مالوّم قلبيِ يوم تولع في ههواكِ ، مَحّلاه وصّفِك يحرِك خافقي كُله

~ 17 ~

و فـ ارجاء قصر ~ ال حمد ~ دخل قاعَد وهو يحس بـ فرحه مو قادر شلون يوصفها ، ما كان متوقع ابدا انه رهف بتوافق ! بتوافق عليه بتصير ملكه و حلاله ، ابتسم يقول في نفسه : يالله انك تكتبها من نصيبي !
دخل للـ مجلس الي كان فيه عقاب و سطّام و تقدم يدخل يقول : سلاااميي علييكم
ضحك سطّام وقال : عليك السلام ، بس شسالفه مستانس الابتسامه شاقه وجهك
ابتسم يقول : هاه ابد يخوك
عقاب : انتم ليه م رحتوا للدوام .؟
سطّام : والله راحت علينا نومه ، انت الي ليه مب مداوم هذي معجزه تُسسججل
ضحك يقول : اهخ ي سطّام والله راسي بينفجر مصدع مرررره بس بقوم الحين بروح والله وراي أشغال كثيررره
سطّام : سلامتك سلامتك
قاعَد : ي البزر يوم انك مصدع ورا م تاخذ اجازه اليوم ؟
عقاب : وشوله اجازه ماله داعي
سطّام : يلا طيب قم الوقت
ضحك وقال : طيب
قام يطلع من المجلس يتجه لـ سيارته طيران للشركه ..
سطّام : نطلع ناخذ لنا فره ؟
قاعَد : تممم
-
و فـ شركة ~ A.H.C ~ دخلت السكرتيره وجدان تمشي فـ ارجاء الشركه و تصادمت مع وهج الي كانت تمشي جمبها ، نطقت تقول : وجع يوجع عدوتس
وهج بصدمه : بسم الله اسفه ؟؟؟
وجدان بـ عصبيه : م تشوفين انتي عمياء !
وهج : وجدان شفيتس توس اليوم تقولين لي سلامات و الأمور تمام ؟؟ تدورين مشاكل انتي !
وجدان : ايه انا ادور ايه !
وهج بهدوء : وجدان حبيبي والله نفسيتي واصله معي م ابغى مشاكل
وجدان بـ استفزاز : صدق ؟ وش بتسوين علميني يلا
وهج : تكفين اسكتي تكفين
وجدان : يبوي اذلفي اصلا مدري وشلون استاذ سهم وافق عليك بالشركه محد يبيكِ هنا !!
سكتت وهج بـ صدمه تستوعب الكلام و نطقت تقول : وجدان ! انا سويت لس شي ؟
وجدان : اييه الله ياخخذذك روحي اقعدي عند اُمك ليه جايه ليه داومتي !
قاطعهم دخول عهد المفاجئ و نطقت تقول : شسالفه هنا أصواتكم يبوي !
وجدان : امسكي خويتك ازعجتنا
عهد : اووه فيه تطور ب الكلام ؟ شكلتس تبين تودعين الشركه بأقرب وقت !
ضحكت وجدان تقول : اتحداكِ اساسا م تقدرون و عقاب يبيني بعد م راحت وعد ، ذي امها بـ المستشفى و لها عين تداوم بعد
مسكتها عهد بقوه وقالت : تتحديني انا ؟ انا عهد بنت سهم انتي السكرتيره تتحديني !
وجدان : ايوا
دخل بينهم عقاب الي وقف مصدوم من صوتهم العالي و وصله كلامهم كله تقدم لهم وقال : بزران انتم بزران؟ بوسط الشركه تتهاوشون
صارخت عهد تقول : ععققاااب قسم بالله بفتح قبرها هنا امسك هذي عنيي تمااادت كثييير !!!!
عقاب : عهد شفيتس شسالفه فهموني
عهد : قاعده تتكلم مع وهج بأسلوب وقح !!
