( للتذكير البارت الماضي )
فـ قصر آل حمد ..
دخلت هياء و وراءها سطّام
تركي : شصار وراكم رجعتوا ؟
سطّام : تركي تعال شوي
دخلت هياء للصاله و طلعوا سطّام و تركي للحوش
تركي : اسلم ؟
سطّام : شسمه هياء طاحت علينا ب المستشفى
تركي : اما ! و فيها شي؟
سطّام : الظاهر انها مو ماكله شي من الصبح
تركي : ايه زين م عليك خلها علينا ، باخذ لها اكل و بعلم خالتي و عمي
ابتسم وقال : اي زين نفداك
انسحب تركي للصاله و اتجه سطّام راجع للـ مستشفى
دخل تركي و قال : هياء !
فزت وقالت : هلا
تركي : شتبين تاكلين
هياء : تركي والله نفسيتي ماش
تركي : ي هياء توس راجعه و سطّام يقول منتي ماكله شي اكلي لس شي وانا بقوم اعلم خالتي عنس
هياء : طيب
-
~ ف بيت ابو جراح تحديدا ~
نزل جراح بـ بدلته بـ كامل هيبته و رزانته ، صادف وهج وقال : وهج ؟ انتي مو عندس دوام اليوم
وهج : ايه استأذنت اهل الماس هنا
فتح عيونه بذهول وقال : اما
وهج : اييه ، انت على وين
ضحك و فتح حضنه يضمها وقال : رايح وراي مهمه و يمكن أطول
وهج بحنيه : يحبيبي الله يقويك
ابتسم و دخل للصاله شاف الكل متجمع وقال : السلام عليكم
ردوا بصوت واحد : عليكم السلام
ام نياف : أقرب يوليدي
جراح : لا والله جاي اسلم و بروح
ام جراح : على وين
جراح : والله يمه وراي مهمه و يمكن أطول دعواتس بس
ابتسمت وقالت : استودعتك الله و الله يقويك يولدي
انت والي معاك
الماس بهدوء : الله يحفظك
ابتسم وقال : امين ، يلا سلام
طلع مستعجل و كان الجو هواء قوي جداََ
~ تحديدا عند وصوله ، كان معاه فـ سيارته المساعد سعيد ، فتح جراح الرادار اللاسلكي و قال : من الوحده سين خمسه إلى جميع الوحدات حول
الملازمه هيام : هُنا لام سته حول
مشعل : لام سبعه نسمعك بوضوح حول
جراح : حنا نتجه صوب مركز العاصفه الاقوى ومن المرجح انه يكون موقع القاعده الرئيسيه في حال عثوركم على ليستر في إحد القواعد الي رح تتجهون لها ارجو ابلاغنا
الملازمه هيام : عُلم
~ فـ القاعده الأولى عند ( ليستر ) ~
ليستر : هل تم ارسال الأمر برفع قدرة القواعد ؟
الموظف : اجل يا سيدي ، لكن هذا رح يسهم في قوة زياده العاصفه ! قد لا تنجو قاعدتنا منها ف الاساس
ليستر : انا واثق من تحمل القاعده ، قم بزيادة اطلاقه !
الموظف بربكه : و لكن !
ليستر بـ حده : نفذ !!
-
فـ المستشفى تحديداََ
دخل سطّام وكل تفكيره فـ هياء ، رفع جواله و دق عليها و لاحظ عدم ردها ، زفر و صادف الطبيبه عُلا وقالت : دكتور سطام ، بشرنا عن هياء ؟
سطّام : م فيها الا كل خير ان شاء الله
عُلا : ااء تمام دكتور ابي اكلمك شوي إذا سمحت
سطّام : تفضلي ؟
عُلا : اسمع دكتور سطّام صحيح اني اشتغل مع الدكتور وائل بس صدق لازم اقولك عن شي .
