علمني شلون بتقنع امي و ابوي ؟
تنهد وقال : خير ان شاء الله ، ابوي يدري بس باقي امي
قاعَد : اما عاد ابوي يدري وش قال لك طيب ؟؟؟
عقاب : م قال شي
قاعَد : الله يوفقك ياخوي
عقاب : امين امين
-
فـ المستشفى تحديداََ ، طلع سطّام من مكتبه يتمشى في ارجاء المستشفى و صادف الدكتوره الاء الي وقفت جمبه تسولف و نطقت : شخبارك ؟
عقد حاجبه وقال : الحمد لله
الاء : اشوفك لحالك قلت اسال عن احوالك
سطّام : يلا طيب تقدرين تكملين شغلتس
الاء بملل : فاضيه الحين م عندي شي ، إذا مسببه لك ازعاج بروح مو مشكله
اخذ نفس و صادفوا هياء و عُلا الي كانوا أمامهم و نطق : شوفي الحين بتجي و بتصير مشكله هذا الي تبينه ؟
الاء بـ إنكار : لا ! ابداا
صد بدون م يرد عليها و اتجه لـ عند هياء الي نطقت بـ عصبيه : لا تكلمني ابد !
مشى خلفها متجه لـ مكتبها ، دخل و قفل الباب خلفه بقوه و نطقت هياء بـ عصبيه : شتبي ؟ رح كمل سوالف معاها عاجبتك سوالفها
سطّام : هياء وش هالكلام ؟
هياء : تسالني بعد ؟ هذا الي انا شايفته بعيني شكلك تبيها عادي رح لها م عندي مشكله
نطق سطّام بـ عصبيه و بصوت عالي : اعقبي والله اني م ابيها ولا فكرت فيها حتى ! ولو اني ابيها م جيت لعندس الحين تفهمين ؟
ناظرته له هياء وهي تشوفه لأول مره يرفع صوته عليها و يهاوشها بوسط المستشفى ! و في مكتبها !! ، نطقت وهي ماسكه الغصه داخلها : سطّام من متى ترفع صوتك علي ؟ عشان الاء هذا كله ؟
سطّام وهو م زال مستمر بـ عصبيته : شوفي كلامتس !!
هياء : طيب اسفه
تنهد سطّام و قرب لـ عندها بهدوء و سحبها بوسط أحضانه و نطق : ي هياء الله يهداتس
طاحت دموعها و ناظر لـ عيونها يقول : هيياااء ! ياجعلني بالموت ان تطيح دموعس بسببي !
هياء بصوت متذبذب : صدمتني اول مره ترفع صوتك كذا مو عوايدك
سطّام : ي هياء انتي م تسمعين نفستس وش تقولين ! وش الي عاجبتك و رح معاها وش هالكلام انتي كذا تجبريني اعصب !
هياء : وانا من العصبيه طلع مني هالكلام ، انت تدري اني م ابلع الاء ابدا تروح توقف معاها ليش ؟
سطّام : هي جت لي مب انا جيتها وليش اروح لها اصلا
هياء : شدراني فيك
سطّام بحده : هياء !