ناظر عقاب لـ وهج الي طاحت دموعها من تكلمت وجدان عن امها ، صدت تمشي لـ مكتبها و مشى وراءها عقاب ، دخلت و قفلت الباب وراها ، تقدمت تجلس فـ الكرسي تحاول تحبس دموعها الي ماقدرت تمسكهم ، و شهقاتها الي عجزت تخفيهم ، كيف تجرأت تتكلم معاها كذا ! تجمد عقاب وهو يسمع شهقاتها من خلف الباب ، دخل بهدوء و قعد قدامها وقال : وهج
ناظرت له وقالت : سم ؟
طاحت عيونه بعيونها الذبلانه الي كانت مليانه دموع ، اخذ كوب ماء و قرب يقعد جمبها وقال : امسكي اشربي
حطت يدينها على وجهها تخفي دموعها الي طاحت اكثر و أكثر ، نطق بهدوء وقال : لا تنزل دموعتس ! علميني وش يرضيتس الحين
ناظرته له وقالت بصوت متذبذب : اطردها اطردهاااا ، قهرتني قسم بالله تقول لي محد يبيتس و روحي و مدري وشو وليه جايه و مدري شلون الاستاذ سهم قبلني بالشركه اهه بس
عقاب : طيب م عليتس منها ليه انتي شاكه انه محد يبيتس ؟ لو ما نبيتس م وافقت عليتس
ابتسمت بهدوء وقالت : شكرا ..
ابتسم وقال : ايوا كذا ابتسمي مو تصيحين
وهج : عقاب والله شكرا لك منجد ! وقفت معاي و تكلفت بـ علاج امي و عطيتني اجازه والله م راح انسى ذي الأشياء ! الله يجزاك خير
عقاب : م سويت شي انا .. واذا على العلاج...
قاطعته تقول : والله اخوي بيرجع لك المبلغ م عليك
نطق يقول : وشو له !!! مابيه انا فدا
ناظرته له وقالت : الله يسعدك
عقاب : و الحين ابشري هذاني بقوم الحين و بطرد وجدان من الشركه ولا تنزل دمعه منتس خليتس رافعه راستس فوق و واثقه ان خالتي بتقوم و بتطلع بالسلامه
ابتسمت تقرب تضمه بقوه بدون ما تحس بنفسها من كلامه الي استوطن قلبها ، يخليها واثقه من نفسها ، فتح عيونه بصدمه وهو يشوفها بوسط أحضانه ، بلع ريقه يبتسم يرفع ايده يشدها لـ صدره ، اختلطت انفاسهم ببعض ، يشم ريحة عطرها الهااادييه الي كانت كـ ريحة الورد الهادي و ريحتة هو الي كانت عكسها تماماََ !! استنشقت ريحة عطره العود والبخور ، ابعدت بخجل من استوعبت وش سوت وقالت :  والله تحمست شوي ، والله يا ان كلامك اسعدني قسم بالله شكرا والله شكرااا
ابتسم وقال : يابعد حيي والله
سكتت لوهله و قام يقول : اجل انا استأذن تبين شي.؟
مسكت يده قبل لا يطلع وقالت : اييه شسمه
فز وقال : سمي ؟
وهج : عهد تقول ماكنت بتجي ؟
عقاب : اي والله ماكنت بجي ، بس الأشغال م نقدر نخليها و زين اني جيت ولا كان تصافقتوا انتي و عهد و وجدان
ضحكت تقول : اي والله صادق
ابتسم وهو يشوف ضحكتها وقال : اروح ؟
ابتسمت وقالت : ابد الله معك
طلع من عندها وهو يحس بشعور غريب ، معقوله وهج ؟ عقاب الي مافكر يحب ولا جاء على باله هالطاري جت وهج خذت عقله ! و باله ! و تفكيره ! اما وهج الي كذلك ما توقعت بيوم رح تنقبل بـ شركتهم و رح تحب مدير الشركه ! الي يوم شافته لأول مره ما كانت تطيقه وش غير رايها فجأه ؟ ..  اتجهت تدخل لـ الحمام ( يُكرم القارئ ) غسلت وجهها و بدت تعدل مكياجها بعد الصياح الي خربه ، ابتسمت تاخذ نفس بعمق ، و زفرت تتقدم تقعد امام  اللاب توب حقها تكمل شغلها ..