سطّام بتعجب : صاير شي ؟
عُلا : شسمه الدكتور وائل مو عاجبه ان الدكتوره هياء معاك يبيها معاه ، و بعد م طاحت فوقه صدق نفسه شوي ف حاول يعني تبعد هياء عنه
زفر سطّام وقال : تمام ، م قصرتي
انسحبت عُلا إلى شغلها و كذلك سطّام
-
فـ شركة ~ A.C.H ~ تحديداََ
فـ مكتب عقاب الي كانوا عهد و نهى موجودين ، عهد : عقاب وين مكتب خويتي وهج ؟
عقاب : وهج ؟ من شوي استأذنت
عهد بقهر : اخخ وحنا جينا عشانها
نهى : طيب خلاص وش نسوي مشينا نرد البيت
عقاب : انتوا شايفين الجو ضارب ؟ بترجعون معاي اصبروا
عهد : شرايك تخلينا ناخذ جوله ف الشركه
ضحك وقال : اي زين اطلعوا انا وراي شغل الحين بس لا تسوون ازعاج ها
نهى : ابد م عليك
عهد : اجل مشيناا
-
و عند ليستر تحديداََ
ليستر : ليه ياخذ كل هذا الوقت ! قمت بزيادة الطاقه زي م قلت ؟
قاطعه دخول جراح الي قال : انتهى وقت اللعب يا سيد ليستر ، جميع القواعد تم اختراقها
ليستر وهو مركز فـ شاشة الكمبيوتر الي قدامه ، م حس الا بـ جراح بنبره حاده : انتهى الأمر تحرك !
ليستر بضحكه خبيثه : هههههههه
جراح : ليه تضحك ؟
ليستر : لان عملية العداله قد تمت !
لف جراح على الكمبيوتر الخاص بـ ليستر وقال بـ صوت عالي : وقفوا كل الاجهزه حالاََ !!
ليستر بهدوء : لا تتعب نفسك ! بتتوقف الاجهزه و بتعطل نفسها بنفسها ، تأخرت ياحضرة النقيب !رح يهبط النيزك بعد اسبوع لكن عملية تغيير مساره قد تمت بالفعل و محد رح يوقفه الان ! حظ سعيد ف المره القادمه
جراح : لازم توقفه حالا !! بسرعه
ليستر : أود أن أفعلها لكن عندي ارتباطات مسبقه ، و ناظر ليستر وراه و هرب و لحقه جراح ..
-
فـ بيت ابو جراح تحديداََ
ام جراح : متى تبون الزواج
ام نياف : والله نبيه ب اسرع وقت
وهج بهمس : لموس تعالي تعالي نهج المطبخ
ضحكت الماس بخفه و مشوا للمطبخ بحجة يشربون الماء ، وهج : تشوفين يبون يخلصون تفاصيل العرس ب اسرع وقت
ضحكت وقالت : شفت شفت اخخ بس
وهج : عزتي ل جراح يرجع من المهمه و ينصدم
الماس : الا بقولتس الحين هو دايم كذا ؟ يعطوه مهام و مدري وش
وهج : اي والله للاسف بين فتره وفتره يعطوه
الماس : و يطول؟
وهج : يعني تقدرين تقولين ايه يطول بس على حسب
زفرت وقالت : وهو من معاه دامه نقيب ؟
ضحكت وقالت : معاه ملازمه هيام و اظن المساعد سعيد
قطبت الماس حواجبها وقالت : ملازمه ! و هيام !! و مع جراح !!!
وهج : ايه ذول يشتغلون معاه من سنين
زفرت وقالت : م علينا ، ملل
ضحكت وهج وقالت : ايه ايه ملل ، مشينا عندهم بس
-
~ فـ ارجاء قصر آل حمد ، اخر الليل ~
دخل سطّام و لاحظ هدوء البيت ، تقدم للصاله و لمح قاعَد و تركي الي كانوا موجودين قاعدين كل واحد على جواله ، مشى و دخل المطبخ ياخذ له كوب ماء و دخل وراءه تركي وقال : ها شصار
فز وقال : ابد م صار شي ، علمت عمي عن هياء !
تركي : ايه ايه م عليـ..ك
قاطعهم دخولها المفاجئ و طلع تركي لأجل يتركهم قطبت هياء حاجبها وقالت : متى جيت ؟
ابتسم وقال : توني ، ها انتي شصار عليتس .
زفرت وقالت : م صار شي والله اخوك علم امي و م قصر طلب لي اكل
سطّام : زين وش بتسوين الحين ؟
هياء : ابد جيت اخذ لي مويه و بطلع انام
سطّام : اي طيب توصين
هياء : سلامتك
-
فـ بيت ابو جراح ، قاعدين الماس و وهج بـ الحوش اخر الليل وسط الظلام يسولفون و يضحكون ، نطقت الماس ما بين سوالفهم وقالت : وهج حكيني عن زوجة عمك ماجد !