ضحكت بخفوت وقالت : خلاص امزح معاك ، والله ان شفتها معاك مره ثانيه بذبحك والله
تبسم وقال : واذا هي الي جتني ؟
هياء بحده : بذبحك و بذبحها شرايك ؟
ضحك وقال : حاضر أمري وشو بعد
هياء : ابد خلاص هذا الي ابيه
سطّام : تم
-
و بـ وسط البر ، مع هبوب الرياح و شبة النار ، عند عائلة جراح ، تبسمت الدانه تنطق : اهخ شهالاجواء الي تجيب الررراااس
ضحك نايف وقال : اي والله صادقه
ام جراح : ناقصنا وهج و جراح
نايف : صادقه والله
الدانه : طيب يمه دقي عليهم خل يجون فيه وقت
ام جراح : دقي انتي
الدانه : يمه انتي لو تدقين م راح يرفضون لتس طلب انا بيرفضون اعرفهم
ام جراح : طيب
سحبت جوالها و دقت على جراح و ما استجاب لـ ردها ، نطقت : جراح جواله مقفل
نايف : انا بكلمه انتي دقي على وهج
ام جراح : طيب
رفعت جوالها و دقت على وهج الي م اخذ منها وقت الا و استجابت و نطقت وهج : ياهلا يمه
ام جراح : هلابتس
وهج : ايوا عسى م شر صار لكم شي ؟
ام جراح : لا لا ، شرايتس تجين لعندنا ؟
وهج : هاا ؟ يمه مستحيل والله الاستاذ عقاب بيذبحني
ام جراح : شدعوه عاد قولي له عندي ظرف طارئ
وهج : ومع مين اجي ؟
ام جراح : جراح اخوس
وهج : طيب بشوف
قفلت الخط و تقدم نايف يقعد معاهم وقال : كلمت جراح يقول بيشوف إذا الماس بتقدر بيجون و قلت له يمر على وهج
ام جراح : زين
-
بـ الشركة تحديداََ ، طلعت وهج من مكتبها و مشت مسرعه لـ مكتب عقاب ، طقت الباب و دخلت بهدوء تنطق : السلام عليكم
فز عقاب و نطق : عليكم السلام ؟
وهج : عقاب باخذ اذن بطلع عادي ؟
عقاب : اول شي شسمي ؟
رصت ع اسنانها بـ عصبيه و زفرت تنطق : استاذ عقاب
ابتسم و نطق : ضروري ؟
وهج : الصدق لا
عقاب : اجل لا
وهج : تكفى
عقاب : وش الي تكفى قاعدين نشتغل مو نلعب
وهج : اليوم بس والله !
سكت لوهله يناظر فيها و نطق : لا
صدت تأفأف تبي تطلع و قاطعها يقول : طيب خلاص روحي ، اليوم بس
تبسمت و نطقت : حاضر
طلعت و نطق عقاب وهو يضحك : الله يصبرني عليتس
ركضت وهج لـ مكتبها تلم أغراضها و دقت ع جراح تعلمه انها اخذت اذن و نزلت للدور الأول . صادفت ميار الي كانت تمشي و تأفأف بـ عصبيه ضحكت تسحبها من يدها وقالت : ميار شفيتس ؟
ميار : تعبت من اليوم طالعه نازله طالعه نازله
وهج : يحياتي الله يقويتس
ميار : امين ، انتي على وين
وهج : مااخخذذه اذذنن
ضحكت تقول : تقهريني هاا
وهج وهي تضحك : لا شدعوه
ميار : يلا طيب الله معاكِ
-
و ف بيت ابو جراح ، بـ جناح جراح و الماس ، نطق جراح : نروح عندهم ولا م تبين ؟
الماس وهي تفكر : احس مدري
جراح : اخلصي وهج منتظره
الماس : طيب خلاص نروح ابرك ع الاقل نغير جو
جراح : طيب حبي قومي اجهزي و خلصي ثم علميني
الماس : طيب
دخلت لـ غرفتها تفرفر بـ وسط ملابسها ، و اخذت لها توب لونه وردي فوقه جاكيت فرو ابيض ، مع بنطلون ابيض ، حطت لها ميكب خفيف و نثرت شعرها و اخذت تلمه و تسوي به ذيل حصان ، و رشت عطرها المفضل لها و تقدمت تنتظر جراح الي لبس له ثوب اسود و تقدم يعدل شماغه ، ولبس له ساعته و رش عطره العود ، نطقت الماس : جراح انا خلصت
جراح : وانا خلصت يلا مشينا
الماس : مشينا ..
-
يُتبع
-
( ياهلا بـ احباب قلبي ، اعذروني على القصور و الأخطاء الإملائية ، اتمنى البارت عجبكم و اعذروني لانه قصير هذا الي قدرت عليه ، اضغطوا على النجمه لأجل نكمل سوا 🌷-)
أنت تقرأ
مالوّم قلبيِ يوم تولع في ههواكِ ، مَحّلاه وصّفِك يحرِك خافقي كُله
Romanceرِواية : مالوّم قلبيِ يوم تولع في ههواكِ مَحّلاه وصّفِك يحرِك خافقي كُله - ثالِث رواية لي قريبا بإذن الله تعالى 🤩!! كَاتِبتكُم الجميلة : رهف القحطاني ✍🏻.