-
و فـ بيت ابو طارق ، فزت حور على رسالة وصلت لها ، نطت بفرح وقالت : تممييممووهه
ناظرت لها عُلا وقالت : انخبلتي شي ؟
قربت تضمها و ضحكت بفرح تقول : الشركه الشركه
قامت عُلا بصدمه وقالت : وشوو وشو
حور : يقولون نجي انا و تميم بكره و بنشوف كيف
عُلا : في ذمتتسسس
حور : ايييه قسم بالله
ابتسمت ام طارق الي كانت تسمع تضاحيكهم و فرحتهم و نطقت تقول : ان شاء الله بتنقبلون ي بنتي 
ردوا بصوت واحد : ان شاء الله يارب
الجود : متى بتروحون ؟
حور : بكره
عُلا : اهخ يالقهر وانا بقعد لحالي
ضحكت الجود تقول : افا انا هنا
عُلا : يابعد رووحي
قاطعهم دخول طارق الي كان راجع من شغله ، دخل وقال : يمه فيه غداء ؟
ام طارق : فيه ي ولدي فيه
قعد طارق بالكرسي وقال : جود بالله جيبي لي والله ي اني جووعاان
تقدمت الجود بتوقف تتجه للـ مطبخ ، و قاطعتها حور الي قالت : اقول اقعدي بس انا بقوم اجيب له
الجود : شدعوه حور انا بروح عادي
حور : احمم اقولتس اقعدي
ضحكت الجود وقالت : ابشري
طارق : شعندها حور
ام طارق بربكه : م فيها شي خلها تجيب مو مشكله
طارق بـ تعجب : طيب طيب
-
اما بـ السياره عند سطّام و قاعَد ، الي كانوا مستانسين و حاطين السرعه على اخر شي و عايشين الجو ، ضحك قاعَد وقال : علي علي الصووت
سطّام : ابشررر
ما كملوا طريقهم الا وهم صادمين بـ شاحنه عملاقه ، اخذت فرحتهم و تضاحيكهم معاها ، انصدم الجميع من المنظر المرعب الي صار بالسياره و فيهم ، و اكتفوا انهم يدقون على الإسعاف .. ما أخذ من وقتهم كثير الا و وصلت سيارة الإسعاف و ركب معاهم الي دق على الإسعاف لأجل يكون معاهم ، نطق يقول للـ ممرضه : مسويين حادث انتبهوا عاد !
اخذوهم لـ داخل السياره و اتجهوا طيران للـ مستشفى
..
و بـ المستشفى تحديداََ ، هياء و عُلا الي يتمشون وسط المشفى ، نطقت عُلا تقول : اشوا اليوم مافيه مرضى كثير
ضحكت هياء ترد عليها : اي والله صادقه
عُلا : عاد تعبنا وربي
هياء : نلقاها من الشغل ولا المدير ولا وش
عُلا : اي والله ..
مشوا ينزلون لـ تحت و أشرت عُلا تقول : يمه ليه كل هالزحمه شصاير هنا
هياء : امشي نشوف
اتجهوا يمشون بهدوء الين ما وصلوا ، قربت هياء تشوفهم و شهقت بـ أعلى صوتها من شافت سطّام و قاعَد ! تجمد قلبها بـ مكانه وهي تشوف المنظر قدامها كانوا مغطايين بالدم ! نطقت الممرضه تقول : دكتوره هذول مسويين حادث .. واحد منهم نقدر نقول مافيه شي و الثاني وضعه صعب !
طاحت دموعها برعب تقول : عُلا ! سطّام و اخوي !!