زفرت وهج وقالت : الصراحه ! عمي مظلوم جداََ يوم خذاها ، اقولتس مب صاحيين لا زوجته ولا عياله و نقدر نقول صفاء بنتهم اهون من امها شوي
الماس بذهول : لهدرجه ؟
وهج : اييه و ولدهم وصخخ بشكل اههخ تكفين وربي إذا جو عندنا اسوي نفسي م اعرفهم حرفيا فشله الام و عيالها
الماس : طلع عنهم كلام من قبل ؟.
وهج : كلام وبس ! كلشي طلع عنهم اقولتس الناس يخافون منهم زوجة عمي خبله لو تبي شي و حطته ف راسه تسويه لو بـ السحر !!
الماس بصدمه : يمه بسم الله ، عينهم عليكم او شي ؟
وهج حكت شعرها وقالت : والله مدري لو للحين بس انهم كانوا يبون جراح لـ صفاء
شهقت وقالت : احلفيي !
وهج : اي والله بس مدري لو نسته لان م نشوف بعض الا ف الشهر مره
الماس : يمه بسم الله على جراح
قاطعهم صوت طق الباب و قالت الماس بخوف : قومي انتي شوفي
ضحكت وقالت : شفيس يعيوني تخافين من وش امشي معاي نشوف سوا
الماس : يلا طيب امشي
تقدموا و قاموا يفتحون الباب بهدوء و الرعب ماكلهم ، شهقت وهج من شافت جراح الي واقف بـ بدلته وقالت : جراح ؟ وراك جيت عسى م شر
رفع انظاره بعد م كان مركز بـ الجوال وقال : جيت اخذ شي و بروح
وهج : من بـ السياره ؟
جراح : المساعد و الملازمه
وهج : ايه زين ادخل
دخل و قالت الماس بهمس : ذي هيام ؟
ضحكت وقالت : ايه
الماس : شتسوي معاه ب السياره !!
وهج : هييه اهدي ترا مب لحالهم شبلاتس ؟ بـ يخونس مثلا تستعبطين وش انتي
الماس بـ استفزاز : اسكتي بس امشي داخل
وهج : طيب طيب
-
اليوم الثاني تحديدا في ارجاء قصر ال حمد ، تحديدا فـ جناح سطّام ، صحى من دخل ضوء الشمس بوسط عينه ، فز و قام يشوف الساعه و انصدم من شاف الوقت و انه متأخر و نط علطول يلبس ملابسه و ركب سيارته و طار للمستشفى ، عند وصوله ، دخل و اتجه بهدوء يدخل و قاطعه كلام الطبيبه الاء الي قالت : دكتور سطّام متأخر اليوم ؟
ضحك وقال : اي والله راحت علي نومه
الطبيبه الاء : قهوه ؟
سطّام : م اقول لا
ابتسمت و اتجهوا للـ كافتيريا ، و جلسوا بـ طاوله ، و عند هياء الي كانت نازله من السلم الكهربائي ، اتجهت كذلك للـ كافتيريا و لمحت سطّام الي قاعد مع الاء ، عضت شفايفها بغيره و صدت بعدم اهميه و اتجهت اخذت لها قهوه و طلعت لـ مكتبها
-
َو عند بيت ابو جراح
قاموا الماس و وهج بعد م سهروا الليل ، نزلوا يفطرون ، جلسوا بـ طاولة الطعام و قالت وهج : يمه جراح م دق عليتس ؟
ام جراح : لا ليه
وهج : مدري بس اسأل غريبه م دق مو من عوايده
ام جراح : مشغول الولد الله يحفظه
ردوا بصوت واحد : امين
ام جراح : تعالي خذي ل اخوس شاي ب المجلس
الماس : يخاله عادي لو يبي يجي بنطلع انا و وهج بنفطر بـ الجلسه ب الحوش
ام جراح : اي زين بناديه اطلعوا انتوا
-
يُتبع
-
( اضغطوا ع النجمه عشان اكمل ، قراءه ممتعه و اعذروني ع القصور ❤️❤️. )
أنت تقرأ
مالوّم قلبيِ يوم تولع في ههواكِ ، مَحّلاه وصّفِك يحرِك خافقي كُله
Romanceرِواية : مالوّم قلبيِ يوم تولع في ههواكِ مَحّلاه وصّفِك يحرِك خافقي كُله - ثالِث رواية لي قريبا بإذن الله تعالى 🤩!! كَاتِبتكُم الجميلة : رهف القحطاني ✍🏻.