انصدمت عُلا وقالت  للممرضه : خذوهم بسرعه بسرعه
اتجهوا يدخلون لـ غرفة العمليات ، طاحت ع الارض تبكي بـ خوف و صدمه ، مسكتها عُلا تقول : هيون قومي !! لا تصيحين تكفين ماعليهم شي قومي رح يدخلون واحد فيهم العمليات !
وقفت هياء و مشت تركض مسرعه تلبس اللاب كوت الخاص فيها و دخلت عليهم تقول : انا الي بسوي العمليه !
نطق وائل : هياء ! الله يهديكِ وضعك م يسمح لك ابد تدخلين اطلعي ارتاحي
هياء : دكتور وائل تكفى !
هز راسه بالرفض وقال : والله اعتذر ما اقدر اطلعي خلينا نبدأ
طلعت تحبس دموعها بـ حسره و ألم ، صادفت الممرضه الي كانت تمشي و نطقت تقول : انتي كنتي معهم ؟
الممرضه : نعم
هياء : فيه واحد داخل بـ العمليات و الثاني فين ؟
نطقت تقول : ف الطابق الثالث الغرفه B 7
ركضت هياء تطلع للـ طابق الثالث بكل سرعه ، دخلت و فتحت الباب بقوه و طاح قلبها وهي تشوف سطّام امام عينها مرمي على السرير ! مُغطى بالدم الي احتوى ملابسه و حول ملابسه إلى اللون الاحمر ! طاحت دموعها ما قدرت تمتلك نفسها ابدا وهي تشوف حالته هذي الي ماتعودت عليها ! قربت وقالت : شلون وضعه ؟
الاء : هياء مافيه شي الحمد لله ! كسر باليد و نقدر نقول فيه جروح خفيفه بس ماعليه شي انتي شوفي اخوكِ ! انا عند الدكتور سطّام لا تخافين
هياء : اخوي بـ العمليات رفضوا يدخلوني اسوي العمليه معهم ! اهه بس الله يستر
الاء : طيب علمي اهلك
وقفت تمسح على وجهها و نطقتت تقول : اييه صح نسيت ، اخذت جوالها ترفعه و دقت أقرب شـخص لها رهف .. ما أخذ منها وقت و ردت عليها تقول : هلا والله هيون ، عسى ماشر هالوقت داقه
نطقت هياء بصوت متذبذب : رهف ..
رهف : لبيه ؟ شفيه صوتس
هياء : سطّام و قاعَد ..
رهف برعب : شفيييهم بسم الله
هياء : مسويين حادث ب المستشفى ، تكفين تعالي احتاجس و علمي الاهل مره وحده
مسكت على قلبها وقالت : جايه جايه الحين
قفلت هياء الخط و تقدمت تقرب على سطّام ، اخذت الكرسي تجلس جمبه ، مسكت يده و بدت تصيح وهي تقول : اهه يربي سطّام لا تروح مني تكفى ! وشلون بعيش حياتي بدونكم وشلووون
ناظرتها الدكتوره الاء وهي تحس قلبها متقطع عليهم وقالت : دكتوره هياء اهدي ، معطينه منوم الحين لازم يرتاح و بعد شوي بيقوم
هياء وهي تشد على يد سطّام : الاء والله ما اقدر ما اقدر اتركه انتي روحي شوفي كيف وضع اخوي و علميني !
الاء : انا بقعد هنا انتي روحي مو مشكله لا تخافين
زفرت تبي تقوم و فزت من شد سطّام يده على يدها و ابتسمت بحنيه ترجع تقعد مكانها ، وقالت : طيب شويات و بروح عادي تطلعين انتي ؟
الاء : تمام تلقيني برا
-
و فـ بيت ابو نياف
دخلت الماس تقول : سلاااميي علييكم
ابتسم معاذ يقول : عليكم السلام أرحبي
ام نياف : ياهلا ياهلا بالزين
ابتسمت تقول : هلا فيتس يمه
معاذ : عسى م شر ليه جايه
الماس : ي قليل الادب م تبيني؟!
ضحك يقول : افاا بس استغربت توس من يومين جايه
الماس : والله جراح مداوم ومحد فالبيت عاد خفت اقعد لحالي
علي : اييه ي الخواافهه تخاافيين
الماس : اووصص ، يمه امسكي ولدتس ولا برجع
ام نياف : علي وش هالكلام
علي : شدعوه يمه امزح معاها
ام نياف : ادخلي ادخلي ارتاحيي
ضحك معاذ يقول : طيب يمه انا و علي طالعين توصين
ام نياف : انتبهوا لنفسكم
معاذ : سمي
طلعوا متجهين يركبون للسياره ، اما بالداخل نطقت ام نياف تقول : ها يمه شمسويه شلونكم هناك
الماس : ابد كلنا بخير الحمد لله
ضحكت ام نياف بخفه وقالت : ايوا مافيه علوم و اخبار ؟
الماس : وش علومه بعد
ام نياف : ماتبين تجيبين لي حفيد ! ابي افرح فيتس
الماس بـ احراج : ييمه باقي بدري تونا معرسين !
ام نياف : وشو بدري ي بنتي ماهو بدري ابي اشوف احفادي حولي ابي اشوف ولدتس ي ام رعد
ضحكت وقالت : اوف من الحين جبتي الاسم يمه
ام نياف : ايه رعد بس
الماس : طيب واذا ابوه ما عجبه الاسم هو بعد له رأي خاص يمه
ام نياف : يصير خير
ضحكت تقول : يصير يصير ان شاء الله
-
و بـ المركز تحديداََ ، طلع المدير شهاب وهو معصب و نطق سعيد : هذا شفيه
جراح : وحنا شدخلنا إذا مشعل م جاء م حطها الا براسنا
هيام : تتشوووف ! يقهر قسم بالله
سعيد : اشهد انه مريض
جراح : لا يسمعك بس
سعيد ببرود : ي رجال طز خل يسمع
ضحكت هيام تقول : ايه ايه بعدها بنشوف شكلك
جراح : صادقه
هيام : م قلت لك يقول بيتزوج و بيأخذ اجازه
ضحك وقال : اووف من متى هالكلاام
هيام : قبل لا تجي
ضحك سعيد وقال : شفيكم لهدرجه تبوني ؟
ضحكوا وقالت هيام : لا اذلف محد يبيك
سعيد بمزح : يلا رايح
نطق جراح وهو يضحك : افا تروح و تخلينا ؟
سعيد : اييه
هيام : جراح مشينا ناخذ مشعل مكانه
شهق وقال : اععقبب والله م يجي مكاني
انفجروا يضحكون وقالت هيام : شاطر ارجع مكانك
سعيد : يلا جاي
-
و بـ المستشفى ، دخلوا ابو عقاب و ابو تركي مع عيالهم يتسابقون بـ الخطوات كل واحد خايف على ولده ، نطق ابو عقاب يكلم وحده من الممرضات : عفوا ، وين الدكتوره هياء ؟
الممرضه : اا موجوده بـ الطابق الثالث بـ غرفه B 7
طلعوا مسرعين يمشون لـ فوق و دخلوا وراء بعض وقال ابو تركي : هذا سطّام ولدي ! شفييه وش جااه
هياء وهي تمسح دموعها : عمي ؟ مافيه شي اهدا كسر ف يده و جروح خفيفه و الحين منوم يرتاح شوي ، و بكره يطلع بأذن الله
ابو عقاب بـ خوف : ولدي ! قاعَد اخوتس وييينه
قربت تضمه بقوه وقالت : يبه قاعَد توه طالع من غرفة العمليات اهه بس
ابو عقاب : فيييه شي !!!
هياء : لا يقولون كأنه انطعن بـ الزجاج على خصره و سوو له خياطه ، بس مافيه شي الحمد لله
تركي : طيب نقدر نشوفه ؟
هياء : لا رفضوا يدخلون اي احد
تركي : ابلش
ابو تركي : و قاعَد وينـ..ه
قاطعهم دخول رهف الي فتحت الباب بقوه و دخلت مرعوبه و خايفه : يمهه وينهم شصار
مسكها تركي وقال : اهدي اهدي ! هذا سطّام مافيه الا العافيه الحمد لله
مسكت على قلبها وقالت بهدوء : و قاعَـ..د وينه
هياء : مخدرينه بـ غرفه ثانيه يقولون ان توه طالع من العمليه لازم يرتاح
رهف : اهاا تمام ، تبون مويه شي ؟
ابو تركي : اي والله ..
طلعت بهدوء و صادفت الدكتوره الاء وقالت : عفوا ي دكتوره
الاء : هلا
رهف : بسالتس فيه اثنين مسويين حادث واحد منهم هذي غرفته و الثاني وين غرفته ؟ اسمه قاعَد بن سهم
الاء : هذي هي جمبكم ، بس يُمنع الزيارات
رهف : تكفين شوي بشوفه بس ! والله خمس دقايق بس
تلفتت الاء تناظر يمين و يسار وقالت : طيب بسرعه لان اذا درا الدكتور وائل رح يهاوشني ، مشت رهف تدخل بهدوء م تبي تسبب ازعاج ، قعدت بـ الكرسي تناظر له بـ حنيه وهي تشوفه منوم ، قربت تشبك يدينها بيدينه و نطقت بهمس و نبره مبحوحه : قاعَد ! ليه كل هذا صار ليه تونا ما بدينا تونا بـ البدايه !! لو صار فيك شي انت و سطّام وش بسوي انا ووش
سكتت تتأمله بهدوء و دخلت الاء وقالت : اطلعي اطلعييي بيجي الدكتور يشوفه
فزت و قامت تطلع ، و اخذت لها مويه لهم و رجعت لعندهم الغرفه .. وقالت : تفضلوا
ابو تركي : وينس طولتي
رهف بربكه : هاه .. يبه والله المستشفى كبير شسوي
تركي : اقعدي اقعدي
ابو عقاب : خلوه خلوه يرتاح مشينا نطلع برا
رهف : طيب يلا
مشوا يطلعون و قامت هياء لأجل تطلع معاهم و لكن فزت بصدمه من سمعت سطّام الي بدأ يهمس بـ اسم قاعَد : قا..عَـ..د
قربت له و نطقت تقول : سطّاام
فتح عيونه بـ هدوء و تمسك بيدينها يقول : ههيـ..ون
ابتسمت وقالت : يااعيونها
سطّام : وين ..
قاطعته تقول : سطّام ياحبيبي ارتاح ارتاح لا تتعب نفسك ، قاعَد مافيه الا العافيه الحمد لله
ناظرها وقال : صدق ؟ في ذمتـ..س لا تكذبين علي
اخذت نفس و قالت : والله والله
شد على يدها وقال : اقعدي لا تروحين
ناظرت له بـ حنيه وهي تشوف التعب واضح من صوته : معاك وين ماتروح ! انت ارتاح بس
ابتسم و نطقت تكمل وقالت : اعلمهم انك صحيت
سطّام : طيـ..ب
طلعت هياء و علمتهم و دخلوا بـ فرح كلهم ، و ناظرت هياء لـ رهف وقالت : رهوف ؟ سطّام قام شفيتس بعد
رهف بـ حزن : طيب و قاعَد !
قربت تمسك يدينها وقالت : انا ادري اخوي قوي و بيقوم ان شاء الله ماعليه شي الحين مخدرينه بيطول شوي .. ادخلي شوفي اخوتس
ابتسمت وقالت : تمام 
-
يُتبع
-
( اهلاا اهلا فييكم ، كل عام وانتم بخير يـ احبابي نزلت هالبارت كـ عيديه لكم ، اعذروني على القصور و الأخطاء الإملائية ، اضغطوا على النجمه لأجل نكمل و نبي نوصل للـ 2k بـ أقرب وقت انشروا الروايه بكل مكان ، قراءه ممتعه ❤️❤️)